News Continuous Bureau | Mumbai
કવિ અને એક્ટર શૈલેષ લોઢા ( shailesh lodha ) ટીવી ઈન્ડસ્ટ્રીમાં લોકપ્રિય સ્ટાર છે. જ્યારથી તેણે ‘તારક મહેતા કા ઉલ્ટા ચશ્મા’ ( TMKOC ) છોડ્યું ત્યારથી તે સોશિયલ મીડિયા પર ખુબ એક્ટિવ જોવા મળે છે. તેઓ હરિ ફરી રહ્યા છે અને પોતાની સાથે ક્વોલિટી સમય વિતાવી રહ્યા છે. આ ઉપરાંત તેઓ ચાહકો ને તેમના અંગત જીવન વિશે અપડેટ આપતા રહે છે. અભિનેતાએ ચાહકોને એક નવું અપડેટ આપ્યું છે.
વાસ્તવ માં શૈલેષ લોઢાએ ( shailesh lodha ) બોલિવૂડના પ્રખ્યાત અભિનેતા અને કેટરિના કૈફના પતિ વિકી કૌશલ ( vicky kaushal ) સાથે એક ફોટો પોસ્ટ કર્યો છે, જેના પછી ચાહકોએ અનુમાન લગાવવાનું શરૂ કર્યું છે કે તેમના ચહીતા કલાકાર ‘તારક મહેતા’ ( TMKOC ) હવે ફિલ્મોમાં પણ જોવા મળશે. શૈલેષ લોઢાએ વિકી કૌશલ સાથેનો એક ફોટો ઈન્સ્ટાગ્રામ પર શેર કર્યો છે. તેની સાથે તેમને કેપ્શન આપ્યું છે કે, “વિકી કૌશલ ખૂબ જ લોકપ્રિય સ્ટાર અને અદભૂત અભિનેતા છે. આ વાત બધા જાણે છે, પરંતુ આ બધી બાબતોથી આગળ વિકી એક અદ્ભુત વ્યક્તિ છે. વિકીની નમ્રતા, વડીલો પ્રત્યેનો આદર અને સરળ વર્તન, આ બધી બાબતો વિકીને બધાથી અલગ બનાવે છે. મારા માટે તેમનો આદર અને વિકી માટેનો મારો પ્રેમ બંને અમર્યાદિત છે. લાંબા સમય પછી અચાનક તમને મળીને ખૂબ આનંદ થયો. મળતાની સાથે જ તેઓએ કહ્યું કે શું સંયોગ છે. બે દિવસ પહેલા જ તમારા વિશે વાત કરતા હતા શૈલેષ ભાઈ.મારા ભાઈ વિકી, તું જેવો છે તેમ જ રહેજે. તમારા જેવા બહુ ઓછા લોકો છે.” શૈલેષ લોઢાએ આ પોસ્ટ સાથે વિકી કૌશલને પણ ટેગ કર્યા છે.
આ સમાચાર પણ વાંચો: સુરતમાં સર્જાયા ‘ફિર હેરા ફેરી’ જેવા દ્રશ્યો.. પોલીસને જોઈ કોંગ્રેસી નેતા અધધ 75 લાખ છોડીને ભર રસ્તે દોડ્યા.. જુઓ વિડીયો જાણો વિગતે
બંનેના આ ફોટો ફેન્સને ખૂબ જ પસંદ આવી રહ્યા છે. ચાહકો સોશિયલ મીડિયા પર શૈલેષ લોઢા ( shailesh lodha ) ફિલ્મી દુનિયામાં પગ મુકવા જઈ રહ્યા છે કે કેમ તેવો સવાલ પણ પૂછી રહ્યા છે. જો કે, શૈલેષે હજુ સુધી આ અંગે કોઈ નિવેદન જારી કર્યું નથી કે કોઈ સ્પષ્ટતા પણ કરી નથી. જોકે, શૈલેષ અને વિકીનો ફોટો જોઈને લાગે છે કે બંને વચ્ચે ખૂબ જ ગાઢ મિત્રતા છે.વર્ક ફ્રન્ટની વાત કરીએ તો આજકાલ શૈલેષ લોઢા તેના શો ‘વાહ ભાઈ વાહ’માં વ્યસ્ત છે.
