News Continuous Bureau | Mumbai
India UK FTA Impact ભારત અને બ્રિટન (UK) વચ્ચે થયેલા ફ્રી ટ્રેડ એગ્રીમેન્ટ (FTA મુક્ત વ્યાપાર કરાર) ની સીધી અસર હવે સામાન્ય લોકોના ખિસ્સા પર જોવા મળવાની છે. આ ઐતિહાસિક સમજૂતી ૧૫ જુલાઈ ૨૦૨૬ થી સત્તાવાર રીતે લાગુ થવા જઈ રહી છે. આ કરાર અમલમાં આવ્યા બાદ બ્રિટનથી ભારત આવતી સ્કોચ વ્હિસ્કી અને લક્ઝરી કાર સહિતની અનેક ચીજવસ્તુઓની કિંમતોમાં ભારે ઘટાડો નોંધાશે.
India UK FTA Impact – સ્કોચ વ્હિસ્કી અને લક્ઝરી કાર પર ઘટશે આયાત નૂર (ઈમ્પોર્ટ ડ્યુટી)
હાલમાં ભારતમાં બ્રિટનથી આવતી પ્રીમિયમ સ્કોચ વ્હિસ્કી પર ભારે આયાત ટેક્સ (ઈમ્પોર્ટ ડ્યુટી) વસૂલવામાં આવે છે. પરંતુ એફટીએ લાગુ થયા બાદ આ ડ્યુટીમાં મોટો કાપ મૂકવામાં આવશે, જેનાથી વ્હિસ્કી સસ્તી થશે. જોકે, તેની આખરી કિંમત જે-તે રાજ્યના સ્થાનિક ટેક્સ પર પણ નિર્ભર રહેશે. આ જ રીતે બ્રિટનથી આયાત થતી પ્રીમિયમ અને લક્ઝરી કારો પર પણ આયાત શુલ્ક ઘટાડવામાં આવશે, જેનાથી પ્રીમિયમ કાર સેગમેન્ટમાં માંગ વધવાની આશા ઓટો નિષ્ણાતો વ્યક્ત કરી રહ્યા છે.
India UK FTA Impact – આ ચીજો પર પણ ગ્રાહકોને મળશે મોટી રાહત
આ મુક્ત વ્યાપાર કરારના કારણે માત્ર વ્હિસ્કી કે કાર જ નહીં, પરંતુ બ્રિટનથી ઈમ્પોર્ટ થતી અન્ય ઘણી લાઈફસ્ટાઈલ અને મેડિકલ વસ્તુઓ પણ સસ્તી થશે. રાહત મેળવનારી મુખ્ય ચીજવસ્તુઓની યાદી નીચે મુજબ છે:
બ્રિટિશ બ્રાન્ડ્સના બ્યુટી અને કોસ્મેટિક્સ પ્રોડક્ટ્સ
પ્રીમિયમ ચોકલેટ્સ અને વિદેશી ફૂડ આઈટમ્સ
આધુનિક મેડિકલ ડિવાઈસ (તબીબી ઉપકરણો)
પ્રીમિયમ ફેશન અને લાઈફસ્ટાઈલ પ્રોડક્ટ્સ
India UK FTA Impact – ભારતીય નિકાસકારો અને વેપારને થશે મોટો ફાયદો
આ સમજૂતીથી માત્ર બ્રિટનનો સામાન જ સસ્તો નહીં થાય, પરંતુ ભારતીય નિકાસકારો (એક્સપોર્ટર્સ) ને પણ બ્રિટનના બજારમાં મોટો ફાયદો મળશે. ભારતના ટેક્સટાઈલ (કપડાં), જેમ્સ એન્ડ જ્વેલરી (હીરા-ઝવેરાત), એન્જિનિયરિંગ અને કૃષિ ઉત્પાદનોની બ્રિટનમાં નિકાસ વધશે, જેનાથી દેશમાં રોજગારીની નવી તકો ઊભી થશે. નિષ્ણાતોના મતે ૧૫ જુલાઈથી આ કરાર લાગુ થયા બાદ કિંમતોમાં ઘટાડાની આ અસર આગામી થોડા મહિનાઓમાં ધીમે-ધીમે ભારતીય બજારમાં ગ્રાહકો સુધી પહોંચશે.
👉 આ સમાચાર વાચો:
West Bengal Opposition Leader Row બંગાળ વિપક્ષના નેતાની નિમણૂક પર હાઈકોર્ટનો મોટો નિર્ણય, તૃણમૂલને ઝટકો.
