News Continuous Bureau | Mumbai
સિરિયલ ‘અનુપમા’ દર્શકોનું ખૂબ મનોરંજન કરી રહી છે. લોકપ્રિય સિરિયલની કાલ્પનિક વાર્તા ચાહકોના દિલ જીતી રહી છે. દરમિયાન, શોમાં નવી એન્ટ્રીની ચર્ચાઓ ચાલી રહી છે. સુપ્રિયા પિલગાંવકરે હવે ટીવી શો ‘અનુપમા’માં ભૂમિકા ઓફર કરવાનો દાવો કરતી અફવાઓ વચ્ચે આ વિશે વાત કરી છે. સુપ્રિયા પીલગાંવકર નું કહેવું છે કે આ અહેવાલોએ તેમને ચોંકાવી દીધા છે. તેણે આવું કોઈ ઓડિશન આપ્યું નથી, ન તો તેને ટીવી શોમાંથી કોઈ કોલ આવ્યો છે.
‘અનુપમા’માં રૂપાલી ગાંગુલી, સુધાંશુ પાંડે અને ગૌરવ ખન્ના મુખ્ય ભૂમિકામાં છે. 2020માં શરૂ થયેલો શો હવે સફળ હિટ શો બની ગયો છે. આ શો સ્ટાર જલસાની બંગાળી શ્રેણી ‘શ્રીમોઈ’ પર આધારિત છે. આ વર્ષની શરૂઆતમાં પારસ કાલનવત અને અલ્મા હુસૈને અલગ-અલગ કારણોસર શો છોડી દીધો હતો. તાજેતરના અહેવાલોમાં દાવો કરવામાં આવ્યો છે કે સુપ્રિયા ટૂંક સમયમાં શોમાં નવી ભૂમિકામાં જોવા મળશે.શોના નિર્માતાઓ દ્વારા ઓફર કરવામાં આવી રહેલી ભૂમિકા અંગેની અફવાઓનું ખંડન કરતાં સુપ્રિયા પિલગાંવકરે કહ્યું, "તે ખૂબ જ આશ્ચર્યજનક છે. તે સાચું નથી. હું આ સમાચાર વિશે ઑનલાઇન વાંચી રહી છું અને મને આશ્ચર્ય થાય છે કે લોકો કેવી રીતે વાર્તાઓ બનાવે છે. મને પ્રોડક્શન હાઉસ માંથી ફોન પણ નથી આવ્યો, ઓડિશન તો દૂર…. આ એક રસપ્રદ શો છે. હું તાજેતરમાં લંડન વેકેશન પર છું અને લોકો મને તેના વિશે પૂછી રહ્યા છે. હું શો જોઉં છું પરંતુ તેના માટે મારો સંપર્ક કરવામાં આવ્યો નથી.”
અભિનેત્રી એ વધુ માં કહ્યું, 'હું એવો રોલ કરવા નથી માંગતી જે મને જોવાનું પસંદ ન હોય. મારા છેલ્લા શો ‘સસુરાલ ગેંડા ફૂલ 2’ પછી તરત જ મને કેટલીક ઑફર્સ મળી હતી, પરંતુ મને બ્રેક જોઈતો હતો. આશા છે કે હું ટૂંક સમયમાં ટીવી પર પાછી આવીશ. જુલાઈ 2020 માં શોનું પ્રીમિયર થયું ત્યારથી ‘અનુપમા’ સૌથી વધુ જોવાયેલા શોમાંનો એક છે.
