News Continuous Bureau | Mumbai
Pakistan: પાકિસ્તાનના જેલમાં બંધ પૂર્વ વડાપ્રધાન ઈમરાન ખાનની ( Imran Khan ) પાર્ટી પાકિસ્તાન તહરીક-એ-ઈન્સાફ ( PTI ) એ શુક્રવારે ચૂંટણીને લઈને મોટી જાહેરાત કરી છે. પાર્ટીએ કહ્યું છે કે તે નેશનલ એસેમ્બલી ( National Assembly ) અને પંજાબ પ્રોવિન્શિયલ એસેમ્બલીમાં વિપક્ષમાં બેસશે. પાર્ટીના આ નિર્ણયની જાહેરાત પીટીઆઈના બેરિસ્ટર અલી સૈફે કરી છે.
ઉલ્લેખનીય છે કે, આના એક દિવસ પહેલા પીટીઆઈએ ઓમર અયુબ ખાનને ( Omar Ayub Khan ) પીએમ પદના ઉમેદવાર અને અસલમ ઈકબાલને પંજાબના મુખ્યમંત્રી તરીકે રજૂ કર્યા હતા. ઈસ્લામાબાદમાં ( Islamabad ) કૌમી વતન પાર્ટીની મુલાકાત લીધા બાદ મીડિયા સાથે વાત કરતા સૈફે કહ્યું હતું કે, પાર્ટીના સંસ્થાપક ઈમરાન ખાનની સૂચના અનુસાર પાર્ટીએ કેન્દ્ર અને પંજાબમાં ( Punjab ) વિપક્ષમાં ( opposition ) બેસવાનો નિર્ણય કર્યો છે.
પાકિસ્તાનમાં 8 ફેબ્રુઆરીએ યોજાયેલી સામાન્ય ચૂંટણી બાદ કોઈ પણ પાર્ટીને સ્પષ્ટ બહુમતી મળી નથી…
તેમણે વધુમાં કહ્યું હતું કે, ‘અમે વિપક્ષમાં બેસવાનું નક્કી કર્યું એ હકીકત હોવા છતાં કે, જો જનતાએ અમારા પર જે વિશ્વાસ બતાવ્યો છે તે પ્રમાણે મત ગણતરી થઈ હોત અને પરિણામ પલટાયું ન હોત તો અમે 180 બેઠકો સાથે કેન્દ્રમાં હોત. જો કે વિપક્ષી છાવણીમાં જોડાવાના નિર્ણય બાદ પાર્ટી પીએમ અને પંજાબના મુખ્યમંત્રીની ચૂંટણીમાં ભાગ લેશે કે કેમ તે સ્પષ્ટ નથી.
આ સમાચાર પણ વાંચો : Mumbai fire : મુંબઈના આ વિસ્તારમાં વહેલી સવારે લાગી ભીષણ આગ, 15 મકાનો આવ્યા ચપેટમાં, જુઓ વિડિયો..
નોંધનીય છે કે, પાકિસ્તાનમાં 8 ફેબ્રુઆરીએ યોજાયેલી સામાન્ય ચૂંટણી બાદ કોઈ પણ પાર્ટીને સ્પષ્ટ બહુમતી મળી નથી. પીટીઆઈ સમર્થિત અપક્ષ ઉમેદવારોએ 92 બેઠકો મેળવી, જ્યારે પાકિસ્તાન મુસ્લિમ લીગ-નવાઝ અને પાકિસ્તાન પીપલ્સ પાર્ટીએ અનુક્રમે 75 અને 54 બેઠકો મેળવી હતી.
