ન્યુઝ કન્ટીન્યુઝ બ્યુરો
મુંબઈ 28 ડિસેમ્બર 2021
મંગળવાર
ટેલિવિઝનના પ્રખ્યાત અને હેન્ડસમ એક્ટર વિવિયન ડીસેના અને તેની પત્ની વાહબિઝ દોરાબજીએ છૂટાછેડા લીધા છે. આ દંપતીએ સંયુક્ત નિવેદન જારી કરીને તેમના 7 વર્ષના સંબંધોના અંતની જાહેરાત કરી હતી.વિવિયન અને વાહબિઝે તેમના લગ્નના 3 વર્ષ પછી અલગ થવાનો નિર્ણય લીધો હતો અને ત્યારથી બંને અલગ રહેતા હતા. જોકે, લાંબી કાનૂની લડાઈ બાદ હવે આખરે કપલ કાયદેસર રીતે અલગ થઈ ગયું છે.
મીડિયા રિપોર્ટ્સ અનુસાર, વિવિયન અને વાહબિઝે એક સંયુક્ત નિવેદન જારી કરીને તેમના છૂટાછેડા વિશે માહિતી આપી હતી. આ નિવેદનમાં, બંનેએ છૂટાછેડા માટે કોઈને દોષ આપ્યો ન હતો અને ન તો તેનું કોઈ કારણ આપ્યું હતું.પોતાના નિવેદનમાં તેણે કહ્યું કે અમે કાયદાકીય રીતે અલગ થઈ ગયા છીએ અને હવે અમારા છૂટાછેડા થઈ ગયા છે. અમારી વચ્ચે શું શક્યતાઓ છે તે જોવા માટે અમે વર્ષોથી ખૂબ જ સખત મહેનત કરી અને અંતે અમે એવા નિષ્કર્ષ પર આવ્યા કે અમારે અમારા માર્ગોને અલગ કરવા જોઈએ.આ નિવેદનમાં દંપતીએ એ પણ સ્પષ્ટ કર્યું છે કે બંનેએ પરસ્પર સહમતિથી છૂટાછેડા લેવાનો નિર્ણય લીધો છે.તેમણે કહ્યું કે આ પરસ્પર સહમત નિર્ણય છે અને આમાં કોઈએ કોઈનો પક્ષ લેવાની જરૂર નથી. તેમ જ કોઈના પર આરોપ લગાવવાની કે અમારા અલગ થવાનું કારણ શોધવાની જરૂર નથી.
‘મધુબન મેં રાધિકા નાચે’ પર વિવાદ, મ્યુઝિક લેબલ સારેગામાનું મોટું નિવેદન; હવે કરશે આ કામ
સમાચારો અનુસાર,વિવિયનની પત્ની વાહબિઝે 2 કરોડ રૂપિયા ભરણપોષણ તરીકે લીધા છે.વિવિયન અને વાહબિઝ ટીવી સેટ પર મળ્યા હતા. જે બાદ બંને વચ્ચે પ્રેમસંબંધ વધ્યો. લગ્ન કર્યા. પરંતુ આ સંબંધ લાંબો સમય ટકી શક્યો નહીં. 4 વર્ષ અલગ રહ્યા બાદ બંનેએ વર્ષ 2017માં છૂટાછેડા માટે અરજી કરી હતી.
