ન્યુઝ કન્ટિન્યુઝ બ્યુરો
મુંબઈ,22 જાન્યુઆરી 2022
શનિવાર
પ્રખ્યાત નિર્દેશક એસએસ રાજામૌલીની બહુચર્ચિત મલ્ટીસ્ટારર ફિલ્મ 'RRR'ની રિલીઝ ડેટ જાહેર થઈ ગઈ છે. ખાસ વાત એ છે કે ફિલ્મની બે રિલીઝ ડેટ જાહેર કરવામાં આવી છે.કોરોનાને ધ્યાનમાં રાખીને, ફિલ્મ નિર્માતાઓએ બેક-અપ પ્લાન બનાવ્યો છે. ખરેખર, કોરોનાના વધતા જતા કેસને જોતા, ફિલ્મની રિલીઝ ડેટ મોકૂફ રાખવામાં આવી હતી. આ ફિલ્મ 7 જાન્યુઆરી 2022ના રોજ સિનેમાઘરોમાં આવવાની હતી. હવે ફરી તેની રિલીઝ ડેટ જાહેર કરવામાં આવી છે.
રામ ચરણ, જુનિયર એનટીઆર, આલિયા ભટ્ટ અને અજય દેવગણ સ્ટારર ફિલ્મની બે રિલીઝ ડેટ રાખવામાં આવી છે. કોરોના ને ધ્યાનમાં રાખીને આ યોજના બનાવવામાં આવી છે. આવું પહેલીવાર બન્યું છે જ્યારે એક જ ફિલ્મની બે રિલીઝ ડેટ નક્કી કરવામાં આવી હોય.'RRR'ના નિર્માતાઓ દ્વારા સત્તાવાર નિવેદન જારી કરવામાં આવ્યું છે. સોશિયલ મીડિયા પર પોસ્ટ કરીને કહેવામાં આવ્યું છે કે, 'જો દેશમાં રોગચાળાની સ્થિતિ સુધરે છે અને દેશભરના તમામ થિયેટર સંપૂર્ણ ક્ષમતા સાથે ખુલે છે, તો અમે 18 માર્ચ, 2022ના રોજ ફિલ્મ રિલીઝ કરવા માટે તૈયાર છીએ. નહિંતર, ફિલ્મ 28 એપ્રિલ, 2022 ના રોજ સિનેમાઘરોમાં આવશે.
તમને જણાવી દઈએ કે 'RRR' અત્યાર સુધીની સૌથી મોંઘી ફિલ્મ છે. આ ફિલ્મનું બજેટ 450 કરોડથી વધુ છે. 'RRR' એ બે ક્રાંતિકારીઓ અલ્લુરી સીતારામ રાજુ અને કોમારામ ભીમની વાર્તા પર આધારિત ફિલ્મ છે. આ બંને લોકો બ્રિટિશ રાજ અને હૈદરાબાદના નિઝામ સામે લડ્યા હતા. આ ફિલ્મ ઈમોશનલ હોવાની સાથે એક્શન અને ડ્રામાનું સંપૂર્ણ પેકેજ પણ છે. અજય દેવગણ અને આલિયા ભટ્ટ આ ફિલ્મથી તેલુગુ ફિલ્મ ઈન્ડસ્ટ્રીમાં ડેબ્યુ કરી રહ્યાં છે. આલિયા આ ફિલ્મમાં રામ ચરણની સામે જોવા મળશે. ઓલિવિયા મોરિસ જુનિયર એનટીઆરની સામે જોવા મળશે.
#RRRMovie on March 18th 2022 or April 28th 2022. pic.twitter.com/Vbydxi6yqo
— RRR Movie (@RRRMovie) January 21, 2022
