News Continuous Bureau | Mumbai
Donald Trump Decision :અમેરિકાના રાષ્ટ્રપતિ ડોનાલ્ડ ટ્રમ્પ પોતાના નિર્ણયોથી આખી દુનિયાને આશ્ચર્યચકિત કરી રહ્યા છે. ટેરિફ વિવાદ વચ્ચે, ટ્રમ્પ હવે બીજી એક મોટી યોજના બનાવી રહ્યા છે. મીડિયા રિપોર્ટ્સ મુજબટ્રમ્પ આગામી સમયમાં એક ડઝનથી વધુ દેશોની મુસાફરી પર પ્રતિબંધ મૂકવાનું વિચારી રહ્યા છે. એક મેમોરેન્ડમમાં 41 દેશોની યાદી સુપરત કરવામાં આવી છે. તેમના પર પ્રતિબંધની શક્યતા છે.
Donald Trump Decision : આ પગલાનો હેતુ રાષ્ટ્રીય સુરક્ષાને મજબૂત બનાવવાનો
અહેવાલો અનુસાર, પ્રતિબંધ લાદનારા દેશોને ત્રણ અલગ અલગ જૂથોમાં વહેંચવામાં આવ્યા છે. જેના પર ભવિષ્યમાં પ્રતિબંધ લગાવી શકાય છે. આ પગલાનો હેતુ રાષ્ટ્રીય સુરક્ષાને મજબૂત બનાવવાનો હોવાનું કહેવાય છે. આ પ્રતિબંધની સૌથી મોટી અસર ભારતના પડોશી દેશો પર જોવા મળી શકે છે. ખાસ કરીને પાકિસ્તાન અને અફઘાનિસ્તાનના નાગરિકો માટે યુનાઇટેડ સ્ટેટ્સમાં પ્રવેશ કરવો મુશ્કેલ બની શકે છે. આ નિર્ણય એ લોકો માટે મોટો આંચકો બની શકે છે જેમણે અફઘાનિસ્તાનમાં તાલિબાન દ્વારા નિયંત્રણ મેળવ્યા પછી ત્યાંથી આશ્રય લીધો છે.
Donald Trump Decision :દેશોને ત્રણ જૂથોમાં વહેંચવામાં આવ્યા
- પ્રથમ જૂથમાં 10 દેશોનો સમાવેશ થાય છે, જેમાં અફઘાનિસ્તાન, ઈરાન, સીરિયા, ક્યુબા અને ઉત્તર કોરિયા મુખ્ય છે. આ દેશોના નાગરિકો માટે વિઝા સંપૂર્ણપણે પ્રતિબંધિત રહેશે.
- બીજા જૂથમાં પાંચ દેશોનો સમાવેશ થાય છે: એરિટ્રિયા, હૈતી, લાઓસ, મ્યાનમાર અને દક્ષિણ સુદાન. આ દેશોને આંશિક સસ્પેન્શનનો સામનો કરવો પડશે, જે પ્રવાસી અને વિદ્યાર્થી વિઝા તેમજ અન્ય ઇમિગ્રન્ટ વિઝાને અસર કરશે, જોકે કેટલાક કિસ્સાઓમાં અપવાદો હોઈ શકે છે.
- ત્રીજા જૂથમાં 26 દેશોનો સમાવેશ થાય છે, જેમાં બેલારુસ, પાકિસ્તાન અને તુર્કમેનિસ્તાન જેવા દેશોનો સમાવેશ થાય છે. આ દેશોના નાગરિકોને વિઝા આપવા પર આંશિક પ્રતિબંધ લાગી શકે છે. જોકે, આ દેશોને 60 દિવસની અંદર સુરક્ષા ખામીઓ દૂર કરવાની તક આપવામાં આવશે.
આ સમાચાર પણ વાંચો : India slams Pakistan : પાકિસ્તાને ફરી આલાપ્યો કાશ્મીર રાગ, ભારતે UNમાં કાઢી ઝાટકણી; કહ્યું વારંવાર જમ્મુ-કાશ્મીરના નારા લગાવવાથી..
Donald Trump Decision :ટ્રમ્પે પહેલાથી જ આપ્યું હતું વચન
મહત્વનું છે કે રાષ્ટ્રપતિ બન્યા પછી તરત જ, ડોનાલ્ડ ટ્રમ્પે 20 જાન્યુઆરીએ એક કાર્યકારી આદેશ બહાર પાડ્યો હતો. જેમાં અમેરિકામાં પ્રવેશ કરવા માંગતા વિદેશી નાગરિકોની સુરક્ષા તપાસને વધુ કડક બનાવવાનો આદેશ આપવામાં આવ્યો હતો. આદેશમાં, ઘણા કેબિનેટ સભ્યોને 21 માર્ચ સુધીમાં તે દેશોની યાદી પ્રદાન કરવા માટે કહેવામાં આવ્યું હતું. અમેરિકા હવે આ યાદીમાં ફેરફાર કરી શકે છે. મતલબ કે, તેમાં ઘણા દેશો ઉમેરી શકાય છે અને ઘણા દેશોને તેમાંથી બાકાત રાખી શકાય છે. આ પછી વહીવટીતંત્રની મંજૂરી બાદ જ યાદી જાહેર કરવામાં આવશે.
