News Continuous Bureau | Mumbai
ટીવી સીરિયલ ‘યે રિશ્તા ક્યા કહેલાતા હૈ’ હવે સૌથી વધુ જોવાયેલ શો બની ગયો છે. આ જ કારણ છે કે લોકો શોમાં આવનારા ટ્વિસ્ટની સાથે તેમના મનપસંદ પાત્ર વિશે જાણવાનો પ્રયાસ કરી રહ્યા છે. આજે અમે તમને અક્ષરાનું પાત્ર ભજવતી પ્રણાલી રાઠોડ વિશે જણાવવા જઈ રહ્યા છીએ. જણાવી દઈએ કે, પ્રણાલી રાઠોડે માત્ર 26 વર્ષની ઉંમરમાં દરેક ઘરમાં પોતાની જગ્યા બનાવી લીધી છે. લોકો તેના અક્ષુ ના પાત્રને ખૂબ પસંદ કરી રહ્યા છે.
કરોડપતિ છે ‘યે રિશ્તા…’ની અક્ષરા
નોંધપાત્ર વાત એ છે કે પ્રણાલી રાઠોડનું નામ ટીવીની સૌથી મોંઘી અભિનેત્રીઓમાં સામેલ છે. એક ન્યૂઝ પોર્ટલ ના રિપોર્ટ અનુસાર, તે ‘યે રિશ્તા ક્યા કહેલાતા હૈ’ના એક એપિસોડ માટે 60 હજાર રૂપિયા ફી લે છે. પ્રણલી રાઠોડ સિરિયલો સિવાય જાહેરાત માંથી પણ ઘણી કમાણી કરે છે. તેની નેટવર્થની વાત કરીએ તો રિપોર્ટ્સ અનુસાર તે એક કરોડ રૂપિયાની પ્રોપર્ટીની માલિક છે.જેમ ‘યે રિશ્તા ક્યા કહેલાતા હૈ’ની હિના ખાન અને શિવાંગી જોશી અનુક્રમે અક્ષરા અને નાયરાનું પાત્ર ભજવીને ટીવીની ટોચની અભિનેત્રીઓ બની હતી, તેમ પ્રણાલી રાઠોડ પણ હવે ખૂબ જ લોકપ્રિય બની છે. તેના ફોલોઅર્સમાં પણ ઘણો વધારો થયો છે. તેને ઈન્સ્ટાગ્રામ પર 1.8 મિલિયનથી વધુ લોકો ફોલો કરે છે.
આ સિરિયલોમાં કામ કરી ચુકી છે પ્રણાલી
તમને જણાવી દઈએ કે, ‘યે રિશ્તા ક્યા કહેલાતા હૈ’માં અક્ષરાનું પાત્ર ભજવતા પહેલા પ્રણાલી રાઠોડ અન્ય ઘણા ટીવી શોમાં કામ કરી ચૂકી છે. તે ‘પ્યાર પહેલી બાર’, ‘જાત ના પૂછો પ્રેમ કી’, ‘બેરિસ્ટર બાબુ’, ‘ક્યૂં ઊઠે દિલ છોડ આયા’ જેવા શોમાં જોવા મળી ચૂકી છે. આ સિવાય તેણે વેબ સિરીઝ ‘ચુટઝપહ’માં પણ કામ કર્યું છે.
