News Continuous Bureau | Mumbai
બોલિવિયાની રાજધાની લા પાઝ નજીક આવેલા એલ એલ્ટો શહેરમાં શુક્રવારે સાંજે એક ભયાનક વિમાન દુર્ઘટના ઘટી હતી. બોલિવિયા એરફોર્સનું હરક્યુલસ C-130 વિમાન લેન્ડિંગ અથવા ટેક-ઓફ વખતે નિયંત્રણ ગુમાવી બેઠું હતું અને રનવેની બાઉન્ડ્રી તોડીને સીધું હાઈવે પર આવી ગયું હતું. આ અકસ્માતમાં ૧૫ લોકોએ જીવ ગુમાવ્યા છે, જેમાં વિમાનમાં સવાર મુસાફરો અને રોડ પર પસાર થઈ રહેલી કારના ચાલકોનો સમાવેશ થાય છે.આ અકસ્માતની સૌથી ચોંકાવનારી બાબત એ હતી કે વિમાનમાં મોટી માત્રામાં નવી ચલણી નોટો ભરેલી હતી. વિમાન રોડ પર પડતાની સાથે જ તેમાં ભરેલી બેંક નોટો ચારેબાજુ વિખરાઈ ગઈ હતી. સ્થાનિક મીડિયા મુજબ, આ વિમાન સેન્ટા ક્રુઝથી ઉડાન ભરીને દેશના આંતરિક ભાગોમાં નવી કરન્સી પહોંચાડવા જઈ રહ્યું હતું. સોશિયલ મીડિયા પર વાયરલ થયેલા વીડિયોમાં રોડ પર પડેલા પ્લેન અને ચારેબાજુ ઉડતી નોટો જોઈ શકાય છે.
આ સમાચાર પણ વાંચો : Afghanistan-Pakistan War Escalates: પાક.-અફઘાન વચ્ચે આરપારની જંગ: તાલિબાનના ડ્રોન હુમલાથી પાકિસ્તાની લશ્કરી મથકો ધ્રૂજ્યા; ૪૦ સૈનિકોના મોતથી ઇસ્લામાબાદમાં માતમ.
રોડ પરની અનેક કારોનો કચરણઘાણ
વિમાન જ્યારે હાઈવે પર પડ્યું ત્યારે તે ત્યાંથી પસાર થઈ રહેલા અનેક વાહનો સાથે અથડાયું હતું. ટક્કર એટલી જોરદાર હતી કે અનેક કારો અને અન્ય વાહનોનો સંપૂર્ણ કચરણઘાણ નીકળી ગયો હતો. ફાયર ચીફ પાવેલ ટોવરે જણાવ્યું કે અત્યારે એ સ્પષ્ટ નથી કે મૃતકો વિમાનમાં હતા કે રોડ પરની કારમાં. આ અકસ્માતમાં ઓછામાં ઓછા ૩૦ લોકો ઘાયલ થયા છે, જેમને નજીકની હોસ્પિટલોમાં ખસેડવામાં આવ્યા છે.
#WATCH : Aftermath Visuals from the crash site of a Bolivian Air Force plane crash.
At least 15 people were killed and 30 injured on Friday evening when a Bolivian Air Force Hercules aircraft carrying newly printed banknotes from the country’s central bank crashed onto a… pic.twitter.com/cStQ4Ras0k— upuknews (@upuknews1) February 28, 2026
એરપોર્ટ કામચલાઉ ધોરણે બંધ
અકસ્માત બાદ એલ એલ્ટો ઇન્ટરનેશનલ એરપોર્ટને તાત્કાલિક અસરથી કામચલાઉ ધોરણે બંધ કરી દેવામાં આવ્યું હતું. નેશનલ એરલાઇન બોલિવિયાના ડી એવિયેશને સ્પષ્ટ કર્યું હતું કે દુર્ઘટનાગ્રસ્ત વિમાન તેમના કાફલાનું નહોતું, પરંતુ તે લશ્કરી વિમાન હતું. રક્ષણ મંત્રાલયે આ મામલે ઉચ્ચ સ્તરીય તપાસના આદેશ આપ્યા છે જેથી અકસ્માતનું સચોટ કારણ જાણી શકાય.
