News Continuous Bureau | Mumbai
Pakistan-Afghanistan War: પાકિસ્તાન અને અફઘાનિસ્તાન વચ્ચેનો સીમા વિવાદ હવે લોહીયાળ જંગમાં ફેરવાઈ ગયો છે. ગુરુવારની મધ્યરાત્રિએ પાકિસ્તાને અફઘાનિસ્તાનના કાબુલ, કંધાર અને પતિયાના સૈન્ય વિસ્તારો પર બોમ્બમારો કર્યો હતો. આ હુમલા બાદ પાકિસ્તાનના સંરક્ષણ મંત્રી ખ્વાજા આસિફે તેને ‘ખુલ્લું યુદ્ધ’ જાહેર કરી દીધું છે.પાકિસ્તાનનો આરોપ છે કે તાલિબાને અફઘાનિસ્તાનને ભારતનું ‘પ્રોક્સી’ બનાવી દીધું છે અને ત્યાંથી આતંકી હુમલા થઈ રહ્યા છે. બીજી તરફ, અફઘાનિસ્તાનના ઇસ્લામી અમીરાતે પાકિસ્તાનની અનેક સૈન્ય ચોકીઓ પર કબજો કર્યાનો અને ડઝનેક સૈનિકોને મોતને ઘાટ ઉતાર્યાનો દાવો કરીને પાકિસ્તાનને હચમચાવી દીધું છે.
તાલિબાનનો વળતો પ્રહાર અને દાવાઓ
અફઘાનિસ્તાનના પ્રવક્તા ઝબીહુલ્લા મુજાહિદે જણાવ્યું છે કે, પાકિસ્તાનની કાયર સેનાએ રહેણાંક વિસ્તારો પર હુમલો કર્યો છે. વળતી કાર્યવાહીમાં તાલિબાને પાકિસ્તાનના ૫૫ સૈનિકોને ઠાર કર્યા છે અને ૧૫થી વધુ સૈનિકોને બંધક બનાવ્યા છે. તાલિબાને સોશિયલ મીડિયા પર હુમલાના વીડિયો શેર કરીને દાવો કર્યો છે કે ડૂરન્ડ લાઇન પર પાકિસ્તાની સૈન્ય મથકોને ભારે નુકસાન પહોંચાડવામાં આવ્યું છે.
Zabihullah (@Zabehulah_M33), Official Twitter Account of the Spokesman of Islamic Emirate of Afghanistan, Zabihullah Mujahid, posts, “The cowardly Pakistani military has carried out airstrikes in certain areas of Kabul, Kandahar, and Paktia; fortunately, there have been no… pic.twitter.com/LIoHn7rvGK
— Press Trust of India (@PTI_News) February 27, 2026
આ સમાચાર પણ વાંચો : PM Modi Selfie Fauda Stars: PM મોદી અને ‘Fauda’ ફેમ લિયર રાઝની મુલાકાત: પીએમએ સેલ્ફી સાથે આપ્યું એવું નિવેદન કે કલાકારો પણ હસી પડ્યા!
પાકિસ્તાન સરકારનું આકરા પાણીએ વલણ
પાકિસ્તાનના રાષ્ટ્રપતિ આસિફ અલી ઝરદારી અને ગૃહમંત્રી મોહસિન નકવીએ આ હુમલાને નિર્ણાયક ગણાવ્યો છે. નકવીએ કહ્યું કે, “કાયર દુશ્મને રાતના અંધારાનો સહારો લીધો હતો, પરંતુ અમારી સેનાએ આક્રમકતાને કચડી નાખી છે.” પાકિસ્તાનનું કહેવું છે કે તેઓ પોતાની પ્રાદેશિક અખંડિતતા પર કોઈ સમજૂતી કરશે નહીં અને અફઘાનિસ્તાનને જડબાતોડ જવાબ આપશે.
સરહદ પર તણાવ અને યુદ્ધ જેવી સ્થિતિ
અત્યારે પાકિસ્તાન-અફઘાનિસ્તાન સરહદ પર ભારે ગોળીબાર ચાલુ છે. બંને દેશોએ પોતાની તોપો અને વધારાના સૈનિકો સીમા પર ખડકી દીધા છે. તાલિબાને દાવો કર્યો છે કે પાકિસ્તાની સૈન્ય હેડક્વાર્ટર ‘અંઝાર સર’ હવે તેમના કબજામાં છે. આ જંગના કારણે સમગ્ર દક્ષિણ એશિયામાં અસ્થિરતાનો ભય સેવાઈ રહ્યો છે.
