News Continuous Bureau | Mumbai
અભિનયની દુનિયાથી લઈને રાજનીતિ સુધી પોતાનું નામ બનાવનાર કેન્દ્રીય મંત્રી સ્મૃતિ આજે કોઈ ઓળખ પર નિર્ભર નથી. સ્મૃતિ ઈરાનીએ સીરિયલ ‘કયુંકી સાસ ભી કભી બહુ’ થી દ્વારા લોકોના દિલ પર રાજ કર્યું હતું. આ સિરિયલે તેને એક અલગ જ ઓળખ આપી. જોકે હવે તે રાજકારણની ગલીઓમાં સક્રિય છે. ટીવીની દુનિયામાં સ્થાન બનાવવા માટે સ્મૃતિએ ઘણો સંઘર્ષ કર્યો. તેણીએ શરૂઆતના દિવસોમાં મોડલિંગ કર્યું હતું. સ્મૃતિ ઈરાનીએ તાજેતરમાં જ તેના મોડલિંગ ના દિવસોનો એક વિડિયો શેર કર્યો છે. આ વીડિયો 25 વર્ષ જૂનો છે.
સ્મૃતિ ઈરાની એ શેર કર્યો વિડીયો
આ વીડિયો સેનિટરી નેપકિનની જાહેરાતનો છે. આ તેની પ્રથમ જાહેરાત હતી. 25 વર્ષ જૂના આ વીડિયોમાં સ્મૃતિ ઈરાનીને ઓળખવી મુશ્કેલ છે. આ એડમાં અભિનેત્રી પીરિયડ્સ વિશે ખુલીને વાત કરતી જોવા મળે છે. વીડિયો શેર કરતાં સ્મૃતિએ કહ્યું કે આ તેની કારકિર્દી નો પહેલો મોટો એડ વીડિયો હતો, પરંતુ આવા પ્રોજેક્ટથી તે સમયે મોડલની કારકિર્દી ખતમ થઈ શકે છે.સેનિટરી નેપકિનનો વીડિયો શેર કરતાં સ્મૃતિએ લખ્યું- ‘જ્યારે તમારી પહેલી જાહેરાત સેનિટરી ની હોય! 25 વર્ષ પહેલા કોઈ મોટી કંપની માટે આ મારી પ્રથમ જાહેરાત હતી. જોકે તે કોઈ ફેન્સી વિષય પર ન હતું. તેના બદલે, તે સમયે તે એક પ્રોડક્ટની જાહેરાત હતી જેનો ઘણા લોકો વિરોધ કરતા હતા. સેનિટરી પેડની જાહેરાતમાં સામેલ મોડલની કારકિર્દીનો લગભગ અંત આવી ગયો હતો. સ્મૃતિએ વધુમાં કહ્યું કે, ‘હું કેમેરા સામે મારી કારકિર્દીની શરૂઆત કરવા માટે ખૂબ જ ઉત્સાહિત હતી. મેં પ્રોજેક્ટ માટે હા પાડી. છેવટે, પીરિયડ્સ અને સ્વચ્છતા વિશે કેમ વાત ન કરવી. ત્યારથી મેં પાછું વળીને જોયું નથી. પીએસ: હા ત્યારે હું પાતળી હતી, યાદ કરાવવાની જરૂર નથી..
સ્મૃતિ ઈરાની નું લગ્નજીવન
ફેન્સ અને સેલિબ્રિટીઓ આના પર ઉગ્ર ટિપ્પણી કરી રહ્યા છે. સ્મૃતિ ઈરાનીએ વર્ષ 2001માં ઝુબિન ઈરાની સાથે લગ્ન કર્યા હતા. આ દંપતીએ પહેલા જ વર્ષમાં તેમના પ્રથમ બાળકનું સ્વાગત કર્યું જેનું નામ તેઓએ ઝોહર રાખ્યું અને વર્ષ 2003માં એક પુત્રીને જન્મ આપ્યો. તેણે બાળકોને ઉછેરવા માટે એક્ટિંગમાંથી બ્રેક લીધો હતો.
