News Continuous Bureau | Mumbai
ક્રિસ હિપકિન્સ ન્યુઝીલેન્ડના નવા વડાપ્રધાન બન્યા છે. બુધવારે તેમણે દેશના 41માં વડાપ્રધાન તરીકે શપથ લીધા. ન્યુઝીલેન્ડના સરકારી પ્રસારણકર્તા કંપનીએ આ માહિતી આપી છે. જેસિન્ડા આર્ડર્ન આજે સવારે વડા પ્રધાન તરીકે છેલ્લી વખત ન્યુઝીલેન્ડની સંસદમાં પહોંચ્યા, ત્યાંથી સીધા સરકારી ગૃહ તરફ પ્રયાણ કર્યું, જ્યાં તેમણે પોતાનું રાજીનામું સોંપ્યું. કાર્મેલ સેપુલોનીએ નાયબ વડા પ્રધાન તરીકેનો કાર્યભાર સંભાળ્યો. પદ સંભાળ્યા પછી, હિપકિન્સે સંકેત આપ્યો છે કે વધતી જતી મોંઘવારીનો સામનો કરવો એ તેમની કેબિનેટની પ્રાથમિકતા રહેશે.
હિપકિન્સ પ્રથમ વખત 2008માં ન્યુઝીલેન્ડની સંસદમાં ચૂંટાયા હતા. નવેમ્બર 2020 માં, કોરોના રોગચાળા દરમિયાન, તેમને મંત્રી તરીકે કોરોના સાથે ડીલ કરવાની જવાબદારી સોંપવામાં આવી હતી. આ સિવાય હિપકિન્સ પોલીસ મંત્રાલય, શિક્ષણ અને જાહેર સેવા જેવા મંત્રાલયો પણ સંભાળી ચુક્યા છે.
આ સમાચાર પણ વાંચો: Vastu Tips : વાસ્તુ નિયમો અનુસાર તમારા ઘરને વોટર ફાઉન્ટેનથી સજાવો, ખૂબ પૈસાનો વરસાદ થશે
અગાઉ જેસિન્ડા આર્ડર્ને વડા પ્રધાન પદ પરથી રાજીનામું આપવાની જાહેરાત કરીને બધાને ચોંકાવી દીધા હતા. જેસિન્ડા આર્ડર્નના રાજીનામા બાદ ન્યૂઝીલેન્ડના વડાપ્રધાન પદના દાવેદારોના નામની ચર્ચા શરૂ થઈ ગઈ છે. જેમાં બાજી ક્રિસ હિપકિન્સના હાથમાં આવી. પોતાના રાજીનામાની જાહેરાત કરતા જેસિન્ડા આર્ડર્ને કહ્યું કે તે જાણે છે કે વડાપ્રધાન પદ માટે ઘણી જવાબદારી અને સમર્પણની જરૂર પડે છે પરંતુ હવે તે તેની સાથે ન્યાય કરી શકવા સક્ષમ નથી, તેથી તે પદ પરથી હટી રહી છે પરંતુ ઘણા સાથીદારો છે જેઓ આ જવાબદારી વધુ સારી રીતે નિભાવી શકે છે.
