News Continuous Bureau | Mumbai
Trump અમેરિકાના ડિસ્ટ્રિક્ટ જજ બેરિલ હોવેલે ટ્રમ્પ પ્રશાસનના પક્ષમાં ઐતિહાસિક ચુકાદો આપ્યો છે. કોર્ટે માન્યું છે કે રાષ્ટ્રપતિ પાસે આર્થિક અને રાષ્ટ્રીય સુરક્ષાના આધારે વિઝા ફી વધારવાનો કાયદેસરનો અધિકાર છે. અત્યાર સુધી H1B વિઝાની ફી ૨,૦૦૦ થી ૫,૦૦૦ ડોલરની આસપાસ રહેતી હતી, જે હવે સીધી ૧ લાખ ડોલર થઈ જશે. આનાથી અમેરિકન કંપનીઓ માટે વિદેશી કર્મચારીઓની નિમણૂક કરવી અત્યંત મોંઘી બની જશે.
શા માટે જજે ટ્રમ્પનો પક્ષ લીધો?
યુએસ ચેમ્બર ઓફ કોમર્સની દલીલોને ફગાવતા જજ હોવેલે જણાવ્યું કે કોંગ્રેસે રાષ્ટ્રપતિને આર્થિક મુદ્દાઓ સાથે કામ કરવા માટે વ્યાપક સત્તા આપી છે. આ ફી વધારાનો મુખ્ય હેતુ અમેરિકન કામદારોને રોજગારમાં પ્રાધાન્ય આપવાનો અને વિદેશી શ્રમ પર નિર્ભરતા ઘટાડવાનો છે. આ ફેંસલો ટ્રમ્પના ‘ઇમિગ્રેશન એજન્ડા’ ને કાયદેસરની મજબૂતી આપે છે.
લોટરી સિસ્ટમનો અંત અને નવો મોડલ
ટ્રમ્પ પ્રશાસને માત્ર ફી વધારી નથી, પણ વિઝા પસંદગીની પ્રક્રિયામાં પણ ધરખમ ફેરફાર કર્યો છે:
લોટરી સિસ્ટમ ખતમ: વર્ષોથી ચાલી આવતી રેન્ડમ લોટરી સિસ્ટમને બદલે હવે પસંદગી ‘પગાર’ ના આધારે થશે.
ઉચ્ચ પગારને પ્રાધાન્ય: જે કંપનીઓ કર્મચારીને સૌથી વધુ પગાર આપવા તૈયાર હશે, તેમને જ H1B વિઝા મળવાની શક્યતા વધુ રહેશે.
અમલીકરણ: આ નવા નિયમો ૨૭ ફેબ્રુઆરી ૨૦૨૬ થી લાગુ કરવામાં આવશે.
આ સમાચાર પણ વાંચો : Aravalli Range: અરવલ્લી પર્વતમાળા હવે ‘પૂર્ણતઃ સંરક્ષિત’: નવા ખનન પર કેન્દ્ર સરકારનો પ્રતિબંધ; ગુજરાત સહિત ૩ રાજ્યોને અપાયા કડક આદેશ.
ભારત પર સૌથી મોટી અસર
આ નિયમની સૌથી વધુ અસર ભારત પર પડશે. એક અંદાજ મુજબ, દર વર્ષે અપાતા ૮૫,૦૦૦ H1B વિઝામાં આશરે ૭૦% હિસ્સો ભારતીયોનો હોય છે.
આઈટી કંપનીઓ પર બોજ: ટીસીએસ (TCS), ઈન્ફોસીસ અને વિપ્રો જેવી ભારતીય આઈટી દિગ્ગજ કંપનીઓ પર આર્થિક બોજ વધશે.
ટેલેન્ટ ડ્રેઇન: ફીમાં તોતિંગ વધારાને કારણે મધ્યમ કદની કંપનીઓ હવે ભારતીય એન્જિનિયરોને અમેરિકા બોલાવવાનું ટાળી શકે છે.
