ટ્વિંકલ ખન્ના થી લઈને અસીન સુધી, આ અભિનેત્રીઓએ લગ્ન કર્યા પછી છોડ્યું કરિયર

ન્યુઝ કન્ટિન્યુઝ બ્યુરો  

મુંબઈ, 29 સપ્ટેમ્બર, 2021

Join Our WhatsApp Channel

બુધવાર

બોલીવુડ ઇન્ડસ્ટ્રીમાં એવું માનવામાં આવે છે કે અભિનેત્રીની કારકિર્દી લગ્ન પછી સમાપ્ત થશે પરંતુ ધીરેધીરે આ ધારણા હવે બદલાતી જણાય છે. ઘણી અભિનેત્રીઓએ વર્ષો પછી પોતાની જાતને સાબિત કરી છે, પરંતુ ફિલ્મી દુનિયામાં પુનરાગમન કરીને તેમણે પોતાની ક્ષમતા બતાવી છે. કેટલીક અભિનેત્રીઓ છે જેમણે તેમની ભવ્ય કારકિર્દી લગ્ન પછી છોડી દીધી અને અભિનયથી સંપૂર્ણપણે દૂર થઈ ગઈ.તેમાં અસિનથી ટ્વિંકલ ખન્ના, જેનેલિયા ડિસૂઝા અને સોનાલી બેન્દ્રેના નામ શામેલ છે

ગીતા બસરા:

ગીતા બસરા પણ તે અભિનેત્રીઓમાંની એક છે જેમણે લગ્ન બાદ પોતાની અભિનય કારકિર્દીને અલવિદા કહી દીધી. ગીતા બસરા અને હરભજને આઠ વર્ષ સુધી રિલેશનશિપમાં રહ્યા બાદ 2015માં લગ્ન કર્યાં. ગીતાએ છેલ્લે 2016માં પંજાબી ફિલ્મ 'લોક'માં કામ કર્યું હતું.

ટ્વિંકલ ખન્ના:

ટ્વિંકલ ખન્ના, જે બોલીવુડની અભિનેત્રી હતી, તેણે વર્ષ 1995માં બોલિવૂડમાં પોતાની કારકિર્દીની શરૂઆત કરી.તેમની રિલીઝ થયેલી ફિલ્મનું નામ હતું 'બરસાત' . ટ્વિંકલ ખન્નાએ બોલિવૂડની ઘણી હિટ ફિલ્મોમાં અભિનય કર્યો. તેણે વર્ષ 2001માં બોલીવુડ સ્ટાર અક્ષય કુમાર સાથે લગ્ન કર્યા અને ત્યારથી અભિનય જગતને અલવિદા કહી દીધું.

હેઝલ કીચ:

અભિનેત્રી હેઝલ કીચનું નામ પણ આમાં સામેલ છે. હેઝલ કીચ અને યુવરાજ સિંહે 2016માં લગ્ન કર્યા હતા અને છેલ્લી વખત તેણે 2016માં આવેલી ફિલ્મ 'બાંકે કી ક્રેઝી બારાત'માં આઇટમ નંબર કર્યો હતો. અગાઉ તે 2013માં 'બિગ બોસ'નો પણ ભાગ રહી ચૂકી છે. લગ્ન બાદ હેઝલે ફરી ક્યારેય ફિલ્મી દુનિયામાં પગ મૂક્યો ન હતો. હેઝલે સલમાન ખાન સાથે 2011ની હિટ ફિલ્મ 'બોડીગાર્ડ' માં પણ કામ કર્યું હતું.

સંગીતા બિજલાની:

ભારતીય ક્રિકેટ ટીમના ભૂતપૂર્વ કેપ્ટન મોહમ્મદ અઝહરુદ્દીને 1996માં પોતાની પ્રથમ પત્નીને છૂટાછેડા આપી દીધા અને બોલિવૂડ અભિનેત્રી સંગીતા બિજલાની સાથે બીજા લગ્ન કર્યા. સંગીતાએ છેલ્લે મિથુન ચક્રવર્તી સાથે ફિલ્મ 'નિર્ભય' માં કામ કર્યું હતું. ત્યારબાદ તે ફરી ક્યારેય ઓનસ્ક્રીન જોવા મળી ન હતી.

જેનેલિયા ડિસોઝા:

અભિનેત્રી જેનેલિયા ડિસોઝા પણ તેમાંથી એક છે. તેણીએ બોલીવુડમાં પોતાની કારકિર્દીની શરૂઆત વર્ષ 2003માં રિલીઝ થયેલી ફિલ્મ 'તુઝે મેરી કસમ' થી કરી હતી. જેનેલિયા ડિસોઝાએ 2012માં રિતેશ દેશમુખ સાથે લગ્ન કર્યા હતા. ત્યારથી તેણીએ અભિનયની દુનિયાને અલવિદા કહી દીધી છે.

અસિન:

બોલીવુડ અભિનેત્રી અસિને આમિર ખાન સાથે વર્ષ 2008માં રિલીઝ થયેલી ફિલ્મ 'ગજની' થી બોલિવૂડમાં પ્રવેશ કર્યો હતો. અસિને ઘણી હિટ ફિલ્મો આપી હતી. અસિને વર્ષ 2016માં માઇક્રોમેક્સના સહ-સ્થાપક રાહુલ શર્મા સાથે લગ્ન કર્યા હતા. ત્યારથી તે આ ફિલ્મી દુનિયામાંથી ગાયબ છે.

સોનાલી બેન્દ્રે:

શાહરૂખ ખાન, સલમાન ખાન અને અજય દેવગણ જેવા બોલિવૂડ સુપરસ્ટાર સાથે કામ કરી ચૂકેલી સોનાલી બેન્દ્રેએ વર્ષ 1994માં બોલિવૂડમાં પોતાની કારકિર્દીની શરૂઆત કરી. બોલિવૂડની આ ફિલ્મી દુનિયાને અલવિદા કહીને તેમણે વર્ષ 2002 માં ડિરેક્ટર ગોલ્ડી બહેલ સાથે લગ્ન કર્યા.

જન્મદિને લતા મંગેશકર ને મળી અનમોલ ભેટ : પબ્લિશ ન થયેલું ગીત રજૂ કરવામાં આવ્યું