News Continuous Bureau | Mumbai
Keir Starmer India Visit: બ્રિટનના વડાપ્રધાન કીર સ્ટાર્મર (Keir Starmer) ભારતના વેપાર મિશન અંતર્ગત મુંબઈ આવ્યા હતા, જ્યાં તેમણે યશરાજ સ્ટુડિયોની મુલાકાત લીધી અને મોટી જાહેરાત કરી. યશરાજ ફિલ્મ્સ 2026થી બ્રિટનમાં ત્રણ નવી બોલીવૂડ બ્લોકબસ્ટર ફિલ્મો નું શૂટિંગ કરશે. આ સહયોગથી બ્રિટનમાં 3,000થી વધુ નોકરીઓ સર્જાશે અને અર્થતંત્રને કરોડો પાઉન્ડનો લાભ મળશે.
આ સમાચાર પણ વાંચો : Anupama: અનુપમા માંથી આ પાત્ર એ લીધી વિદાય,અભિનેત્રી એ જણાવ્યું તેની પાછળ નું કારણ
DDLJની 30મી વર્ષગાંઠે યશરાજની બ્રિટનમાં વાપસી
યશરાજ ફિલ્મ્સના CEO અક્ષય વિધાનીએ જણાવ્યું કે “UK અમારા માટે હંમેશા ખાસ રહ્યું છે. ‘દિલવાલે દુલ્હનિયા લે જાયેંગે (DDLJ) જેવી ફિલ્મો અહીં શૂટ થઈ છે. હવે CFIL (Come Fall in Love) નામનું મ્યુઝિકલ પણ બ્રિટનમાં બની રહ્યું છે.” તેમણે કહ્યું કે UKની ટેકનિક, ઈન્ફ્રાસ્ટ્રક્ચર અને ટેલેન્ટ બેમિસાલ છે.કીર સ્ટાર્મર સાથે બ્રિટિશ ફિલ્મ ઇન્સ્ટિટ્યૂટ (BFI), બ્રિટિશ ફિલ્મ કમિશન, પાઈનવુડ સ્ટુડિયો, એલ્સ્ટ્રી સ્ટુડિયો અને સિવિક સ્ટુડિયો ના પ્રતિનિધિઓ પણ હાજર રહ્યા. આ સહયોગ ભારત-UK વચ્ચેની સાંસ્કૃતિક અને આર્થિક ભાગીદારીને વધુ મજબૂત બનાવશે.
આ સહયોગ અંતર્ગત ભારતની NFDC (National Film Development Corporation) અને BFI વચ્ચે ટૂંક સમયમાં MoU સાઈન થશે. આથી કો-પ્રોડક્શન, ટેલેન્ટ એક્સચેન્જ અને સંસાધનોના વહેંચાણને પ્રોત્સાહન મળશે. બંને દેશોની ફિલ્મ ઇન્ડસ્ટ્રી માટે આ એક નવી ક્રિએટિવ દિશા હશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
