News Continuous Bureau | Mumbai
Budget 2024: જો તમે પ્રોપર્ટી કે શેર માર્કેટમાં રોકાણ કર્યું હોય અથવા ક્યાંય રોકાણ કરવાનો ઈરાદો હોય તો તમારે આ બજેટમાં કરવામાં આવેલા મહત્વના ફેરફારોને જરુરથી જાણવું જોઈએ. સરકારે આ બજેટમાં કેપિટલ ગેઈન ટેક્સમાં ( Capital Gains Tax ) ફેરફારની જાહેરાત કરી છે. જો તમે સાદી ભાષામાં સમજો છો, તો કેપિટલ ગેઈન ટેક્સ એટલે તમારા નફા પર લાદવામાં આવેલો ટેક્સ. નાણાપ્રધાન નિર્મલા સીતારમણે આ બજેટમાં કેપિટલ ગેઈન ટેક્સમાં મોટા ફેરફારોની જાહેરાત કરી છે, સાથે સાથે ઈન્ડેક્સેશન બેનિફિટના નિયમને પણ હવે દૂર કર્યો છે, જેની અસર મુખ્યત્વે રિયલ એસ્ટેટ વ્યવહારોને કરી શકે છે.
બજેટમાં નાણામંત્રીએ જાહેરાત કરી હતી કે મિલકતના વેચાણ ( Property sale ) પર ઈન્ડેક્સેશનનો લાભ નાબૂદ કરવામાં આવશે. આના કારણે તેમની મિલકતો વેચનારા ઘણા લોકો હવે તેમની ખરીદ કિંમતમાં વધારો કરી શકશે નહીં અને તેમનો મૂડી લાભ ઘટાડી શકશે નહીં. જાહેરાત પહેલાં, મિલકતના વેચાણથી લાંબા ગાળાના મૂડી લાભ પર 20% ટેક્સ લાગતો હતો. હવે બજેટ દસ્તાવેજો મુજબ, નવો LTCG ટેક્સ રેટ ( LTCG Tax Rate ) ઘટાડીને 12.5% કરવામાં આવ્યો છે પરંતુ મિલકતના વેચાણ પરના મૂડી લાભ માટે ઇન્ડેક્સેશન લાભો વિના લાગુ થશે.
Budget 2024: સરકારે લોંગ ટર્મ કેપિટલ ગેઈન ટેક્સમાં ઘટાડો કર્યો છે..
સરકારનો આ નિર્ણય પ્રોપર્ટી ( Property Tax ) વેચનારાઓને આંચકો આપી શકે છે.આવું એટલા માટે છે કારણ કે પહેલી નજરે તમને લાગશે કે સરકારે લોંગ ટર્મ કેપિટલ ગેઈન ટેક્સમાં ઘટાડો કર્યો છે. પરંતુ અહીં એક ટવિસ્ટ છે. વાસ્વમાં, પ્રોપર્ટી વેચવા પર અત્યાર સુધી જે ઈન્ડેક્સેશન બેનિફિટ મળતો હતો તે આ બજેટમાં દૂર કરવામાં આવ્યો છે.
આ સમાચાર પણ વાંચો : IEC Education Share: એક મહિના પહેલા શેરની કિંમત 1 રૂપિયા હતી, હવે રોકેટ બન્યો આ શેર, બજેટ બાદ 10% નો ઉછળો.. જાણો વિગતે..
ચાલો આને ઉદાહરણની મદદથી સમજીએ. ધારો કે તમે નાણાકીય વર્ષ 2002-2003માં 25 લાખ રૂપિયામાં પ્રોપર્ટી ખરીદી હતી. તમે નાણાકીય વર્ષ 2023-2024માં આ મિલકત રૂ. 1 કરોડમાં વેચો છો. હાલના નિયમો અનુસાર, આવકવેરા વિભાગ ( Income Tax Department ) દ્વારા સૂચિત CII નંબરો સાથે રૂ. 25 લાખની ખરીદીની કિંમત વધારી શકાય છે. પરંતુ નવો નિયમ લાગુ થયા બાદ ખરીદ કિંમત વધારવાની જરૂર નહીં રહે. કરદાતાએ વેચાણ કિંમતમાંથી ખરીદ કિંમત બાદ કરીને મૂડી લાભની ગણતરી કરવી પડશે. સીતારમને કહ્યું કે આનાથી કરદાતાઓ અને કર સત્તાવાળાઓ માટે મૂડી લાભની ગણતરી કરવાનું સરળ બનશે.
હવે ધારો કે ઈન્ફ્લેશન ઈન્ડેક્સ પ્રમાણે આજે તમારી 50 લાખની કિંમતની જમીનની કિંમત રૂ. 1.25 કરોડ છે, તો તમારી જમીનની કિંમત રૂ. 1.25 કરોડ ગણવામાં આવી હશે તો નિયમો પ્રમાણે લોંગ ટર્મ ગેઈન ટેક્સ લાગે છે તમારા રૂ. 75 હજાર પર 20 ટકાના દરે. પરંતુ હવે આ નિયમ હટાવી દેવામાં આવ્યો છે.
