News Continuous Bureau | Mumbai
Afghanistan: અફઘાનિસ્તાનમાં મહિલાઓની સ્થિતિ વધુ દયનીય બનવાની છે. અફઘાનિસ્તાનમાં મહિલાઓની ( women ) સ્થિતિ પહેલાથી જ બહુ સારી નહોતી, પરંતુ જ્યારથી તાલિબાનોએ શાસનની બાગડોર સંભાળી છે, ત્યારથી મહિલાઓની હાલત વધુ ખરાબ થઈ ગઈ છે. તાલિબાન શાસને મહિલાઓ પર કેટલાય પ્રતિબંધો લાદ્યા છે. હવે આ ક્રમમાં, તાલિબાનના સર્વોચ્ચ નેતા મુલ્લા હિબતુલ્લાહ અખુન્દઝાદાએ મહિલાઓ વિરુદ્ધ એક નવો આદેશ જારી કર્યો છે. હુકમનામું અનુસાર, કોઈપણ મહિલા તેના પતિ સિવાય અન્ય પુરૂષ સાથે શારીરિક સંબંધ બાંધવા માટે દોષી સાબિત થશે તો તેને પથ્થરથી મારી મારીને મારી નાખવામાં આવશે.
મુલ્લા હિબતુલ્લા અખુંદઝાદાનો એક ઓડિયો સંદેશ પણ સામે આવ્યો છે. આ ઓડિયો સંદેશમાં અખુંદઝાદાએ પશ્ચિમી દેશોની લોકશાહીને પડકાર ફેંક્યો હતો અને ઈસ્લામિક કાયદા શરિયાનો કડક અમલ કરવાનો આદેશ આપ્યો હતો. તાલિબાન ( Taliban ) નેતાએ આ સંદેશામાં કહ્યું હતું કે, તમે જે વ્યભિચારને મહિલાનો અધિકારી અથવા લગ્ન સંબંધની ( marriage ) બહાર સંબંધ અથવા લિવ ઈન રિલેશનશીપ જેવા રિવાજોને મહિલાઓના અધિકારો માનો છે. તેને અમે અહીં મહિલાના અધિકારનું ઉલ્લંઘન અથવા ગુનો ગણાય છે. તેમજ આવા ગુનેગાર મહિલાને અહીં પથ્થર મારી મારીને મારી નાખીએ છીએ, પરંતુ ટૂંક સમયમાં હવે લગ્ન સંબંધ બહારના સંબંધમાં ( adultery ) જો મહિલા ગુનેગાર કે દોષિત સાબિત થઈ તો પણ આ જ કાયદો લાગુ કરવામાં આવશે. દોષિત મહિલાઓને જાહેરમાં કોરડા મારવામાં આવશે અને તેના પર પથ્થરમારો ( Stone Pelting ) કરવામાં આવશે.
શું મહિલાઓને એવા અધિકારો જોઈએ છે જેની પશ્ચિમી દેશો વાત કરી રહ્યા છે?..
અખુંદઝાદાએ વધુમાં કહ્યું હતું કે, શું મહિલાઓને એવા અધિકારો જોઈએ છે જેની પશ્ચિમી દેશો વાત કરી રહ્યા છે? આવા તમામ અધિકારો શરિયા અને મૌલવીઓના અભિપ્રાય વિરુદ્ધ છે. એ જ મૌલવીઓ જેમણે પશ્ચિમી લોકશાહીને ઉથલાવી નાખી હતી. અમે પશ્ચિમી લોકો સામે 20 વર્ષ સુધી લડ્યા અને જો જરૂર પડશે તો અમે આગામી 20 વર્ષ સુધી લડતા રહીશું. તાલિબાન નેતાએ એમ પણ કહ્યું કે જ્યારે અમે કાબુલ પર ફરીથી કબજો કર્યો ત્યારે અમારું કામ પૂરું થયું ન હતું. આપણે શાંતિથી બેસીને ચા પીવાના નથી. અમે અફઘાનિસ્તાનમાં શરિયા પાછી લાવીશું.
આ સમાચાર પણ વાંચો : ED Raid: દિલ્હી-NCRમાં EDની કાર્યવાહી, AAPના ગોવાના પ્રભારી દીપક સિંગલાના ઘર સહિત ઘણી જગ્યાએ દરોડા..
નોંધનીય છે કે, જ્યારે તાલિબાને અફઘાનિસ્તાનમાં સત્તા સંભાળી ત્યારે તેણે ખાતરી આપી હતી કે તે મહિલાઓના અધિકારોનું ઉલ્લંઘન કરશે નહીં. આમ છતાં અફઘાનિસ્તાનમાં મહિલાઓના અધિકારોનું ઉલ્લંઘન થઈ રહ્યું છે. કન્યા શાળાના શિક્ષણ પર પ્રતિબંધ મુકવામાં આવ્યો છે. મહિલાઓને મોટાભાગની નોકરીઓમાંથી કાઢી નાખવામાં આવી હતી અથવા તેમના સ્થાને તેમના પરિવારમાંથી કોઈ પુરુષને નોકરી પર રાખવામાં આવ્યો હતો. અફઘાનિસ્તાનમાં મહિલાઓને બ્યુટી પાર્લરમાં જવા અને સ્પોર્ટ્સ રમવા જેવી ઘણી વસ્તુઓ પર પણ પ્રતિબંધ લગાવી દેવામાં આવ્યો છે.
તાજેતરમાં અફઘાનિસ્તાનમાં મહિલાઓની સ્થિતિને લઈને સંયુક્ત રાષ્ટ્રનો એક રિપોર્ટ બહાર આવ્યો છે. આ રિપોર્ટમાં મહિલાઓ અને છોકરીઓની મનસ્વી રીતે અટકાયત પર ચિંતા વ્યક્ત કરવામાં આવી હતી. રિપોર્ટમાં દાવો કરવામાં આવ્યો છે કે તાલિબાન શાસન દરમિયાન જેલમાં કેદ મહિલાઓનું શારીરિક શોષણ કરવામાં આવતું હતું. રિપોર્ટમાં તાલિબાન શાસ પાસે મહિલાઓના પહેરવેશ પર લાદવામાં આવેલા પ્રતિબંધોને તાત્કાલિક હટાવવાની અને છોકરીઓની અટકાયતને રોકવાની માંગ કરવામાં આવી હતી.
અફઘાનિસ્તાન પર કબજો કર્યા બાદ તાલિબાને કહ્યું હતું કે દેશમાં શરિયા કાયદો લાગુ કરવામાં આવશે. ઇસ્લામમાં માનતા લોકો માટે શરિયા એક કાનૂની વ્યવસ્થા જેવી છે. આ ઘણા ઇસ્લામિક દેશોમાં લાગુ પડે છે. જો કે, પાકિસ્તાન સહિત મોટાભાગના ઇસ્લામિક દેશોમાં તેનો સંપૂર્ણ અમલ થતો નથી. તેમાં રોજિંદા જીવનથી લઈને ઘણા મોટા મુદ્દાઓ પર કાયદા છે. શરિયામાં કુટુંબ, નાણા અને વ્યવસાય સંબંધિત કાયદાઓનો પણ સમાવેશ થાય છે. તેમજ આમાં ગુના માટે સજા માટે કડક નિયમો છે.
