News Continuous Bureau | Mumbai
Global Leaders Reaction USIran Deal અમેરિકા અને ઈરાન વચ્ચે થયેલા ઐતિહાસિક શાંતિ કરારથી સમગ્ર વિશ્વમાં ખુશીનો માહોલ જોવા મળી રહ્યો છે. દુનિયાભરના મોટા દેશોના નેતાઓએ આ સમજૂતીને એક મોટી રાજદ્વારી સફળતા ગણાવીને આવકારી છે અને તેનાથી પશ્ચિમ એશિયામાં સ્થિરતા આવવાની આશા વ્યક્ત કરી છે.
Global Leaders Reaction US-Iran Deal – કતાર અને તુર્કીએ કરારને આવકાર્યો, પ્રાદેશિક સ્થિરતા માટે ગણાવ્યું મોટું પગલું
પશ્ચિમ એશિયાના દેશોમાં આ ડીલને લઈને ભારે ઉત્સાહ છે. કતારના વડાપ્રધાન શેખ મોહમ્મદ બિન અબ્દુલ રહેમાન બિન જાસિમ અલ થાનીએ સોશિયલ મીડિયા પર આ સમજૂતી પત્રનું સ્વાગત કર્યું છે અને આશા વ્યક્ત કરી છે કે આગામી વાટાઘાટો સકારાત્મક અને રચનાત્મક વાતાવરણમાં આગળ વધશે. બીજી તરફ તુર્કીના રાષ્ટ્રપતિ રેસેપ તૈયપ એર્દોગને પણ આ ઘટનાક્રમની પ્રશંસા કરતા જણાવ્યું છે કે સમગ્ર વિશ્વ લાંબા સમયથી જે સમાચારની રાહ જોતું હતું તે આખરે આવી ગયા છે અને આનાથી આ ક્ષેત્રમાં કાયમી શાંતિ સ્થપાશે. તેમણે આ સફળ મધ્યસ્થતા માટે કતાર અને સાઉદી અરેબિયાનો આભાર પણ માન્યો હતો.
Global Leaders Reaction US-Iran Deal – બ્રિટન અને જર્મનીના વડાઓએ આપ્યા અભિનંદન, પરમાણુ મુદ્દા પર આપ્યો ભાર
બ્રિટનના વડાપ્રધાન કીર સ્ટાર્મરે આ સમજૂતીને યુદ્ધનો અંત લાવવા અને વ્યૂહાત્મક રીતે મહત્વપૂર્ણ ગણાતા સ્ટ્રેટ ઓફ હોર્મુઝને ફરીથી ખોલવા તરફનું એક મોટું પગલું ગણાવ્યું છે. તેમણે અમેરિકી રાષ્ટ્રપતિ ડોનાલ્ડ ટ્રમ્પ તેમજ પાકિસ્તાન અને કતાર જેવા મધ્યસ્થ દેશોને અભિનંદન પાઠવ્યા છે. સ્ટાર્મરે ભારપૂર્વક જણાવ્યું છે કે ઈરાને ક્યારેય પરમાણુ હથિયાર મેળવવા જોઈએ નહીં અને બ્રિટન દરિયાઈ સુરક્ષા તેમજ માઇન્સ હટાવવાના ઓપરેશનમાં તકનીકી સહયોગ આપવા તૈયાર છે. જર્મન ચાન્સેલર ફ્રેડરિક મર્જે પણ આને વૈશ્વિક અર્થવ્યવસ્થાને પુનર્જીવિત કરનારી અને મધ્ય પૂર્વને વધુ સુરક્ષિત બનાવનારી એક મોટી રાજદ્વારી સિદ્ધિ ગણાવી છે.
Global Leaders Reaction US-Iran Deal – ફ્રાન્સે હોર્મુઝ સ્ટ્રેટ તાત્કાલિક ખોલવા અપીલ કરી, ૧૯ જૂને સ્વિટ્ઝર્લેન્ડમાં થશે સાઈન
ફ્રાન્સના રાષ્ટ્રપતિ ઈમેન્યુઅલ મેક્રોને આ કરારને ઝડપથી લાગુ કરવા પર ભાર મૂકતા જણાવ્યું છે કે કોઈપણ શરત વિના હોર્મુઝ સ્ટ્રેટને તાત્કાલિક આંતરરાષ્ટ્રીય જહાજો માટે ખોલી દેવો જોઈએ. મેક્રોનના મતે આ કરારથી ઈરાનના પરમાણુ અને બેલિસ્ટિક મિસાઈલ કાર્યક્રમો તેમજ પ્રાદેશિક સુરક્ષા સંબંધિત ચિંતાઓ પર વ્યાપક ચર્ચા કરવાનો માર્ગ મોકળો થશે. રાષ્ટ્રપતિ ડોનાલ્ડ ટ્રમ્પે સોશિયલ મીડિયા પર ખુશી વ્યક્ત કરતા દુનિયાભરના જહાજોને પોતાના એન્જિન ચાલુ કરવા અને તેલનો પુરવઠો શરૂ કરવા જણાવ્યું છે. આ ઐતિહાસિક કરાર પર આગામી ૧૯ જૂનના રોજ સ્વિત્ઝર્લેન્ડમાં સત્તાવાર રીતે હસ્તાક્ષર કરવામાં આવશે.
👉 આ સમાચાર વાચો:
Somwati Amavasya Vrat Katha સોમવતી અમાસ પર અચૂક વાંચો આ વ્રત કથા ભોલેનાથ અને માતા પાર્વતી દરેક ઈચ્છા પૂરી કરશે, જાણો તેનું ધાર્મિક મહત્વ
