Site icon News Continuous Bureau | Mumbai

Drone Attack On Tanker In Black Sea બ્લેક સીમાં મિસાઈલ જેવો ડ્રોન એટેક! બ્લેક સીમાં ભારતીય નાવિકોના ટેન્કર પર હુમલો,ભારત સરકાર હરકતમાં

Drone Attack On Tanker In Black Sea રશિયાના સોચી તટ નજીક લાઈબેરિયન ધ્વજવાળા 'Aframax Rio' જહાજ પર નેવલ ડ્રોન સ્ટ્રાઈક; દરિયાઈ વેપાર માર્ગો પર તણાવ ચરમસીમાએ

Drone Attack On Tanker In Black Sea   બ્લેક સીમાં મિસાઈલ જેવો ડ્રોન એટેક! બ્લેક સીમાં ભારતીય નાવિકોના ટેન્કર પર હુમલો,ભારત સરકાર હરકતમાં

Drone Attack On Tanker In Black Sea બ્લેક સીમાં મિસાઈલ જેવો ડ્રોન એટેક! બ્લેક સીમાં ભારતીય નાવિકોના ટેન્કર પર હુમલો,ભારત સરકાર હરકતમાં

 

News Continuous Bureau | Mumbai

Join Our WhatsApp Channel

Drone Attack On Tanker In Black Sea રશિયા અને યુક્રેન વચ્ચે ચાલી રહેલા યુદ્ધની ભીષણ આગ હવે આંતરરાષ્ટ્રીય જળમાર્ગો સુધી પહોંચી છે; બ્લેક સી (કાળો સમુદ્ર) માં રશિયન તટ નજીકથી પસાર થઈ રહેલા એક વિશાળ ઓઇલ ટેન્કર પર યુક્રેન દ્વારા સીડ્રોન (Naval Drone) વડે ઘાતક હુમલો કરવામાં આવ્યો હતો, જેના પગલે ક્રૂડ ઓઇલથી ભરેલું જહાજ ભડકે બળી ઊઠ્યું હતું; જોકે સદનસીબે તાત્કાલિક હાથ ધરાયેલા સંયુક્ત રેસ્ક્યૂ ઓપરેશનમાં જહાજમાં સવાર તમામ ૨૩ ભારતીય ક્રૂ સભ્યોને સહીસલામત બહાર કાઢી લેવામાં આવ્યા છે.

Drone Attack On Tanker In Black Sea – બ્લેક સીમાં ઓઇલ ટેન્કર પર સી-ડ્રોન સ્ટ્રાઇક, ક્રૂડ ઓઇલમાં ભીષણ આગ

દક્ષિણ રશિયાના ક્રાસ્નોદર ક્ષેત્રમાં આવેલા સોચી અને સિરિયસ તટ નજીક કાળા સમુદ્રમાંથી પસાર થઈ રહેલા લાઇબેરિયન ધ્વજ ધરાવતા ‘આફ્રામેક્સ રિયો’ (Aframax Rio) નામના ઓઇલ ટેન્કરને યુક્રેની અનમેન્ડ સરફેસ વેસલ (નેવલ ડ્રોન) દ્વારા નિશાન બનાવવામાં આવ્યું હતું. ટક્કર થતાંની સાથે જ ટેન્કરમાં ભરેલા ક્રૂડ ઓઇલમાં પ્રચંડ બ્લાસ્ટ સાથે ભીષણ આગ ભભૂકી ઊઠી હતી. આગની જ્વાળાઓ એટલી વિકરાળ હતી કે કિનારા પરથી આકાશમાં કાળા ધુમાડાના તોતિંગ ગોટેગોટા જોવા મળ્યા હતા, જેને પગલે સ્થાનિક પ્રશાસને સુરક્ષાના કારણોસર સોચીના દરિયાકાંઠા અને બીચ જાહેર જનતા માટે અસ્થાયી ધોરણે બંધ કરી દીધા હતા.

Drone Attack On Tanker In Black Sea – 23 ભારતીય ક્રૂ મેમ્બર્સનો ચમત્કારિક બચાવ, કોઈ જાનહાનિ નહીં

આ ટેન્કર પર તમામ ૨૩ ક્રૂ મેમ્બર્સ ભારતીય નાગરિકો તૈનાત હોવાથી હુમલાની ઘટના બાદ ભારત સરકાર અને સંબંધિત એજન્સીઓનો જીવ અધ્ધર થઈ ગયો હતો. આગની તીવ્રતા વધતાં જ રશિયન ટ્રાન્સપોર્ટ મંત્રાલય અને નજીકના મેરીટાઇમ રેસ્ક્યૂ યુનિટ્સ દ્વારા યુદ્ધના ધોરણે કટોકટી બચાવ કામગીરી શરૂ કરવામાં આવી હતી. ભારે જહેમત બાદ લાઈફબોટ અને એરલિફ્ટ દ્વારા તમામ ૨૩ ભારતીય નાવિકોને સળગતા જહાજમાંથી સુરક્ષિત રીતે બહાર કાઢી લેવાયા હતા. સત્તાવાર અહેવાલો અનુસાર તમામ ભારતીય ક્રૂ સુરક્ષિત છે અને કોઈ પણ સભ્ય ગંભીર રીતે ઈજાગ્રસ્ત થયો નથી, જે એક મોટો ચમત્કાર માનવામાં આવે છે.

Drone Attack On Tanker In Black Sea – વૈશ્વિક એનર્જી સપ્લાય અને દરિયાઈ વેપાર પર ગંભીર સંકટ

બ્લેક સી વિસ્તારમાં કોમર્શિયલ કાર્ગો અને ઓઇલ ટેન્કરો પર સતત વધી રહેલા ડ્રોન હુમલાઓએ આંતરરાષ્ટ્રીય શિપિંગ ઉદ્યોગમાં ભારે ફફડાટ ફેલાવી દીધો છે. નિષ્ણાતોના મતે વ્યૂહાત્મક દરિયાઈ માર્ગો પર વ્યાપારી જહાજોને નિશાન બનાવવાથી ક્રૂડ ઓઇલના વૈશ્વિક સપ્લાય નેટવર્ક અને વીમા પ્રીમિયમ પર ગંભીર નકારાત્મક અસર પડશે, જેનાથી શિપિંગ ટ્રાફિક ખોરવાઈ જવાની આશંકા છે. ભારતે અગાઉ પણ તટસ્થ દરિયાઈ જળસીમામાં વેપારી જહાજો અને નિર્દોષ નાવિકોની સુરક્ષા સુનિશ્ચિત કરવા તેમજ કોઈપણ સંઘર્ષનો શાંતિપૂર્ણ રાજદ્વારી ઉકેલ લાવવા માટે વૈશ્વિક મંચ પર ભારપૂર્વક અપીલ કરી છે.

👉 આ સમાચાર વાચો:
INDIA Bloc Delhi March ચૂંટણી પંચ ઘેરાવ વિવાદમાં મોટો વળાંક! આખો દિવસ ચાલેલા ઘમાસાણ બાદ રાહુલપ્રિયંકા ગાંધી મુક્ત જાણો ૨ કલાક પોલીસ કસ્ટડીમાં શું થયું

China Pakistan Proxy Strategy ચીનનું ષડયંત્ર ખુલ્લું પડ્યું, ભારત સામે લડવા પાકિસ્તાનનો ‘મહોરા’ તરીકે ઉપયોગ કરતું હોવાનો US રિપોર્ટમાં દાવો
Saudi Arabia Missile Attack સાઉદી અરેબિયા પર હૂતી બળવાખોરોના હુમલાનો પ્રયાસ નિષ્ફળ, રિયાધ તરફ આવતી 3 બેલિસ્ટિક મિસાઇલોને હવામાં જ તોડી પડાઈ
Trump Criticizes US Fed ટ્રમ્પે કર્યા ભારતના વખાણ ઓછા વ્યાજદરોનો ઉલ્લેખ કરી US ફેડરલ રિઝર્વ પર સાધ્યું નિશાન, કહ્યું ‘ફેડ રાજકીય બની ગયું છે’
CM Yogi Mother Last Rites પંચતત્વમાં વિલીન થયાં સીએમ યોગીના માતા સાવિત્રી દેવી હરિદ્વારના ચંડી ઘાટ પર સંપન્ન થયા અંતિમ સંસ્કાર
Exit mobile version