News Continuous Bureau | Mumbai
Britain Air Traffic: ટેક્નિકલ ખામીના કારણે સમગ્ર યુકેમાં હવાઈ મુસાફરી અચાનક ઠપ્પ થઈ ગઈ છે. જેના કારણે ન તો વિમાન લેન્ડ થઈ શકે છે અને ન તો ટેક ઓફ કરી શકે છે. એક એરલાઈને નેટવર્ક નિષ્ફળતાની જાણ કરી છે. બ્રિટિશ એરપોર્ટની બહારના મુસાફરોને કહેવામાં આવ્યું છે કે એર ટ્રાફિક કંટ્રોલ નેટવર્ક ડાઉન છે અને તેમની ફ્લાઇટ્સ વિલંબિત થશે.
સલામતી માટે ટ્રાફિક પ્રવાહ પર પ્રતિબંધ
મીડિયામાં પ્રકાશિત અહેવાલો મુજબ નેશનલ એર ટ્રાફિક કંટ્રોલર નેટ્સે કહ્યું કે, હાલમાં અમે ટેકનિકલ સમસ્યાનો સામનો કરી રહ્યા છીએ. સુરક્ષાના કારણોસર, અમે ટ્રાફિકના પ્રવાહ પર નિયંત્રણો મૂક્યા છે. હાલ એન્જિનિયર્સ સમસ્યાને દૂર કરવા પર કામ કરી રહ્યા છે. આ સાથે લોકોને પડતી અસુવિધા માટે માફી માંગવામાં આવી છે.
રિપોર્ટ અનુસાર,બ્રિટનની નેશનલ એર ટ્રાફિક સર્વિસે કયા પ્રકારની ટેકનિકલ ખામી સર્જાઈ છે અને તેને ઠીક કરવામાં કેટલો સમય લાગી શકે છે તેની માહિતી આપી નથી.
આ સમાચાર પણ વાંચો : Bahubali baby : શું તમે ક્યારેય ‘બાહુબલી બાળક’ને જોયો છે! જેણે જન્મતાં જ બંને હાથે પકડી લીધી ટ્રે, નર્સ પણ થઇ ગઈ આશ્ચર્યચકિત.. જુઓ વીડિયો
ટેકનિકલ ખામી શું છે?
બ્રિટનની નેશનલ એર ટ્રાફિક સર્વિસને સોમવારે એરક્રાફ્ટની અવરજવરને પ્રતિબંધિત કરવાની ફરજ પડી છે. ટેક્નિકલ ખામીના કારણે એરલાઈન્સ અને એરપોર્ટને ચેતવણી આપવામાં આવી હતી કે એર ટ્રાફિક બંધ કરી દેવો જોઈએ.
આ સંદર્ભમાં, એક પ્રવક્તાએ જણાવ્યું હતું કે, ‘અમે હાલમાં તકનીકી સમસ્યાનો સામનો કરી રહ્યા છીએ અને સલામતી જાળવવા માટે ટ્રાફિક પ્રવાહ નિયંત્રણો લાગુ કર્યા છે. એન્જિનિયરો ખામી શોધવા અને તેને સુધારવા માટે કામ કરી રહ્યા છે. ઉલ્લેખનીય છે કે અમેરિકામાં પણ થોડા સમય અગાઉ એર ટ્રાફિક સિસ્ટમ ખોરવાઈ જતાં આખા દેશના વિમાનોના પૈડા થંભી ગયા હતા.
