News Continuous Bureau | Mumbai
Vivek Agnihotri Operation Sindoor Film:કાશ્મીરના પહેલગામમાં થયેલા આતંકી હુમલાએ સમગ્ર દેશને હચમચાવી દીધો હતો. આ હુમલાનો જવાબ આપવા માટે ભારતીય સેનાએ જે ઓપરેશન પાર પાડ્યું તેનું કોડનેમ ‘ઓપરેશન સિંદૂર’ રાખવામાં આવ્યું હતું. હવે આ સાહસિક ઓપરેશનની વાર્તા અને તેમાં છુપાયેલા સત્યો વિવેક અગ્નિહોત્રી દર્શકો સમક્ષ લાવવા જઈ રહ્યા છે. હજુ સુધી સત્તાવાર જાહેરાત કરવામાં આવી નથી, પરંતુ સૂત્રોના જણાવ્યા અનુસાર આ પ્રોજેક્ટ પર કામ શરૂ થઈ ગયું છે. રિપોર્ટ મુજબ, ફિલ્મની વાર્તા પહેલગામ હુમલાથી શરૂ થશે, જ્યાં આતંકવાદીઓએ નિર્દોષ લોકોના ધર્મ પૂછીને તેમની હત્યા કરી હતી. ત્યારબાદ ભારતીય સેનાએ કરેલા જવાબી હુમલાની રોમાંચક ક્ષણો ફિલ્મનો મુખ્ય હિસ્સો હશે.
આ સમાચાર પણ વાંચો : The Kerala Story 2 Trailer Release: ધ કેરળ સ્ટોરી ૨: ટ્રેલર રિલીઝ થતા જ સોશિયલ મીડિયા પર ગરમાવો! નવી વાર્તા, નવો ખુલાસો અને એ જ ભયાનક વાસ્તવિકતા; શું ફરી સર્જાશે વિવાદ?
વિવેક અગ્નિહોત્રી અને ભૂષણ કુમારની જોડી
વિવેક અગ્નિહોત્રી હંમેશા દેશભક્તિ અને સંવેદનશીલ મુદ્દાઓ પર ફિલ્મો બનાવવા માટે જાણીતા છે. આ વખતે તેમણે ભૂષણ કુમાર સાથે જોડાણ કર્યું છે, જેનો અર્થ છે કે ફિલ્મનું બજેટ અને પ્રોડક્શન વેલ્યુ ઘણી ઊંચી હશે. આ ફિલ્મમાં મોટા પાયે એર એક્શન જોવા મળશે, જેના માટે અત્યાધુનિક VFX ટેકનોલોજીનો ઉપયોગ કરવામાં આવશે.
‘ધ તાશ્કંદ ફાઇલ્સ’ અને ‘ધ કાશ્મીર ફાઇલ્સ’ માં વિવેક અગ્નિહોત્રીએ મોટાભાગે એક્ટિંગ પર ધ્યાન કેન્દ્રિત કર્યું હતું, પરંતુ ‘ઓપરેશન સિંદૂર’ માટે તેઓ બોલિવૂડના મોટા એ કલાકારો ને કાસ્ટ કરી શકે છે. જે રીતે ‘ઉરી: ધ સર્જિકલ સ્ટ્રાઈક’ એ વિકી કૌશલના કરિયરને નવી ઊંચાઈ આપી હતી, તેવી જ અસર આ ફિલ્મ પણ કરી શકે છે.વાસ્તવિક ઓપરેશન દરમિયાન ભારતે પાકિસ્તાન પર વળતો પ્રહાર કર્યો હતો અને એક જ સવારે સોશિયલ મીડિયા પર આ હુમલાના ફોટા અને વીડિયો વાયરલ થયા હતા. ભારતીય સેનાએ સરહદ પાર જઈને ૫૦ થી વધુ આતંકવાદીઓને ઠાર કર્યા હતા. આ ફિલ્મના માધ્યમથી તે રણનીતિ અને જવાનોના બલિદાનની વાર્તા વિશ્વ સમક્ષ આવશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
