ન્યુઝ કન્ટિન્યુઝ બ્યુરો
મુંબઈ, 6 નવેમ્બર, 2021
શનિવાર
નાના પડદાનો પ્રખ્યાત ફેમિલી કોમેડી શો 'તારક મહેતા કા ઉલ્ટા ચશ્મા' ફની ટ્વિસ્ટ અને ટર્ન દ્વારા દર્શકોનું જબરદસ્ત મનોરંજન કરે છે. પરંતુ આ શોના ચાહકો હજુ પણ 'દયાબેન'ની રાહ જોઈ રહ્યા છે. આ પાત્ર ભજવનારી અભિનેત્રી દિશા વાકાણી ઘણા વર્ષોથી શોથી દૂર છે પરંતુ આજે પણ તેની લોકપ્રિયતામાં કોઈ ફરક પડ્યો નથી. મેકર્સ કદાચ 'દયાબેન'ના પાત્ર માટે દિશા કરતાં વધુ સારી અભિનેત્રી શોધી શક્યા નથી. એક્ટ્રેસની એક્ટિંગ ટેલેન્ટના દરેક લોકો દિવાના છે પરંતુ સાથે જ તેની નેટવર્થ વિશે જાણીને તમને આશ્ચર્ય થશે.
દિશાએ મેટરનિટી લીવ દરમિયાન શો છોડી દીધો હતો, ત્યારબાદ ફી વધારવાને લઈને નિર્માતાઓ સાથે ચાલી રહેલા અણબનાવને કારણે તે આજ સુધી પાછી આવી નથી. એક મીડિયા હાઉસ ના રિપોર્ટ અનુસાર, અભિનેત્રી 'તારક મહેતા કા ઉલ્ટા ચશ્મા'ના દરેક એપિસોડ માટે 1 થી 1.5 લાખ ફી લેતી હતી. 2017માં જ્યારે તેણે શોમાંથી બ્રેક લીધો ત્યારે તે દર મહિને લગભગ 20 લાખની કમાણી કરતી હતી. તેને શોમાં લીડ રોલની સાથે સાથે બોલિવૂડના ઘણા પ્રોજેક્ટ્સ પણ મળી રહ્યા હતા.
'મન્નત'માં આર્યન ખાન માટે નિયમો હશે કડક, ગૌરી અને શાહરૂખ ખાને લીધો આ મોટો નિર્ણય; જાણો વિગત
ટીવી પ્રેક્ષકોમાં દિશા વાકાણીની વધતી લોકપ્રિયતા વચ્ચે, તેણીને ઘણી ટીવીસી(TVC) અને બ્રાન્ડ્સ પણ મળી રહી હતી. મીડિયા રિપોર્ટ્સમાં અભિનેત્રીની નેટવર્થ લગભગ 5 મિલિયન ડોલર એટલે કે 37 કરોડ હોવાનું કહેવાય છે. દિશા પાસે એક લક્ઝરી BMW કાર પણ છે, જે તેને ખૂબ જ પસંદ છે. દિશા 'દેવદાસ', 'મંગલ પાંડે', 'જોધા-અકબર' અને 'લવ સ્ટોરી 2050' જેવી ફિલ્મોમાં પણ જોવા મળી છે. TMKOC સિવાય, તેણે ઘણા મોટા ટીવી શોમાં પણ મહત્વની ભૂમિકાઓ ભજવી છે.
