News Continuous Bureau | Mumbai
Union Budget 2024: નાણામંત્રી નિર્મલા સીતારમણ આજે સંસદમાં સંપૂર્ણ બજેટ રજૂ કરી રહ્યા છે. આ તેમનું સતત 7મું બજેટ છે. તેમણે કહ્યું કે, મોદી સરકાર સતત ત્રીજી વખત સત્તામાં આવી છે. ભારતમાં મોંઘવારી દર સતત ઘટી રહ્યો છે. નિર્મલા સીતારમણે કહ્યું, આ બજેટ ગરીબો, મહિલાઓ, યુવાનો અને ખેડૂતો પર ધ્યાન કેન્દ્રિત કરે છે. નાણામંત્રીએ રોજગાર પર પણ મોટી જાહેરાત કરી છે.
નિર્મલા સીતારમને તેમના બજેટ ભાષણમાં કહ્યું હતું કે, ભારતની અર્થવ્યવસ્થાનો વિકાસ સતત સારો થઈ રહ્યો છે. ભારતનો ફુગાવો સ્થિર છે, 4%ના લક્ષ્ય તરફ આગળ વધી રહ્યો છે. રોજગાર, કૌશલ્ય, MSME, મધ્યમ વર્ગ પર સતત ધ્યાન આપવામાં આવી રહ્યું છે. તેમણે કહ્યું કે રોજગાર અને કૌશલ્ય પ્રશિક્ષણ સંબંધિત 5 યોજનાઓ માટે 2 લાખ કરોડ રૂપિયાનું બજેટ છે.
Union Budget 2024:યુવાનો માટે રોજગાર અને કૌશલ્ય વિકાસ માટે 2 લાખ કરોડ રૂપિયાની ફાળવણી
નાણામંત્રીએ રોજગાર પર મોટી જાહેરાત કરી છે અને કહ્યું છે કે ભારતની અર્થવ્યવસ્થા મજબૂત છે. તેમણે કહ્યું કે સરકારનું ધ્યાન રોજગાર વધારવા પર છે. સરકાર સબકા સાથ, સબકા વિકાસ માટે પ્રતિબદ્ધ છે. નાણામંત્રીએ કહ્યું કે આ વખતે બજેટમાં યુવાનો માટે રોજગાર અને કૌશલ્ય વિકાસ માટે 2 લાખ કરોડ રૂપિયાની ફાળવણી કરવામાં આવી છે.
Union Budget 2024: રોજગારની તકો માટે 5 યોજનાઓ લાવવામાં આવશે
રોજગાર પર 2 લાખ કરોડ રૂપિયા ખર્ચવા ઉપરાંત, સરકારે કહ્યું કે રોજગાર આપનારાઓને સરકારી મદદ મળશે. EPFOથી 10 લાખ યુવાનોને ફાયદો થયો છે. નાણામંત્રીએ EPFOમાં નોંધણી પર પ્રોત્સાહનની પણ જાહેરાત કરી છે. બજેટ રજૂ કરતી વખતે નાણામંત્રી નિર્મલા સીતારમણે કહ્યું કે આ વખતે સરકારનું ધ્યાન રોજગારી પેદા કરવા પર છે અને આ માટે રોજગારની તકો માટે 5 યોજનાઓ લાવવામાં આવશે અને સરકારે રોજગાર માટે 2 લાખ રૂપિયા આપ્યા છે.
આ સમાચાર પણ વાંચો : Budget 2024: નાણામંત્રી નિર્મલા સીતારમણે સંસદમાં રજૂ કર્યું બજેટ.. રોજગારી અને કૃષિ પર વિશેષ ભાર
નોકરીદાતાઓને ટેકો આપવા માટે, સરકારે જોબ માર્કેટમાં પ્રવેશતા 30 લાખ યુવાનોને સરકાર એક મહિનાનું પીએફ યોગદાન આપીને પ્રોત્સાહિત કરશે. બીજી સ્કીમમાં 30 લાખ યુવાનોને ફાયદો થશે, આ સાથે પહેલી નોકરીમાં 1 મહિનાની સેલરી સરકાર આપશે આ સાથે નવી કર્મચારી માટે ઈન્ટેસીવની પણ જાહેરાત કરી છે.
Union Budget 2024:20 લાખ યુવાનોને રોજગાર માટે તાલીમ
બજેટ રજૂ કરતી વખતે નાણામંત્રી નિર્મલા સીતારમણે કહ્યું કે 20 લાખ યુવાનોને રોજગાર માટે તાલીમ આપવામાં આવશે. આ ઉપરાંત રોજગાર આપવા માટે સરકાર પ્રોત્સાહન આપશે અને રોજગાર આપવા માટે સરકારી પ્રોત્સાહનોની 3 યોજનાઓ રજૂ કરવામાં આવશે. પીએમ યોજના હેઠળ, 3 તબક્કામાં પ્રોત્સાહનો આપવામાં આવશે, કાર્યકારી હોસ્ટેલ ઉદ્યોગના સહયોગથી બનાવવામાં આવશે.
Union Budget 2024: આગામી 5 વર્ષમાં 1 કરોડ યુવાનોને ઈન્ટર્નશિપ આપશે
- પ્રથમ વખત નોકરી મેળવનારાઓને સરકાર બે વર્ષ માટે દર મહિને 300 રૂપિયાનો વધારાનો PF આપશે.
- સ્થાનિક સંસ્થાઓમાં અભ્યાસ કરવા માટે 10 લાખ રૂપિયા સુધીની અનસિક્યોર્ડ એજ્યુકેશન લોન મળશે.
- યુવાનોને કૌશલ્યની તાલીમ આપવામાં આવશે. 30 લાખ યુવાનોને તાલીમ મળશે.
- કેન્દ્ર સરકાર 4.1 કરોડ યુવાનો માટે રોજગાર માટેની પાંચ યોજનાઓ લાવશે.
- આગામી 5 વર્ષમાં સરકાર 2 લાખ કરોડ રૂપિયા ખર્ચ કરશે.
- સરકાર આગામી 5 વર્ષમાં 1 કરોડ યુવાનોને ઈન્ટર્નશિપ આપશે. એક વર્ષની ઇન્ટર્નશિપ દરમિયાન દર મહિને રૂ. 5000 ની નાણાકીય સહાય આપવામાં આવશે.
