News Continuous Bureau | Mumbai
Yami Gautam Dhurandhar 2 Video : આદિત્ય ધરની બ્લોકબસ્ટર ફિલ્મ ‘ધુરંધર 2: ધ રિવન્જ’ હાલમાં બોક્સ ઓફિસ પર ધૂમ મચાવી રહી છે. આ સફળતાની વચ્ચે અભિનેત્રી યામી ગૌતમ પોતાની બહેન સુરીલી સાથે કોઈને ખબર ન પડે તેમ થિયેટરમાં ફિલ્મ જોવા પહોંચી હતી. સોશિયલ મીડિયા પર શેર કરવામાં આવેલા વીડિયોમાં યામી પોતાનો ચહેરો છુપાવતી અને બહેનને ચૂપ રહેવાનો ઈશારો કરતી જોવા મળી રહી છે જેથી ચાહકો તેને ઓળખી ન જાય. યામી ગૌતમે આ ફિલ્મ રિલીઝ પહેલા જ જોઈ લીધી હતી, પરંતુ સામાન્ય જનતાનો પ્રતિસાદ જોવા માટે તે ફરી એકવાર ખચાખચ ભરેલા થિયેટરમાં પહોંચી હતી. સુરીલી ગૌતમે આ વીડિયો ઈન્સ્ટાગ્રામ પર શેર કર્યો હતો, જેમાં યામી પડદા પર પોતાનો કેમિયો રોલ જોઈને શરમાતી પણ જોવા મળી હતી.
આ સમાચાર પણ વાંચો : Operation Sindoor Movie: ટી-સીરીઝ અને વિવેક અગ્નિહોત્રીનું મોટું કોલેબોરેશન: સત્ય ઘટના પર આધારિત ‘ઓપરેશન સિંદૂર’ની ફિલ્મ તરીકે જાહેરાત
સાળી સુરીલીએ જીજુ આદિત્ય ધરને આપ્યા અભિનંદન
યામીની બહેન સુરીલીએ ઈન્સ્ટાગ્રામ સ્ટોરી પર લખ્યું, “ફરી એકવાર આદિત્ય ધરને સલામ! શું માસ્ટરપીસ બનાવી છે. આ શાનદાર ફિલ્મ પર અમને ગર્વ છે. ચાલો હવે આ સફળતાની પાર્ટી કરીએ.” યામીએ પણ પોતાની બહેનનો આભાર માન્યો હતો. નોંધનીય છે કે આ ફિલ્મમાં યામી ગૌતમનો એક ખાસ કેમિયો રોલ પણ છે જે પ્રેક્ષકોને ખૂબ પસંદ પડી રહ્યો છે.
‘ધુરંધર 2’ એ બોક્સ ઓફિસ પર કમાણીના તમામ જૂના રેકોર્ડ્સ તોડી નાખ્યા છે. માત્ર 8 દિવસમાં ફિલ્મે વિશ્વભરમાં 1080 કરોડ ની કમાણી કરી લીધી છે. ભારતમાં પહેલા અઠવાડિયામાં જ આ ફિલ્મે 674.17 કરોડનું નેટ કલેક્શન કર્યું છે. આ ફિલ્મે અત્યાર સુધીમાં કુલ 32 નવા રેકોર્ડ્સ બનાવીને બોલિવૂડમાં ખળભળાટ મચાવી દીધો છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
