News Continuous Bureau | Mumbai
સોનુ નિગમ સાથે મારપીટનો મામલો સામે આવી રહ્યો છે. લાઈવ શો દરમિયાન કેટલાક લોકોએ ગાયક સાથે મારપીટ કરી હતી. જેમાં તેના ગુરુ ના પુત્ર રબ્બાની ખાનને ઈજા થઈ હતી. જેને સારવાર માટે હોસ્પિટલમાં ખસેડવામાં આવ્યા હતા, જ્યાંથી તેઓને બાદમાં ઘરે મોકલી દેવામાં આવ્યા હતા. તે જ સમયે, સોનુ નિગમે પણ ચેમ્બુર પોલીસ સ્ટેશન પહોંચ્યા બાદ આ મામલાની ફરિયાદ નોંધાવી છે. જે બાદ પોલીસે મામલાની તપાસ શરૂ કરી છે અને ધક્કા મુક્કી કરનારા લોકોની ઓળખ કરવામાં આવી રહી છે.
જાણો શું છે સમગ્ર મામલો
મળતી માહિતી મુજબ, ધારાસભ્ય પ્રકાશ ફાટેરપેકર દ્વારા આયોજિત ચેમ્બુર ફેસ્ટિવલમાં ફિનાલે દરમિયાન સોનુ નિગાર ત્યાં પરફોર્મ કરી રહ્યો હતો. આરોપ છે કે આ દરમિયાન ધારાસભ્યના પુત્રએ પહેલા સોનુના મેનેજર સાયરા સાથે ગેરવર્તણૂક કરી અને પછી જ્યારે સોનુ નિગમ સ્ટેજ પરથી નીચે ઉતરી રહ્યો હતો ત્યારે તેણે પહેલા ગાયકના બોડીગાર્ડને ધક્કો માર્યો અને પછી સોનુને પણ ધક્કો માર્યો. જોકે, આ ઝપાઝપીમાં સોનુ નિગમ ના ગુરુ નો પુત્ર રબ્બાની ખાન સ્ટેજ પરથી નીચે પડી ગયો હતો. જેના કારણે તેને ઘણી ઈજાઓ થઈ હતી.મીડિયા એ આ મામલે સોનુનો સંપર્ક કરવાનો પ્રયાસ કર્યો હતો, પરંતુ તે પોતે આ ઘટનાથી આઘાતમાં છે, તેથી તેણે વાત કરવાનો ઇનકાર કર્યો હતો.
સોનુ નિગમે પોલીસ સ્ટેશનમાં નોંધાવી ફરિયાદ
મીડિયા રિપોર્ટ્સ અનુસાર મોડી રાત્રે સોનુ નિગમ ચેમ્બુર પોલીસ સ્ટેશનમાં ફરિયાદ કરવા પહોંચ્યો હતો.થોડા સમય પછી ધારાસભ્ય પ્રકાશ ફાટેરપેકર પણ પોલીસ સ્ટેશન પહોંચ્યા.સોનુ નિગમની ફરિયાદના આધારે પોલીસે ઉદ્ધવ ઠાકરે જૂથના ધારાસભ્ય પ્રકાશ ફાટેરપેકરના પુત્ર સ્વપ્નિલ ફાટેરપેકર વિરુદ્ધ ફરિયાદ નોંધી છે.આ મામલામાં ચેમ્બુર પોલીસે IPCની કલમ 341, 323, 337 હેઠળ કેસ નોંધીને વધુ તપાસ શરૂ કરી છે.
વિડીયો થયો વાયરલ
જોકે, સોનુ સાથેની આ ઘટના નો એક વીડિયો ટ્વિટર પર વાયરલ થઈ રહ્યો છે. જ્યાં એવું કહેવામાં આવ્યું હતું કે રાજકીય પક્ષ સાથે જોડાયેલા કેટલાક લોકોએ સોનુ નિગમ પર સીડીઓ ઉતરતી વખતે હુમલો કર્યો હતો. બોડીગાર્ડ ના બચાવ ના કારણે સોનુ નિગમ તો બચી જાય છે,પરંતુ તેની ટીમના સભ્યો ઘાયલ થાય છે. આ પછી બંનેને નજીકની હોસ્પિટલમાં લઈ જવામાં આવ્યા હતા.
Shocking😡
Padma Shri Singer #SonuNigam was attacked by the son of Shiv Sena MLA Prakash Phaterpekar. got some serious injuries & taken to Zen Hospital Chembur. Is this what a Padma Shri & a legend deserves?
Demanding stringent action @Dev_Fadnavis @MumbaiPolice @mieknathshinde pic.twitter.com/4HnEMdTa9p— Akassh Ashok Gupta (@peepoye_) February 20, 2023
