News Continuous Bureau | Mumbai
બોલીવુડના મહાનાયક(Bollywood superstar) અમિતાભ બચ્ચનના(Amitabh Bachchan) પુત્ર અભિનેતા અભિષેક બચ્ચને(Abhishek Bachchan) 20 એપ્રિલ 2007ના રોજ વિશ્વસુંદરી અભિનેત્રી ઐશ્વર્યા રાય (Aishwarya Rai) સાથે લગ્ન કર્યા હતા. આ બંને સ્ટાર્સના લગ્ન સમયે ચાહકોમાં બે લાગણીઓ જોવા મળી રહી હતી. જ્યાં એક તરફ ચાહકો આ બોલિવૂડ લગ્નને લઈને ખૂબ જ ઉત્સાહિત હતા, તો બીજી તરફ ઘણા એવા લોકો હતા જેઓ ઈચ્છતા ન હતા કે ઐશ્વર્યા અને અભિષેક લગ્ન કરે. આ બીજી કેટેગરીમાં અભિનેત્રી જ્હાન્વી કપૂરનો(Jhanvi Kapoor) પણ સમાવેશ થાય છે જેણે લગ્ન અટકાવવા માટે પોતાનું કાંડું કાપી નાખ્યું હતું.
તમને જણાવી દઈએ કે એક તરફ અભિષેક બચ્ચન અને ઐશ્વર્યા રાય લગ્ન કરી રહ્યા હતા, તો બીજી તરફ અભિનેત્રી જ્હાન્વી કપૂરે પોતાનું કાંડું કાપી નાખ્યું. જ્હાન્વીએ કહ્યું કે તે અભિષેક બચ્ચન સાથે લગ્ન કરી ચૂકી છે અને તે તેની પત્ની છે. એટલું જ નહીં, પછી જ્હાન્વીએ મીડિયાની સામે પોતાનું કાંડું કાપી નાખ્યું અને તેણે જુહુ પોલીસ સ્ટેશનમાં કેસ દાખલ કરવાનો પ્રયાસ પણ કર્યો.
આ સમાચાર પણ વાંચો : કયુંકી સાસ ભી કભી બહુ થી ફેમ આ અભિનેત્રી ને કોલ સેન્ટરમાં કામ કરવાની પડી ફરજ-એક્ટ્રેસે જણાવી પોતાની આપવીતિ
જ્હાન્વી કપૂરે મીડિયા સામે અભિષેક પર આરોપ લગાવ્યો કે તેણે જ્હાન્વીને છેતર્યા છે… તેની સાથે દગો કર્યો છે. તમને જણાવી દઈએ કે શરૂઆતમાં આ વાત થોડી દબાવી દેવામાં આવી હતી પરંતુ પછી જ્યારે અભિષેક બચ્ચને આરોપોને નકારી કાઢ્યા ત્યારે આ મોડલે અભિષેકના ઘરની બહાર પોતાનું કાંડું કાપી નાખ્યું અને અભિષેક પ્રત્યેના પ્રેમને સાબિત કરવાનો પ્રયાસ કર્યો.
ધ્યાનમાં રાખો કે અહીં શ્રીદેવીની(Sridevi) પુત્રી જ્હાન્વી કપૂરની વાત નથી કરવામાં આવી રહી, અમે તમને એક અન્ય મોડલ અને અભિનેત્રી જ્હાન્વી કપૂર વિશે જણાવી રહ્યાં છીએ. આ અભિનેત્રીએ અભિષેક બચ્ચન સાથે ફિલ્મ 'દસ'માં કામ કર્યું હતું.
