News Continuous Bureau | Mumbai
H1B Visa| અમેરિકાની ટ્રમ્પ સરકાર H1B વિઝા ને લઈને ખૂબ જ કડક વલણ અપનાવી રહી છે. રિપબ્લિકન સાંસદોના એક જૂથે તાજેતરમાં ‘એન્ડ H1B વિઝા એબ્યુઝ એક્ટ ઓફ 2026’ નામનું એક બિલ રજૂ કર્યું છે, જેનાથી ભારતીય આઈટી પ્રોફેશનલ્સના સપના પર પાણી ફરી વળી શકે છે.
શું છે આ નવો પ્રસ્તાવ?
આ નવા પ્રસ્તાવિત કાયદા હેઠળ, આગામી ત્રણ વર્ષ સુધી નવા H-1B વિઝા જારી કરવા પર પ્રતિબંધ મૂકવાની વાત કરવામાં આવી છે. આ ગાળા દરમિયાન સમગ્ર વિઝા સિસ્ટમની સમીક્ષા કરવામાં આવશે. સરકારનો મુખ્ય ઉદ્દેશ્ય અમેરિકી નાગરિકોને નોકરીમાં પ્રાથમિકતા આપવાનો છે.
વિઝાના નિયમો થશે અત્યંત કડક
પ્રસ્તાવમાં વિઝાની વાર્ષિક મર્યાદા 65,000 થી ઘટાડીને 25,000 કરવાની વાત છે. લોટરી સિસ્ટમને બદલે સેલરી આધારિત પસંદગી પ્રક્રિયા અપનાવવામાં આવી શકે છે, જેમાં લઘુત્તમ પગાર 2 લાખ ડોલર વાર્ષિક નક્કી કરવાનો પ્રસ્તાવ છે. કંપનીઓએ એ પણ સાબિત કરવું પડશે કે તેમને સ્થાનિક અમેરિકી કર્મચારી મળ્યા નથી.
ભારતીયો પર સૌથી મોટી અસર
H-1B વિઝાનો સૌથી વધુ લાભ ભારતીય આઈટી (IT) અને એન્જિનિયરિંગ સેક્ટરના લોકોને મળે છે. આ નવા નિયમો મુજબ, વિઝા ધારક એક કરતા વધુ નોકરી નહીં કરી શકે અને પરિવારને સાથે લાવવાની મંજૂરી પણ નહીં મળે. એટલું જ નહીં, ગ્રીન કાર્ડ મેળવવાના રસ્તાઓ પણ બંધ થઈ શકે છે, જે લાખો ભારતીયો માટે મોટો આંચકો છે.
👉 આ સમાચાર વાચો:
IranUS Talks in Pakistan| ‘અમેરિકા સાથે કોઈ સીધી વાતચીત નહીં’ પાકિસ્તાનમાં વાટાઘાટો પહેલા ઈરાનનું સ્પષ્ટ અને કડક વલણ.
