News Continuous Bureau | Mumbai
Fake News : છેલ્લા કેટલાંક દિવસોથી સોશ્યલ મીડિયા પર એવા અહેવાલો વાયરલ થઇ રહ્યા છે કે જેમાં કહેવામાં આવી રહ્યું છે કે ભારતના દિગ્ગજ ઉદ્યોગપતિ અને ટાટા સન્સના પૂર્વ ચેરમેન રતન ટાટા (Ratan Tata) એ અફઘાનિસ્તાનના(Afghanistan) ક્રિકેટર રાશિદ ખાન (Rashid Khan) ને 10 કરોડ રૂપિયા આપ્યા છે. હવે રતન ટાટાએ સ્વયં આ અંગે જાણકારી આપી છે. તેમણે આ સમાચારને તદ્દન ખોટા ગણાવ્યા છે. તેમણે કહ્યું કે મારું ક્રિકેટ સાથે કોઈ સંબંધ નથી.
રતન ટાટાએ કહ્યું કે તેમના નામે ખોટા સમાચાર ફેલાવવામાં આવી રહ્યા છે. તેમણે સલાહ આપતા કહ્યું કે કૃપા કરીને આવા વોટ્સએપ ફોરવર્ડ્સ અને વીડિયોઝ પર બિલકુલ વિશ્વાસ ન કરો જ્યાં સુધી તે મારા ઓફિશિયલ પ્લેટફોર્મ એકાઉન્ટમાંથી પોસ્ટ કરવામાં ન આવે. રતન ટાટાએ એક્સ પર પોસ્ટ કરતા લખ્યું કે, ‘મેં ક્યારેય ICC કે કોઈપણ ક્રિકેટ ફેકલ્ટીને કોઈ ખેલાડીને દંડ કે ઈનામ આપવા અંગે કોઈ સૂચન આપ્યું નથી. ક્રિકેટ સાથે મારો કોઈ સંબંધ નથી. આવા વાયરલ સમાચાર સંપૂર્ણપણે પાયાવિહોણા છે.’
આ સમાચાર પણ વાંચો : Amrit Kalash Yatra : પ્રધાનમંત્રી શ્રી નરેન્દ્ર મોદી મેરી માટી મેરા દેશ અભિયાનની અમૃત કળશ યાત્રાનાં સમાપન પ્રસંગે આયોજિત કાર્યક્રમમાં સહભાગી થશે.
રાશિદ ખાનને 10 કરોડના ઇનામના સમાચાર વાયરલ થઇ રહ્યા હતા…
પાકિસ્તાન સામે જીત બાદ રાશિદ ખાન ખભા પર અફઘાનિસ્તાનનો ઝંડો લઈને જીતની ઉજવણી કરતો જોવા મળ્યો હતો. અફઘાનિસ્તાનની જીત બાદથી આ સમાચાર સોશ્યલ મીડિયા(social media) ઉપર વાયરલ થયા હતા. એક તરફ જ્યાં સોશ્યલ મીડિયા પર રતન ટાટા તરફથી રાશિદ ખાનને 10 કરોડના ઇનામના સમાચાર વાયરલ થઇ રહ્યા હતા તો બીજી તરફ એવી અફવા પણ ફેલાઈ હતી કે ICCએ રાશિદ પર ઝંડો ખભા પર લઈને ઉજવણી કરવા બદલ 55 લાખ રૂપિયાનો દંડ ફટકાર્યો છે. જો કે હજુ સુધી આની કોઈ પુષ્ટિ થઇ નથી.
I have made no suggestions to the ICC or any cricket faculty about any cricket member regarding a fine or reward to any players.
I have no connection to cricket whatsoever
Please do not believe WhatsApp forwards and videos of such nature unless they come from my official…
— Ratan N. Tata (@RNTata2000) October 30, 2023
