News Continuous Bureau | Mumbai
1990 ના દાયકામાં કાશ્મીરી પંડિત નરસંહાર પર ધ્યાન કેન્દ્રિત કરતી આ ફિલ્મ 11 માર્ચે રિલીઝ થઈ ત્યારથી વિવાદમાં ફસાઈ ગઈ છે. બોલિવૂડની જાણીતી ફિલ્મ 'ધ કાશ્મીર ફાઇલ્સ'ની રિલીઝ પર ન્યુઝીલેન્ડમાં પ્રતિબંધ લગાવી દેવામાં આવ્યો છે. દેશના સેન્સર બોર્ડે અગાઉ 'ધ કાશ્મીર ફાઇલ્સ'ને 'A' પ્રમાણપત્ર આપ્યું હતું. એટલે કે, ફક્ત 16 વર્ષ અને તેથી વધુ ઉંમરના લોકોને જ 'ધ કાશ્મીર ફાઇલ્સ' જોવાની મંજૂરી આપવામાં આવી હતી.પરંતુ કેટલાક સમુદાય જૂથો દ્વારા સંપર્ક કરવામાં આવ્યા બાદ બોર્ડે તેના નિર્ણયની સમીક્ષા કરી છે અને ફિલ્મનું સ્ક્રીનિંગ અટકાવવાનો નિર્ણય લીધો છે.રિપોર્ટમાં કહેવામાં આવ્યું છે કે મુસ્લિમ સમુદાયના સભ્યોએ ફિલ્મની સામગ્રી અંગે ચિંતા વ્યક્ત કર્યા બાદ સેન્સર ફિલ્મના વર્ગીકરણની સમીક્ષા કરી રહ્યા છે.
ન્યૂઝીલેન્ડના ભૂતપૂર્વ નાયબ વડા પ્રધાન વિન્સ્ટન પીટર્સે ફિલ્મ બોર્ડ પર આકરા પ્રહારો કરતાં કહ્યું હતું કે "ફિલ્મને સેન્સર કરવી એ ન્યુઝીલેન્ડના લોકોની સ્વતંત્રતા પર હુમલો કરવા સમાન છે". પીટર્સે એક ફેસબુક પોસ્ટમાં જણાવ્યું હતું કે, "આ ફિલ્મને સેન્સર કરવી એ ન્યુઝીલેન્ડમાં માર્ચ 15ના અત્યાચારની માહિતી અથવા છબીઓને સેન્સર કરવા સમાન છે અથવા તે બાબત માટે 9/11ના હુમલાની તમામ છબીઓને જાહેર જ્ઞાનમાંથી દૂર કરવા સમાન છે." તેમણે વધુ માં કહ્યું"આતંકવાદ તેના તમામ સ્વરૂપોમાં, તેના સ્ત્રોત ગમે તે હોય, તેને ઉજાગર કરવો જોઈએ અને તેનો પ્રતિકાર કરવો જોઈએ. પસંદગીયુક્ત સેન્સરશીપનો આ પ્રયાસ ન્યુઝીલેન્ડ અને સમગ્ર વિશ્વમાં લોકોની સ્વતંત્રતા પર વધુ એક હુમલો કરશે,".
આ સમાચાર પણ વાંચો :’યુદ્ધએ શાંતિ અને ભલાઈનો વિકલ્પ નથી’, રશિયા-યુક્રેન યુદ્ધ વચ્ચે શાહરૂખનો આ વીડિયો થયો વાયરલ; જુઓ વિડીયો જાણો વિગતે
