News Continuous Bureau | Mumbai
ભારતના પાડોશી દેશ ચીન (China) માં કોરોના વાયરસના (Corona) કેસો ફરી વધી રહ્યા હોય તેવું લાગી રહ્યું છે અને આ દેશમાં કોવિડ (Covid) ના રોજના નોંધાતા કેસ હવે મહામારીની શરૂઆત પછીના ઉચ્ચતમ સ્તરે પહોંચી ગયા છે. સત્તાવાર આંકડાઓ અનુસાર, દેશમાં એક જ દિવસમાં 30 હજારથી વધુ નવા કેસ નોંધાયા છે. વધતા જતા કેસોને જોતા ચીનમાં ફરીથી ઘણા નિયંત્રણો ( Lockdown ) લાદવામાં આવી રહ્યા છે. તે જ સમયે, ચીનમાં આવેલી દુનિયાની સૌથી મોટી Apple iPhone ફેક્ટરીમાં કોરોના લોકઆઉટ અને વેતન વિવાદને લઈને કર્મચારીઓએ ઉગ્ર વિરોધ (Protest) કર્યો હતો અને રસ્તા પર ઉતરી આવ્યા હતા. સોશિયલ મીડિયા (Social Media) પર આ અંગેના ઘણા વીડિયો (Viral video)વાયરલ થઈ રહ્યા છે. સુરક્ષા દળો સાથેની અથડામણમાં ઘણા કામદારો ઘાયલ થયા હોવાનું કહેવાય છે.
હવે બુધવારના રોજના 31,454 નોંધાયેલા દૈનિક કેસો એપ્રિલના મધ્યમાં નોંધાયેલા 29,390 કેસ કરતાં ઘણા વધારે છે, જ્યારે મેગા સિટી શાંઘાઈને ગંભીર લોકડાઉન હેઠળ મૂકવામાં આવ્યું હતું. આ સમય દરમિયાન સ્થાનિક લોકો ખોરાક ખરીદવા અને તબીબી સુવિધાઓ મેળવવા માટે સંઘર્ષ કરી રહ્યા હતા.
આ સમાચાર પણ વાંચો: ખૂબ ઉપયોગી છે Mini LED Bulb, કિંમત માત્ર રૂપિયા 33થી થાય છે શરૂ, ઈમરજન્સીમાં આવી રીતે આવે છે કામ
મહત્વનું છે કે ચીનની ઝીરો કોવિડ પોલિસી હેઠળ, જો કોરોનાના નજીવા કેસ પણ જોવા મળે છે, તો આખા શહેરને લોકડાઉન કરી દેવામાં આવે છે અને કોવિડ પીડિતો અને તેમના સંપર્કમાં આવતા લોકોને કડક ક્વોરેન્ટાઇનમાં રાખવામાં આવે છે. ચીનમાં કોરોનાને 3 વર્ષ પૂરા થવાના છે. ઝીરો કોવિડ પોલિસીના કારણે લોકોમાં રોષ છે. આ અંગે લોકોએ રસ્તા પર ઉતરીને વિરોધ પણ કર્યો છે. ચીન વિશ્વની બીજી સૌથી મોટી અર્થવ્યવસ્થા છે. કોરોનાને કારણે તેની ઉત્પાદકતા પર મોટી અસર પડી છે.
