News Continuous Bureau | Mumbai
Donald Trump Iran Threats અમેરિકા અને ઈરાન વચ્ચે સ્વિટ્ઝર્લેન્ડમાં ચાલી રહેલી હાઈલેવલ શાંતિ વાર્તા અને તાજેતરમાં થયેલા વૉકઆઉટના વિવાદ વચ્ચે અમેરિકી રાષ્ટ્રપતિ ડોનાલ્ડ ટ્રમ્પે ઈરાનને ફરી એકવાર કડક શબ્દોમાં ચેતવણી આપી છે. વ્હાઇટ હાઉસમાંથી જારી નિવેદન અનુસાર, ટ્રમ્પે સ્પષ્ટ કર્યું છે કે જો ઈરાન અમેરિકા સાથે થયેલી વચગાળાની સમજૂતીનું પાલન નહીં કરે અથવા તેનું વર્તન યોગ્ય નહીં હોય, તો વોશિંગ્ટન ઈરાન વિરૂદ્ધ મોટી જવાબી લશ્કરી કાર્યવાહી કરશે.
Donald Trump Iran Threats – જો ઈરાન ડીલ તોડશે તો મારે જે કરવું પડશે તે હું કરીશ: ટ્રમ્પ
ઈરાન અને અમેરિકા વચ્ચે થયેલા કરારના ભવિષ્ય અંગે પૂછવામાં આવતા રાષ્ટ્રપતિ ડોનાલ્ડ ટ્રમ્પે મીડિયાને જણાવ્યું કે, “જો ઈરાન પોતાના વચનોનું પાલન નહીં કરે, તો મારે દેશની સુરક્ષા માટે જે પણ કડક પગલાં ભરવા પડશે તે હું ભરીશ.” ટ્રમ્પની આ આકરી ચેતવણી યુએસ રાષ્ટ્રપતિ અને ઈરાની રાષ્ટ્રપતિ મસૂદ પેજેશ્કિયાન વચ્ચે વચગાળાની શાંતિ ડીલ પર હસ્તાક્ષર કર્યાના ગણતરીના દિવસોમાં જ આવી છે, જે દર્શાવે છે કે બંને દેશો વચ્ચે હજુ પણ ભારે રાજદ્વારી તણાવ પ્રવર્તી રહ્યો છે.
Donald Trump Iran Threats – ઈરાનની નૌસેના, વાયુસેના અને ૮૭% મિસાઈલ ક્ષમતા બરબાદ
જ્યારે પત્રકારોએ પૂછ્યું કે શું આ ડીલ બાદ ઈરાન અમેરિકા પર કોઈ દબાણ લાવવાની સ્થિતિમાં છે? ત્યારે ટ્રમ્પે દાવો કર્યો કે, “છેલ્લા ચાર મહિનામાં થયેલા સૈન્ય સંઘર્ષમાં તેહરાન ભારે નબળું પડી ગયું છે. ચાર મહિના પહેલાં તેમની પાસે ૧૫૯ જહાજોની નૌસેના (Navy) હતી, જે હવે સંપૂર્ણપણે ખતમ થઈ ગઈ છે. તેમના ૨૫૦ સૈન્ય વિમાનો, એન્ટી-એરક્રાફ્ટ સિસ્ટમ અને રડાર નેટવર્ક નષ્ટ થઈ ચૂક્યા છે. ઈરાનના મોટાભાગના મિસાઈલ ભંડાર અને ડ્રોન ઉત્પાદનની આશરે ૮૭ ટકા ક્ષમતા અમેરિકી હુમલામાં મિનાટોમાં બરબાદ થઈ ગઈ છે અને દેશની આર્થિક સ્થિતિ કંગાળ થઈ ચૂકી છે.”
Donald Trump Iran Threats – ઈરાનની ટોપ લીડરશીપ ખતમ, મીડિયા રિપોર્ટ્સ પર ટ્રમ્પ ભડક્યા
યુએસ પ્રમુખે ઈરાનની નેતાગીરી પર પ્રહાર કરતાં કહ્યું કે, તેમનું સૈન્ય અને રાજકીય માળખું ધ્વસ્ત થઈ ગયું છે. ઈરાનના પ્રથમ, દ્વિતીય અને તૃતીય સ્તરના ટોચના કમાન્ડરો અને નેતાઓ માર્યા ગયા છે. આ સાથે જ ટ્રમ્પે અમેરિકી મીડિયા સંગઠનોની આકરી ટીકા કરતા આરોપ લગાવ્યો કે, પ્રેસ ઈરાન સંઘર્ષની વાસ્તવિકતા અને અમેરિકાની સૈન્ય જીતની ભયાવહતાને ઓછી આંકી રહ્યું છે. તેમણે કહ્યું કે ઈરાન થોડા મહિના પહેલાં જેવી સ્થિતિમાં હતું તેવી અફવાઓ ફેલાવનારા અહેવાલો તદ્દન ખોટા (Fake News) છે અને વૈશ્વિક સ્તરે અમેરિકા લશ્કરી રીતે અત્યંત મજબૂત સ્થિતિમાં છે.
👉 આ સમાચાર વાચો:
US Senators Slam JD Vance જેડી વેન્સના નિવેદનથી અમેરિકી સંસદમાં હોબાળો; ઓસામા બિન લાદનનો ઉલ્લેખ કરીને પાકિસ્તાનને ઘેર્યું
