News Continuous Bureau | Mumbai
Movie Tickets: જો તમે સિનેમા હોલમાં ફિલ્મ જોવાના શોખીન હોવ અને ટિકિટના ભાવ જોઈને અટકી જતા હોવ, તો મંગળવાર તમારા માટે બેસ્ટ દિવસ છે. મોટાભાગના મલ્ટીપ્લેક્સમાં મંગળવારે ટિકિટના દર ઘણા ઓછા હોય છે. PVR-Inox જેવા મોટા બ્રાન્ડ્સ ‘બ્લોકબસ્ટર ટ્યુઝડે’ (Blockbuster Tuesday) ઓફર હેઠળ માત્ર ૯૯ રૂપિયા જેવી નજીવી કિંમતે ટિકિટ આપે છે. પણ શું તમે ક્યારેય વિચાર્યું છે કે મંગળવારે જ ટિકિટ કેમ સસ્તી હોય છે?
આ સમાચાર પણ વાંચો : TRP Rating: અનુપમાને લાગ્યો જોરદાર ઝટકો: ટીઆરપી રેસમાં ટોપ પરથી ફેંકાઈ બહાર, જાણો કયા શોએ મારી બાજી અને કોણ છે ટોપ-10 માં
કેમ મંગળવારે જ ભાવ ઘટે છે?
મંગળવારે સિનેમાની ટિકિટ સસ્તી હોવા પાછળનું મુખ્ય કારણ થિયેટરોમાં રહેતી ઓછી ભીડ છે. સામાન્ય રીતે નવી ફિલ્મો શુક્રવારે રિલીઝ થતી હોવાથી શનિવાર અને રવિવારે દર્શકોનો ભારે ધસારો રહે છે, જેની અસર સોમવાર સુધી જોવા મળે છે. જોકે, મંગળવાર આવતા સુધીમાં દર્શકોની સંખ્યામાં મોટો ઘટાડો થાય છે, પરિણામે ખાલી રહેતા થિયેટરોને ભરવા માટે સિનેમા હોલના માલિકો ટિકિટના ભાવમાં ઘટાડો કરે છે. આ રણનીતિને કારણે લોકો અઠવાડિયાના કામના દિવસોમાં પણ ફિલ્મ જોવા માટે પ્રેરાય છે.ટિકિટના ભાવ ઘટાડવાથી થિયેટરોને નવા ગ્રાહકો મેળવવામાં પણ મદદ મળે છે. ખાસ કરીને વિદ્યાર્થીઓ અને ઓછી આવક ધરાવતા પરિવારો, જેઓ વીકએન્ડની મોંઘી ટિકિટ ખરીદી શકતા નથી, તેઓ મંગળવારની રાહ જોતા હોય છે. આ ઉપરાંત, ટિકિટ સસ્તી હોવાથી લોકો પોપકોર્ન અને કોલ્ડ્રિંક્સ જેવી ખાણી-પીણી પર વધુ ખર્ચ કરે છે, જે વાસ્તવમાં સિનેમા હોલની આવકનો મુખ્ય સ્ત્રોત છે.
વર્ષ 2025માં આ ટ્રેન્ડ વૈશ્વિક સ્તરે વધુ મજબૂત બન્યો છે. ભારતમાં PVR Inox જેવા મોટા મલ્ટિપ્લેક્સ ‘બ્લોકબસ્ટર ટ્યુઝડે’ જેવી સ્કીમ ચલાવે છે, જેમાં ટિકિટના ભાવ માત્ર 92 થી 99 રૂપિયાની આસપાસથી શરૂ થાય છે. આ જ રીતે વિદેશમાં પણ AMC જેવા મોટા સિનેમા ગ્રુપ્સ ‘Tuesdays at 50% Off’ જેવી આકર્ષક ઓફર્સ આપીને મંગળવારને મૂવી લવર્સ માટે ખાસ દિવસ બનાવે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
