News Continuous Bureau | Mumbai
The Raja Saab Movie Review: પ્રભાસે પ્રમોશન દરમિયાન આ ફિલ્મના ક્લાઈમેક્સને ‘મશીનગન’ જેવો વિસ્ફોટક ગણાવ્યો હતો. કદાચ તેમને ખ્યાલ આવી ગયો હતો કે આ ફિલ્મમાં ક્લાઈમેક્સ સિવાય બીજું ખાસ કંઈ નથી. હોરર-કોમેડી અને ફેન્ટસી તરીકે પ્રચારિત આ ફિલ્મ કમનસીબે ન તો ડર પેદા કરી શકે છે, ન તો હસાવી શકે છે.
આ સમાચાર પણ વાંચો : The Raja Saab Box Office: બોક્સ ઓફિસ પર ‘રાજા સાબ’ ની સુનામી: એડવાન્સ બુકિંગમાં પ્રભાસે ‘ધુરંધર’ ને પછાડી, પહેલા જ દિવસે તોડશે અનેક રેકોર્ડ
શું છે વાર્તા?
ફિલ્મની શરૂઆત એક રહસ્યમય હવેલીથી થાય છે. વાર્તા રાજુ (પ્રભાસ) ની છે, જે તેની દાદી ગંગા (ઝરીના વહાબ) સાથે રહે છે. દાદીને અલ્ઝાઈમર છે અને તે માને છે કે તેનો પતિ કનકરાજુ (સંજીય દત્ત) હજુ જીવિત છે. તે રાજુને તેના દાદાને શોધી લાવવા કહે છે. આ શોધ દરમિયાન રાજુ હૈદરાબાદ અને પછી નરસાપુરના જંગલોમાં પહોંચે છે. રહસ્યમય હવેલી, આત્માઓ, હિપ્નોટિઝમ અને વેરની આ વાર્તા છે, જે પડદા પર ખૂબ જ ગૂંચવાયેલી લાગે છે.પ્રભાસ ફિલ્મમાં ખૂબ જ સ્ટાઈલિશ દેખાય છે, પરંતુ તેના પાત્રમાં કોઈ ઊંડાણ નથી. સંજય દત્ત વિલન તરીકે ઠીકઠાક છે, પરંતુ તેની દુષ્ટતા ક્યાંય મજબૂત રીતે દેખાતી નથી. માલવિકા મોહનન પાસે એક્શન સીન્સ છે, પરંતુ તે પ્રભાવ પાડવામાં નિષ્ફળ રહે છે. નિધિ અગ્રવાલ અને રિદ્ધિ કુમાર માત્ર ‘શો-પીસ’ બનીને રહી ગયા છે.
દિગ્દર્શક મારુતિએ ‘રાજા સાબ’ ની વાર્તામાં અનેક તત્વો ઉમેરીને તેને ભવ્ય બનાવવાનો પ્રયાસ કર્યો છે, પરંતુ નબળી પટકથાને કારણે પ્રભાસ જેવો સુપરસ્ટાર પણ ફિલ્મને ડૂબતી બચાવી શક્યો નથી. ફિલ્મમાં ખાસ કરીને ઇન્ટરવલ પહેલાનો રાજુનો બિનજરૂરી અને ઉબકાઉ રોમાન્સ વાર્તાની ગતિને નોંધપાત્ર રીતે ધીમી પાડે છે. સંગીતના મોરચે પણ ફિલ્મ નિરાશાજનક સાબિત થઈ છે; બપ્પી લહેરીના સુપરહિટ ગીત ‘નાચે નાચે’ ના રીમિક્સ સહિત એક પણ ગીત પ્રેક્ષકોના મન પર છાપ છોડી શકતું નથી. આ ઉપરાંત, હિન્દી દર્શકો માટે સૌથી મોટી સમસ્યા ડબિંગમાં જોવા મળી છે, જ્યાં લિપ-સિંકની ખામીઓને કારણે જોવાનો એકંદર અનુભવ કથળી જાય છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
