News Continuous Bureau | Mumbai
Welcome To The Jungle Teaser Out| બોલિવૂડના ‘ખિલાડી’ અક્ષય કુમાર (Akshay Kumar) ની મોસ્ટ અવેટેડ કોમેડી ફિલ્મ ‘વેલકમ ટુ ધ જંગલ’ (Welcome To The Jungle) નું ટીઝર આખરે મેકર્સે ૧૫ મે ૨૦૨૬ ના રોજ રીલીઝ કરી દીધું છે. અહેમદ ખાનના ડિરેક્શનમાં બનેલી આ ફિલ્મની ચાહકો લાંબા સમયથી રાહ જોઈ રહ્યા હતા. ૧ મિનિટ ૩૦ સેકન્ડના આ ટીઝર વીડિયોને જોતા જ સ્પષ્ટ થાય છે કે આ વખતે અક્ષય કુમાર અને તેમની આખી પલટન દર્શકોને હસીહસીને લોથપોથ કરવા માટે પૂરી રીતે તૈયાર છે.
ટીઝરની શરૂઆત જ અક્ષય કુમારના ફની ડિસ્ક્લેમરથી થઈ
ટીઝરની શરૂઆત એક મજેદાર ડિસ્ક્લેમર સાથે થાય છે, જેના બેકગ્રાઉન્ડમાં અક્ષય કુમારનો અવાજ સંભળાય છે. જેમાં તેઓ કહે છે, “સૂચના… આ ફિલ્મના નિર્માણમાં કોઈ પણ પ્રાણીનો ઉપયોગ કરવામાં આવ્યો નથી, સિવાય કે કેટલાક ઘોડા અને અમારા જેવા ગધેડાઓ…” આ ડાયલોગ પછી આઇકોનિક ‘વેલકમ’ ફિલ્મની ટાઈટલ ટ્યુન શરૂ થાય છે. ટીઝરમાં પહેલા બોર્ડરનું સીન બતાવવામાં આવે છે અને ત્યાર બાદ જંગલની અંદર અક્ષય કુમાર ભારેભરખમ સ્ટારકાસ્ટ સાથે કોમેડીનો તડકો લગાવતા જોવા મળે છે.
અક્ષય-સુનીલને સાથે જોઈ ‘હેરા ફેરી’ ની યાદ તાજી થઈ
‘વેલકમ ટુ ધ જંગલ’ નું આ ટીઝર ફૂલ એક્શન અને જબરદસ્ત કોમેડીથી ભરપૂર છે. વીડિયોના અંતમાં એક ખાસ સીન આવે છે, જેમાં અક્ષય કુમાર અને સુનીલ શેટ્ટી (Suniel Shetty) ને એકસાથે અનોખા અંદાજમાં કોમેડી કરતા જોઈ શકાય છે. આ સીન એટલો રમુજી છે કે દર્શકોને તેમની સુપરહિટ ફિલ્મ ‘હેરા ફેરી’ ના દિવસો યાદ આવી જશે. ટીઝરમાં આ બંને ઉપરાંત અરશદ વારસી, તુષાર કપૂર, રવીના ટંડન અને દિશા પાટની પણ જોવા મળી રહ્યા છે.
એક કે બે નહીં, પૂરા ૩૪ કલાકારો મચાવશે ધમાલ
તમને જાણીને આશ્ચર્ય થશે કે અહેમદ ખાનની આ ફિલ્મમાં બોલિવૂડના એક કે બે નહીં પરંતુ પૂરા ૩૪ જાણીતા કલાકારો એકસાથે સ્ક્રીન શેર કરવાના છે. આ મલ્ટીસ્ટારર ફિલ્મમાં અક્ષય કુમાર, સુનીલ શેટ્ટી, દિશા પાટની, જેકલીન ફર્નાન્ડીઝ, અરશદ વારસી, જેકી શ્રોફ, પરેશ રાવલ, રવીના ટંડન, લારા દત્તા, જોની લીવર, તુષાર કપૂર અને રાજપાલ યાદવ જેવા ધુરંધર કલાકારો મુખ્ય ભૂમિકામાં છે.મેકર્સ દ્વારા કન્ફર્મ કરવામાં આવ્યું છે કે આ ફિલ્મ ૨૬ જૂન ૨૦૨૬ ના રોજ સિનેમાઘરોમાં ભવ્ય રીતે રિલીઝ થશે.
