News Continuous Bureau | Mumbai
અમેરિકાએ ભારતના રશિયાથી તેલ ખરીદવા પર 25 ટકા ટેરિફ લગાવ્યો છે. આ ધમકીઓ વચ્ચે, રશિયાના પ્રથમ ઉપ વડાપ્રધાન ડેનિસ મન્ટુરોવે બુધવારે (21 ઓગસ્ટ, 2025) જાહેરાત કરી કે રશિયાથી તેલ અને ઉર્જા સંસાધનોનો પ્રવાહ ભારત તરફ યથાવત રહેશે. આ સાથે જ મોસ્કો એલએનજી એટલે કે પ્રવાહી કૃત કુદરતી ગેસના નિકાસ ની સંભાવનાઓ પણ થઇ શકે છે.
રશિયા અને ભારત વચ્ચે ઉર્જા સહયોગ યથાવત
ભારત-રશિયા વેપાર, આર્થિક, વૈજ્ઞાનિક-તકનીકી અને સાંસ્કૃતિક સહયોગ પર આંતર-સરકારી આયોગ (IRIGC-TEC) ના 26મા સત્રની સહ-અધ્યક્ષતા કરતા મન્ટુરોવે કહ્યું, ‘અમે ભારતને ક્રૂડ તેલ, તેલ ઉત્પાદનો, થર્મલ અને કોલસો સહિતના ઇંધણની નિકાસ ચાલુ રાખીશું. અમે રશિયન એલએનજીની નિકાસની સંભાવનાઓ પણ જોઈએ છીએ.’ તેમણે એમ પણ જણાવ્યું કે શાંતિપૂર્ણ પરમાણુ ક્ષેત્રમાં વ્યાપક સહયોગ વધારવાની આશા છે, જેમાં કુડનકુલમ પરમાણુ ઉર્જા પ્લાન્ટના સફળ અનુભવનો પણ સમાવેશ થાય છે.
90% થી વધુ ચૂકવણી રાષ્ટ્રીય કરન્સીમાં
મન્ટુરોવે કહ્યું કે, ‘ખાસ કરીને વર્તમાન પરિસ્થિતિઓમાં, અવિરત પરસ્પર ચૂકવણી સુનિશ્ચિત કરવી સમાન રીતે મહત્વપૂર્ણ કાર્ય છે.’ તેમણે ઉમેર્યું કે ભારત અને રશિયા વચ્ચે 90% થી વધુ ચૂકવણીઓ રાષ્ટ્રીય કરન્સીમાં ટ્રાન્સફર કરવામાં પહેલેથી જ સફળતા મળી છે. આ એક એવું પગલું છે જેનાથી બંને દેશોના વેપારને આંતરરાષ્ટ્રીય દબાણથી રક્ષણ મળી રહ્યું છે.
વાર્ષિક શિખર સંમેલન પહેલાની તૈયારીઓ
આ બેઠક પછી, વિદેશ મંત્રી એસ. જયશંકરે સોશિયલ મીડિયા પોસ્ટમાં જણાવ્યું કે, ‘અમે વેપાર, કૃષિ, ઉદ્યોગ, કૌશલ્ય વિકાસ, શિક્ષણ અને સંસ્કૃતિ સહિતના વ્યાપક ક્ષેત્રોમાં અમારા સહયોગ પર વિગતવાર ચર્ચા કરી.’ તેમણે વિશ્વાસ વ્યક્ત કર્યો કે આ આઇઆરઆઇજીસી-ટીઇસી બેઠકના પરિણામો ભારત-રશિયા ભાગીદારીને વધુ મજબૂત બનાવશે. જયશંકર અને મન્ટુરોવે આ સત્રના પ્રોટોકોલ પર હસ્તાક્ષર કર્યા, જેની વિગતો બાદમાં બંને દેશોની સરકારો દ્વારા જાહેર કરવામાં આવશે.
Five Keywords:
