News Continuous Bureau | Mumbai
Sunita Ahuja Breaks Silence On Govinda Komal Rani બોલિવૂડના દિગ્ગજ અભિનેતા ગોવિંદા (Govinda) અને તેમની પત્ની સુનીતા આહુજા (Sunita Ahuja) વચ્ચે ચાલી રહેલા દાંપત્ય જીવનના વિવાદ વચ્ચે વધુ એક મોટો વળાંક સામે આવ્યો છે. તાજેતરમાં ગણેશોત્સવ દરમિયાન મુંબઈના સુપ્રસિદ્ધ લાલબાગચા રાજા (Lalbaugcha Raja) ના દરબારમાં ગોવિંદા પોતાની આગામી ફિલ્મની કોએક્ટર કોમલ રાની સ્વર્ણકાર (Komal Rani Swarnkar) સાથે દર્શન કરવા પહોંચ્યા હતા. આ ઘટનાના વીડિયો સોશિયલ મીડિયા પર વાયરલ થયા બાદ હવે સુનીતા આહુજાએ આ સમગ્ર મામલે આખરે પોતાનું મૌન તોડ્યું છે. સુનીતાએ સ્પષ્ટ અને બેટૂક શબ્દોમાં પ્રતિક્રિયા આપતાં જણાવ્યું છે કે, “તે જેના પણ સાથે રહે, ખુશ રહે, ભગવાન તેનું ભલું કરે.”
Sunita Ahuja On Govinda Komal Rani – લાલબાગચા રાજાના દરબારમાં અલગ-અલગ દર્શનથી શરૂ થયો વિવાદ
ગણેશ ઉત્સવ દરમિયાન એક જ દિવસે સુનીતા આહુજા પોતાની સિક્યોરિટી સાથે એકલા લાલબાગચા રાજાના દર્શને પહોંચ્યા હતા. તેના થોડા જ કલાકો બાદ ગોવિંદા તેમની સાથે નહીં, પરંતુ યુવા અભિનેત્રી કોમલ રાની સાથે પંડાલમાં પૂજા-અર્ચના અને આરતી કરતા નજરે પડ્યા હતા. આ વીડિયો સામે આવતાં જ સોશિયલ મીડિયા પર નેટીઝન્સે ભારે હોબાળો મચાવ્યો હતો અને ૪૦ વર્ષના લગ્નજીવન છતાં પત્નીને સાથે ન લાવવા બદલ ગોવિંદા સામે આકરા સવાલો ઉઠાવ્યા હતા. આ ઘટના બાદ સુનીતાની પ્રતિક્રિયાની ચાહકો આતુરતાથી રાહ જોઈ રહ્યા હતા.
Sunita Ahuja Breaks Silence On Govinda Komal Rani – પોતાના આત્મસન્માન અને અલગ જીવન અંગે ખુલીને વાત કરી
સુનીતા આહુજાએ આ મામલે મૌન તોડતાં જણાવ્યું હતું કે હવે બંને પોતપોતાની રીતે જીવન જીવી રહ્યા છે. તેમણે સંકેત આપ્યો હતો કે તેઓ પોતાના આત્મસન્માન (Self Respect) સાથે કોઈ પણ સંજોગોમાં સમાધાન કરવા તૈયાર નથી. જો કોઈ વ્યક્તિ સંબંધો અને પ્રેમની કદર ન કરી શકતી હોય તો તેની પાછળ જીવન બરબાદ ન કરવું જોઈએ. આ સાથે જ તેમણે ઉમેર્યું કે તેઓ ગોવિંદા સામે કોઈ કડવાશ રાખવા માંગતા નથી અને તે જેના પણ સાથે રહે, તેને ખુશ રહેવાની જ શુભેચ્છા પાઠવે છે. અગાઉ પણ સુનીતાએ ગોવિંદાની ઉંમર અને કો-એક્ટર સાથેની નિકટતા સામે ખુલ્લેઆમ નારાજગી વ્યક્ત કરી હતી.
Sunita Ahuja On Govinda Komal Rani – છૂટાછેડાની અરજી પરત ખેંચ્યા છતાં ખટરાગ અકબંધ
ઉલ્લેખનીય છે કે સુનીતા આહુજાએ અગાઉ ફેમિલી કોર્ટમાં ગોવિંદા વિરુદ્ધ છૂટાછેડા (Divorce Petition) માટે અરજી દાખલ કરી હતી, જેને તાજેતરમાં તેમણે પરત ખેંચી લીધી હતી. ગોવિંદાના મેનેજર દ્વારા બીજી કોઈ લગ્નની યોજના ન હોવાની સ્પષ્ટતા કરવામાં આવી હોવા છતાં બંને વચ્ચેનો પારિવારિક ખટરાગ અટકવાનું નામ નથી લઈ રહ્યો. બંને હવે જાહેરમાં અલગ-અલગ જોવા મળી રહ્યા છે. સુનીતા હવે પોતાના બાળકોના કરિયર અને પોતાની અંગત ખુશી પર ધ્યાન કેન્દ્રિત કરી રહ્યા છે, જ્યારે ગોવિંદાની આ મુલાકાતોને લઈને બોલિવૂડ કોરિડોરમાં ચર્ચાઓ ચરમસીમાએ પહોંચી છે.
👉 આ સમાચાર વાચો:
Supreme Court On UPI Charges ૧૫ ઓક્ટોબરથી UPI પર ચાર્જ લાગુ થશે કે નહીં? સુપ્રીમ કોર્ટે વચગાળાનો સ્ટે આપવાનો કર્યો ઈનકાર, ૪ અઠવાડિયા પછી શું થશે?
