News Continuous Bureau | Mumbai
બંગાળી સિનેમાની જાણીતી અભિનેત્રી સ્વસ્તિકા મુખર્જીએ તેની આગામી ફિલ્મ શિબપુરની રિલીઝ પહેલા એક સનસનીખેજ ખુલાસો કર્યો છે. તેણે ફિલ્મના કો-પ્રોડ્યુસર પર ઘણા ગંભીર આરોપો લગાવ્યા છે. અભિનેત્રીએ આરોપ લગાવ્યો છે કે તેને સંદીપ અને તેના સહયોગીઓ તરફથી ધમકીભર્યા મેલ મોકલવામાં આવ્યા છે. આ સાથે અભિનેત્રીએ એ પણ જણાવ્યું કે તેની તસવીરો સાથે ચેડા કરીને તેને ઈન્ટરનેટ પર વાયરલ કરવાની ધમકી પણ આપવામાં આવી રહી છે.
અભિનેત્રી એ કરી પોલીસ ફરિયાદ
અભિનેત્રીએ આ અંગે ગોલ્ફ ગ્રીન પોલીસ સ્ટેશનમાં ફરિયાદ પણ નોંધાવી છે. આ સિવાય અભિનેત્રીએ ઈસ્ટર્ન ઈન્ડિયન મોશન પિક્ચર એસોસિએશનનો પણ સંપર્ક કર્યો છે અને આ ધમકીભર્યા ઈમેલની સ્કેન કોપી પણ સબમિટ કરી છે. એક ઈન્ટરવ્યુ દરમિયાન સ્વસ્તિકાએ ખુલાસો કર્યો હતો કે તે શૂટિંગ દરમિયાન સંદીપને મળી હતી. અભિનેત્રીએ જણાવ્યું કે ગયા મહિને તેને સંદીપ તરફથી ધમકીભર્યા મેલ મોકલવામાં આવ્યા હતા.અભિનેત્રીએ જણાવ્યું કે સંદીપે દાવો કર્યો હતો કે તે એક અમેરિકન નાગરિક છે અને જો તે ટીમને સહકાર નહીં આપે તો તે યુએસ કોન્સ્યુલેટ સાથે વાત કરશે જેથી તેને ક્યારેય યુએસ વિઝા ન મળે. આ ધમકીભર્યા મેલ બાદ સ્વસ્તિકા એ ફિલ્મની કોઈપણ પ્રકારની પ્રમોશનલ એક્ટિવિટીમાં ભાગ લેવાનું બંધ કરી દીધું હતું.
અભિનેત્રી ને મળી ધમકી
અરિન્દમ ભટ્ટાચાર્ય દ્વારા દિગ્દર્શિત, આ ફિલ્મ અગાઉ માર્ચમાં રિલીઝ થવાની હતી, પરંતુ પાછળથી તેને મોકૂફ રાખવામાં આવી હતી. રિલીઝ ડેટ લંબાવવામાં આવ્યા બાદ પણ અભિનેત્રીને તેના વિશે જાણ કરવામાં આવી ન હતી. બાદમાં તેણે ફિલ્મના નિર્દેશક પાસેથી આ માહિતી મેળવી હતી. આ પછી સ્વસ્તિકાએ ટીમને તેની ઉપલબ્ધ તારીખો મોકલી, પરંતુ તેમને કોઈ PR અથવા માર્કેટિંગ પ્લાન મોકલવામાં આવ્યો ન હતો.અભિનેત્રીએ વધુમાં દાવો કર્યો હતો કે તે માત્ર શરૂઆત હતી, કારણ કે અચાનક તેણીને સંદીપ સરકારના મિત્ર રવીશ શર્મા તરફથી એક ઈમેલ મળ્યો હતો, જેમાં કહેવામાં આવ્યું હતું કે તે એક શાનદાર કોમ્પ્યુટર હેકર છે અને તે તેની તસવીરો મોર્ફ કરીને પોર્નોગ્રાફિક વેબસાઈટ પર અપલોડ કરી શકે છે. ઈમેલની સાથે તેણે સ્વસ્તિકની બે તસવીરો પણ મોકલી હતી જે સંપૂર્ણપણે એડિટ અને ન્યૂડ હતી. જણાવી દઈએ કે સ્વસ્તિકા છેલ્લે ‘કાલા’માં જોવા મળી હતી. આમાં તેણે તૃપ્તિ ડિમરીની માતાની ભૂમિકા ભજવી હતી.
