News Continuous Bureau | Mumbai
Hormuz Ship Drone Attack Iran Warning પશ્ચિમ એશિયા (વેસ્ટ એશિયા) માં ચાલી રહેલા ભૌગોલિકરાજકીય યુદ્ધની વચ્ચે વૈશ્વિક તેલ વ્યાપાર માટે સૌથી મહત્વપૂર્ણ ગણાતા ‘સ્ટ્રેટ ઓફ હોર્મુઝ’ (હોર્મુઝની ખાડી) માં એક માલવાહક કન્ટેનર જહાજ પર ભયાનક ડ્રોન હુમલો થતાં આંતરરાષ્ટ્રીય સ્તરે સનસનાટી મચી ગઈ છે. અમેરિકી મીડિયા સંસ્થાઓના અહેવાલોમાં દાવો કરાયો છે કે ઈરાને જ આ ડ્રોન હુમલો અંજામ આપ્યો છે. અહેવાલ મુજબ, આ હુમલા બાદ હોર્મુઝમાં દરિયાઈ અવરજવરને નિયંત્રિત કરતી ઈરાની એજન્સીએ વિશ્વભરના જહાજો માટે એક અત્યંત કડક અને ગંભીર ચેતવણી જારી કરી છે.
Hormuz Ship Drone Attack Iran Warning – ઈરાનની સંસ્થા PGSA એ સોશિયલ મીડિયા પર કડક નિયમો જાહેર કર્યા
આ ઘટના બાદ ઈરાન દ્વારા સંચાલિત દરિયાઈ નિયમનકારી સંસ્થા ‘પર્શિયન ગલ્ફ સ્ટ્રેટ ઓથોરિટી’ (PGSA) એ સોશિયલ મીડિયા પ્લેટફોર્મ X પર સત્તાવાર પોસ્ટ કરીને લખ્યું છે કે, “અમારા દ્વારા નક્કી કરવામાં આવેલા નિયમો અને ચોક્કસ રુટની બહાર જઈને કોઈપણ માર્ગેથી પસાર થનારા જહાજોને સુરક્ષિત મુસાફરીની કોઈ ગેરંટી આપવામાં આવશે નહીં.” ઉલ્લેખનીય છે કે, આ સંસ્થા ઈરાન દ્વારા જ હોર્મુઝની ખાડીમાંથી પસાર થતા આંતરરાષ્ટ્રીય જહાજોની અવરજવર અને તેમની સુરક્ષા વ્યવસ્થાને મેનેજ કરવા માટે ખાસ બનાવવામાં આવી છે.
Hormuz Ship Drone Attack Iran Warning – બ્રિટનની એજન્સી UKMTO એ પુષ્ટિ કરી, જહાજનો કંટ્રોલ રૂમ (બ્રિજ) ક્ષતિગ્રસ્ત થયો
આ હુમલા અંગે બ્રિટનની દરિયાઈ સુરક્ષા એજન્સી UKMTO એ સત્તાવાર વિગતો આપતા જણાવ્યું કે, આ ઘટના ઓમાનના દરિયાકાંઠાથી માત્ર ૭.૫ નોટિકલ માઈલ (આશરે ૧૪ કિલોમીટર) દૂર દરિયામાં બની હતી. કન્ટેનર જહાજની જમણી બાજુએ કોઈ અજ્ઞાત ઉડતી વસ્તુ (કામિકાઝે ડ્રોન) દ્વારા જોરદાર હુમલો કરવામાં આવ્યો હતો, જેના કારણે જહાજનો ‘બ્રિજ’ એટલે કે મુખ્ય કંટ્રોલ રૂમ સંપૂર્ણપણે ક્ષતિગ્રસ્ત થઈ ગયો હતો. જોકે, રાહતની વાત એ રહી છે કે અહેવાલ મુજબ આ દુર્ઘટનામાં જહાજ પર સવાર કોઈ નાવિક અથવા ક્રૂ મેમ્બર ઘાયલ થયા નથી કે કોઈનું મૃત્યુ થયું નથી.
Hormuz Ship Drone Attack Iran Warning – યુએનની સંસ્થા IMO એ અટકાવ્યું બચાવ અભિયાન, અમેરિકા-ઈરાન વચ્ચેની વાટાઘાટો મુશ્કેલ બનશે
આ હુમલાની ગંભીરતાને જોતાં સંયુક્ત રાષ્ટ્ર (UN) ની દરિયાઈ સુરક્ષા માટે જવાબદાર સંસ્થા ‘ઇન્ટરનેશનલ મેરિટાઇમ ઓર્ગેનાઇઝેશન’ (IMO) ના મહાસચિવ આર્સેનિયો ડોમિંગેઝે જાહેરાત કરી છે કે, યુદ્ધના કારણે આ દરિયાઈ વિસ્તારમાં ફસાયેલા આશરે ૬૦0 જહાજો અને તેમના નાવિકોને સુરક્ષિત બહાર કાઢવાનું ઓપરેશન હાલ પૂરતું સ્થગિત કરી દેવાયું છે. બીજી તરફ, અમેરિકાના વ્હાઇટ હાઉસના અધિકારીએ જણાવ્યું કે રાષ્ટ્રપતિ ડોનાલ્ડ ટ્રમ્પ પહેલા જ સ્પષ્ટ કરી ચૂક્યા છે કે ઈરાન આંતરરાષ્ટ્રીય જળસીમામાં અવરોધ ઊભો કરી શકે નહીં. નોંધનીય છે કે, ફેબ્રુઆરી ૨૦2૬ ના અંતમાં શરૂ થયેલા આ યુદ્ધ દરમિયાન ઈરાને હોર્મુઝ પર કડક નાકેબંધી કરી દીધી હતી, જેનાથી વૈશ્વિક અર્થતંત્રને મોટો ફટકો પડ્યો હતો. હવે અમેરિકા સાથે પ્રારંભિક કરાર (MoU) પછી ઈરાન ત્યાંથી પસાર થતા જહાજો પર ટોલ ટેક્સ (ફી) લેવાની યોજના બનાવી રહ્યું છે, પરંતુ આવા ડ્રોન હુમલાઓને કારણે બંને દેશો વચ્ચે શાંતિ સ્થાપવા માટે ચાલી રહેલી અંતિમ સમજૂતીની વાટાઘાટો જોખમમાં મુકાઈ ગઈ છે.
👉 આ સમાચાર વાચો:
LPG PNG New Connection Rules સરકારનો મોટો નિર્ણય! હવે PNG હોવા છતાં પાછું મળશે એલપીજી સિલિન્ડર કનેક્શન, ગ્રાહકોએ બસ કરવું પડશે આ નાનકડું કામ
