News Continuous Bureau | Mumbai
Vijay Sangeetha Divorce: તમિલ સુપરસ્ટાર અને રાજકારણી વિજયના ચાહકો માટે એક માઠા સમાચાર આવ્યા છે. વિજયની પત્ની સંગીતાએ ચેંગલપટ્ટુ ફેમિલી કોર્ટમાં છૂટાછેડા માટે અરજી કરી છે. આ સમાચાર વાયુવેગે ફેલાતા જ દક્ષિણ ભારતીય ફિલ્મ ઇન્ડસ્ટ્રીમાં ખળભળાટ મચી ગયો છે. સંગીતાએ પોતાની અરજીમાં વિજય પર એક જાણીતી અભિનેત્રી સાથે અફેર હોવાના ગંભીર આરોપો મૂક્યા છે. વિજય અને સંગીતાના લગ્ન ઓગસ્ટ ૧૯૯૯ માં થયા હતા. આ દંપતીને બે બાળકો છે – જેસન સંજય અને દિવ્યા શાશા. ૨૫ વર્ષ સુધી એક આદર્શ અને ખુશહાલ પરિવાર તરીકે ઓળખાતી આ જોડી વચ્ચે અચાનક આવેલી આ તિરાડથી ફેન્સ આઘાતમાં છે. અત્યાર સુધી વિજય કે તેમની ટીમ તરફથી આ મામલે કોઈ પ્રતિક્રિયા આપવામાં આવી નથી.
આ સમાચાર પણ વાંચો : Arjun Tendulkar Sania Chandhok Pre-wedding: અર્જુન તેંડુલકરની દુલ્હને લૂંટી લાઈમલાઈટ! જામનગરમાં શરૂ થયો લગ્નનો ઉત્સવ; જાણો અંબાણી પરિવારે કેમ સંભાળી છે ખાસ જવાબદારી
છૂટાછેડાનું કારણ અને કાયદાકીય પાસા
સંગીતાએ સ્પેશિયલ મેરેજ એક્ટ, ૧૯૫૪ હેઠળ આ અરજી દાખલ કરી છે. તેણે આરોપ લગાવ્યો છે કે વિજયનું અન્ય અભિનેત્રી સાથેનું અફેર તેના માટે અસહ્ય છે. આ કાયદા મુજબ વ્યભિચાર (Adultery) અથવા ક્રૂરતાના આધારે કોઈ પણ પક્ષ છૂટાછેડાની માંગ કરી શકે છે. કોર્ટે હવે આ મામલે આગળની કાર્યવાહી હાથ ધરી છે.
વિજયે તાજેતરમાં જ પોતાની રાજકીય પાર્ટી ‘TVK’ લોન્ચ કરી છે અને તે સક્રિયપણે તમિલનાડુના રાજકારણમાં આગળ વધી રહ્યા છે. આવા સમયે તેમના અંગત જીવનમાં આવેલા આ વંટોળની અસર તેમની રાજકીય છબી પર પડી શકે છે તેવી અટકળો પણ તેજ થઈ છે. વિજયને તેમના ચાહકો ‘થલાપતિ’ (નેતા) તરીકે માન આપે છે, ત્યારે આ વિવાદ તેમની પ્રતિષ્ઠા માટે મોટો પડકાર બની શકે છે. એક તરફ પ્રોફેશનલ મુશ્કેલીઓ અને હવે પર્સનલ લાઈફમાં છૂટાછેડાનો કેસ, વિજય માટે અત્યારે મુશ્કેલ સમય ચાલી રહ્યો હોય તેમ જણાય છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
