ન્યુઝ કન્ટિન્યુઝ બ્યુરો
મુંબઈ, 26 નવેમ્બર 2021
શુક્રવાર
બોલિવૂડના બહુપ્રતિક્ષિત લગ્નોમાંના એક વિકી કૌશલ અને કેટરીના કૈફના લગ્નના સમાચારમાં હવે એક નવો ટ્વિસ્ટ સામે આવી રહ્યો છે. દરરોજ બંનેના લગ્નના સમાચાર સોશિયલ મીડિયા પર વાયરલ થાય છે. ક્યારેક સમાચાર આવે છે કે કેટરિનાને રાજસ્થાનના સોજાતની મહેંદી લાગશે તો ક્યારેક સવાઈ માધોપુરની હોટેલ સિક્સ સેન્સ બરવારા કિલ્લાનું નામ આવે છે, જ્યાં ફંક્શન થવાનું છે તેવા સમાચાર વાયરલ થઈ રહ્યા છે. પરંતુ હવે વિકી કૌશલની પિતરાઈ બહેને બંનેના લગ્ન વિશે કંઈક એવું કહ્યું છે, જેને સાંભળીને બધા આશ્ચર્યચકિત થઈ ગયા છે.
વાસ્તવમાં, એક મીડિયા હાઉસ સાથેની વાતચીત દરમિયાન, વિકીની પિતરાઈ બહેન ડૉ. ઉપાસના વોહરાએ તેના પિતરાઈ ભાઈ વિકી કૌશલ અને કેટરિના કૈફના લગ્ન વિશે કહ્યું હતું કે આવું કંઈ થવાનું નથી. વિક્કીની બહેને લગ્નના સમાચારને સદંતર નકારી કાઢ્યા છે. તેણે કહ્યું ‘કે બંનેના લગ્ન વિશે જે પણ સમાચાર ફેલાવવામાં આવી રહ્યા છે તે ખોટા અને અફવાઓ છે. જો ભવિષ્યમાં આવા મોટા સમાચાર આવશે તો અમારા પરિવાર તરફથી માહિતી આપવામાં આવશે.’
કેટરિના કૈફ માટે તૈયાર થઈ રહી છે રાજસ્થાનની સૌથી ખાસ મહેંદી, કિંમત જાણી ને ચોંકી જશો તમે; જાણો વિગત
ઉપાસના વોહરાએ કહ્યું કે ‘આ અંગે મારી વિકી ભૈયા સાથે વાત થઈ હતી. એવું કંઈ નથી અને હું આ બાબતે વધુ કોઈ ટિપ્પણી કરવા માંગતી નથી, હાલમાં લગ્ન નથી થઈ રહ્યા.’ વિકી કૌશલની બહેનનું આ નિવેદન હવે સોશિયલ મીડિયા પર છવાયું છે. કેટલાક લોકોનું માનવું છે કે આ ગુપ્તતા જાળવવા માટે કરવામાં આવી રહ્યું છે. કારણ કે સમાચાર એવા પણ આવ્યા હતા કે વિકી અને કેટરિનાના લગ્નમાં હાજરી આપનારાઓએ પણ પ્રિયંકા અને નિકના લગ્ન જેવા સમારોહમાં જતા પહેલા પોતાના મોબાઈલ જમા કરાવવાના રહેશે. સમાચાર અનુસાર, વિકી કૌશલ અને કેટરિના કૈફ ડિસેમ્બરના પહેલા અથવા બીજા સપ્તાહમાં લગ્ન કરી શકે છે.
