News Continuous Bureau | Mumbai
Donald Trump| અમેરિકાના રાષ્ટ્રપતિ ડોનાલ્ડ ટ્રમ્પે વ્હાઇટ હાઉસ કોરેસ્પોન્ડન્ટ્સ ડિનર દરમિયાન થયેલા ફાયરિંગના બનાવ બાદ પહેલીવાર મોટું નિવેદન આપ્યું છે. એક ઈન્ટરવ્યુમાં ટ્રમ્પે આ અનુભવને વર્ણવતા જણાવ્યું હતું કે જ્યારે ગોળીબાર થયો ત્યારે તેઓ અને ફર્સ્ટ લેડી મેલેનિયા ટ્રમ્પ જમીન પર પડી ગયા હતા. આ ઘટનામાં તેઓ સહેજ પણ ગભરાયા નહોતા, પરંતુ હુમલાખોરની માનસિકતા બદલાવા પર તેમણે ચિંતા વ્યક્ત કરી હતી.
હુમલાખોરની બદલાયેલી માનસિકતા
ટ્રમ્પે હુમલાખોર વિશે ખુલાસો કરતા કહ્યું કે, હુમલાખોર પહેલા ઈસાઈ ધર્મમાં માનતો હતો, પરંતુ અચાનક તે ઈસાઈ-વિરોધી બની ગયો હતો. તેના ભાઈ અને બહેને તેના શંકાસ્પદ વર્તન વિશે અગાઉ પોલીસને જાણ કરી હતી અને પરિવાર ખૂબ જ પરેશાન હતો. રાષ્ટ્રપતિએ જણાવ્યું કે તેમણે હુમલાખોરનું મેનિફેસ્ટો પણ વાંચ્યું હતું, જે દર્શાવે છે કે તે કટ્ટરપંથી બની ગયો હતો.
સુરક્ષા અને આત્મવિશ્વાસ
પોતાની સુરક્ષા વિશે વાત કરતા ટ્રમ્પે કહ્યું કે, તેમને ઈજાનો ડર નહોતો. તેમણે ઉમેર્યું, “આપણે પાગલોથી ભરેલી દુનિયામાં જીવી રહ્યા છીએ, મને મરવાનો કોઈ ડર નથી.” તેમણે સીક્રેટ સર્વિસના કર્મચારીઓના કામના વખાણ કર્યા અને કહ્યું કે તેઓ સારા લોકોથી ઘેરાયેલા હતા. ટ્રમ્પે એવી પણ મજાક કરી કે હુમલાખોરની ગતિ એટલી ઝડપી હતી કે જો તે ફૂટબોલર હોત તો NFL એ તેને સાઈન કરી લેવો જોઈતો હતો.
રાજકીય હિંસા અને આગળની રણનીતિ
આ ઘટના બાદ કાર્યક્રમના આયોજન અંગે ટ્રમ્પે સ્પષ્ટતા કરી કે ભવિષ્યમાં પણ આવા કાર્યક્રમો ચાલુ રહેવા જોઈએ. દેશમાં વધતી રાજકીય હિંસા પર તેમણે ડેમોક્રેટિક પાર્ટી પર નિશાન સાધતા કહ્યું કે તેમની ‘હેટ સ્પીચ’ દેશ માટે વધુ ખતરનાક છે. ઈરાન-ચીન મુદ્દે તેમણે કહ્યું કે ચીન મદદ કરી રહ્યું છે, પરંતુ તે વધુ મદદ કરી શકે છે. સમગ્ર ઘટનાએ અમેરિકામાં રાજકીય સુરક્ષા અને હિંસાના મુદ્દાઓ પર નવી ચર્ચા જગાવી છે.
👉 આ સમાચાર વાચો:
Devendra Fadnavis। મુખ્યમંત્રી દેવેન્દ્ર ફડણવીસની વાંધાજનક તસવીર વાયરલ મામલે કાર્યવાહી આરોપીની ધરપકડ, રાજકીય કનેક્શનનો ખુલાસો.
