News Continuous Bureau | Mumbai
Shilpa Shetty praises ‘Dhurandhar’: રણવીર સિંહ સ્ટારર સ્પાય-થ્રિલર ફિલ્મ ‘ધુરંધર’ અત્યારે બોક્સ ઓફિસ પર ધૂમ મચાવી રહી છે. સામાન્ય જનતાની સાથે બોલિવૂડ સેલેબ્સ પણ આ ફિલ્મના દિવાના બન્યા છે. હાલમાં જ અભિનેત્રી શિલ્પા શેટ્ટીએ ફિલ્મ જોયા બાદ સોશિયલ મીડિયા પર તેની જબરદસ્ત પ્રશંસા કરી છે. શિલ્પાએ ફિલ્મના કલાકારો સહિત ડિરેક્ટર આદિત્ય ધરના વિઝનને પણ બિરદાવ્યું છે.
આ સમાચાર પણ વાંચો : Toxic: યશની ફિલ્મ ‘ટોક્સિક’ માંથી કિયારા અડવાણીનો ફર્સ્ટ લુક રિલીઝ: આંખોમાં આંસુ અને દમદાર અંદાજ જોઈ ફેન્સ થયા આશ્ચર્યચકિત
શિલ્પા શેટ્ટી એ શેર કરી પોસ્ટ
શિલ્પા શેટ્ટીએ પોતાના ઇન્સ્ટાગ્રામ પર એક વીડિયો શેર કર્યો છે, જેમાં તે ‘ધુરંધર’ ના લોકપ્રિય ગીત ‘FA9LA’ પર ડાન્સ કરી રહી છે. ખાસ વાત એ છે કે આ વીડિયોમાં શિલ્પાએ ફિલ્મમાં અક્ષય ખન્નાએ કરેલા યૂનિક ડાન્સ સ્ટેપની નકલ કરી છે. શિલ્પાએ આ વીડિયોના કેપ્શનમાં લખ્યું કે, “રણવીર સિંહ, તમારો સમય આવી ગયો છે. અદભૂત અભિનય અને તમે પાત્રમાં એકદમ ફિટ થઈ ગયા છો.”શિલ્પાએ રણવીર સિંહ ઉપરાંત ફિલ્મના અન્ય કલાકારોના પણ વખાણ કર્યા છે. તેણે અક્ષય ખન્નાના ઓરાને કમાલનો ગણાવ્યો તો આર માધવન, અર્જુન રામપાલ અને સંજય દત્તને પોતપોતાની ભૂમિકામાં ‘રોકસ્ટાર’ કહ્યા છે. શિલ્પાએ ડિરેક્ટર આદિત્ય ધર માટે લખ્યું કે, “આદિત્ય ધર તમે ખરેખર વિઝનરી છો. તમે અત્યાર સુધીની શ્રેષ્ઠ દેશભક્તિ ફિલ્મોમાંની એક બનાવી છે.”
આદિત્ય ધર દ્વારા નિર્દેશિત આ ફિલ્મ બોક્સ ઓફિસ પર અધધ કમાણી કરી રહી છે. રિલીઝના માત્ર ૧૮ દિવસમાં જ ‘ધુરંધર’ એ ૫૫૭ કરોડ રૂપિયાથી વધુનો બિઝનેસ કરી લીધો છે. ફિલ્મમાં ભારતમાં બનેલી વાસ્તવિક ઘટનાઓને જે રીતે ફિલ્માવવામાં આવી છે, તે દર્શકોને ખૂબ જ પસંદ આવી રહી છે. રણવીર સિંહની આ ફિલ્મ તેના કરિયરની સૌથી સફળ ફિલ્મોમાંની એક બની રહી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
