News Continuous Bureau | Mumbai
The Burning Train Flop બોલિવૂડમાં ધર્મેન્દ્ર અને હેમા માલિનીની જોડીએ ‘શોલે’, ‘સીતા ઔર ગીતા’ અને ‘ડ્રીમ ગર્લ’ જેવી અનેક બ્લોકબસ્ટર ફિલ્મો આપી છે. જોકે, વર્ષ ૧૯૮૦માં રિલીઝ થયેલી તેમની મલ્ટીસ્ટારર ફિલ્મ ‘ધ બર્નિંગ ટ્રેન’ (The Burning Train) બોક્સ ઓફિસ પર સૌથી મોટી ડિઝાસ્ટર સાબિત થઈ હતી. આ ફિલ્મના નિર્માણ દરમિયાન સરકારી સંપત્તિ એટલે કે ભારતીય રેલવેની પ્રોપર્ટીને પણ કરોડો રૂપિયાનું નુકસાન વેઠવું પડ્યું હતું.
The Burning Train Flop – ૬ સુપરસ્ટાર્સ છતાં બોક્સ ઓફિસ પર ઊંધા માથે પછડાઈ
દિવંગત નિર્દેશક રવિ ચોપરાના નિર્દેશનમાં બનેલી આ ફિલ્મ ભારતીય સિનેમાની સૌથી મહત્વકાંક્ષી ડિઝાસ્ટર-એક્શન ફિલ્મોમાં સામેલ હતી. તેમાં ધર્મેન્દ્ર અને હેમા માલિની ઉપરાંત વિનોદ ખન્ના, જીતેન્દ્ર, પરવીન બાબી અને નીતુ કપૂર જેવા ટોચના સુપરસ્ટાર્સ મુખ્ય ભૂમિકામાં હતા. આ ઉપરાંત ડેની ડેન્ઝોન્ગપા, વિનોદ મહેરા અને સિમી ગરેવાલ જેવા જાણીતા કલાકારો પણ સહાયક પાત્રોમાં હતા. ફિલ્મ તૈયાર કરવામાં લગભગ ૫ વર્ષનો લાંબો સમય અને કરોડો રૂપિયાનો ખર્ચ થયો હતો, પરંતુ ત્રણ કલાકથી વધુ લાંબો રનટાઇમ અને દર્શકો સાથેના જોડાણના અભાવે આ બિગ બજેટ ફિલ્મ બોક્સ ઓફિસ પર ખરાબ રીતે નિષ્ફળ ગઈ હતી.
The Burning Train Flop – રિયલ ટ્રેનમાં શૂટિંગ અને સરકારી સંપત્તિને ભારે નુકસાન
એક્શન દ્રશ્યોને વાસ્તવિક ઓપ આપવા માટે ડિરેક્ટરે ભારત સરકાર પાસેથી એક આખી ટ્રેન ભાડે લીધી હતી અને રિયલ લોકેશન્સ પર શૂટિંગ હાથ ધર્યું હતું. કહાની અનુસાર ટ્રેનમાં આગ લાગવાના સીનનું ફિલ્માંકન કરતી વખતે વાસ્તવિક ટ્રેનના ડબ્બાઓ અને રેલવેના માળખાને ગંભીર નુકસાન પહોંચ્યું હતું. આ દુર્ઘટનાને કારણે સરકાર અને રેલવે વિભાગને કરોડો રૂપિયાનું આર્થિક નુકસાન સહન કરવું પડ્યું હતું. ત્યારબાદ સરકારે નિર્માતાઓ પાસેથી નુકસાનીની ભરપાઈ કરવા માંગ કરી હતી, પરંતુ ફિલ્મ બોક્સ ઓફિસ પર પીટાઈ જતાં મેકર્સ દેવાના બોજ તળે દબાઈ ગયા હોવાથી તેઓ ભરપાઈ કરી શક્યા નહોતા.
The Burning Train Flop – બોક્સ ઓફિસ નિષ્ફળતા છતાં પાછળથી કલ્ટ ક્લાસિક બની
રિલીઝ સમયે ભલે આ ફિલ્મે દર્શકોને આકર્ષ્યા ન હોય અને ટિકિટબારી પર નુકસાન કરાવ્યું હોય, પરંતુ ટેલિવિઝન પ્રસારણ શરૂ થયા બાદ આ ફિલ્મને દર્શકોનો ભરપૂર પ્રેમ મળ્યો હતો. હોલીવુડના સ્પેશિયલ ઇફેક્ટ્સ ટેકનિશિયનોની મદદથી તે સમયના ભારતીય સિનેમામાં આ પ્રકારનો અદભુત પ્રયોગ કરવામાં આવ્યો હતો. આર.ડી. બર્મનનું સંગીત અને શાનદાર એક્શન સિક્વન્સના કારણે સમય જતાં ‘ધ બર્નિંગ ટ્રેન’ હિન્દી સિનેમાની એક કલ્ટ ક્લાસિક (Cult Classic) ફિલ્મ તરીકે સ્થાપિત થઈ ગઈ.
👉 આ સમાચાર વાચો:
CID Trio Paapanasham Series સીઆઈડીની આઇકોનિક ત્રિપુટીનો મોટો ધમાકો; ‘પાપનાશમ’ ક્રાઈમ સીરિઝ સાથે વાપસી કરશે એસીપી, દયા અને અભિજીત
