News Continuous Bureau | Mumbai
Pakistan US Relations ૨૩ જાન્યુઆરી ૨૦૨૬ના અહેવાલો મુજબ, અમેરિકાએ ભારત પર ૫૦ ટકા ટેરિફ લાદ્યા બાદ ભારત-અમેરિકા સંબંધોમાં તણાવ આવ્યો છે. આ તકનો લાભ લેવા પાકિસ્તાને ટ્રમ્પ સાથે સંબંધો સુધારવા માટે એડીચોટીનું જોર લગાવ્યું હતું. દાવોસ (Davos) ખાતે વર્લ્ડ ઈકોનોમિક ફોરમની બેઠકમાં પાકિસ્તાની પીએમ શહબાઝ શરીફે ટ્રમ્પના ‘બોર્ડ ઓફ પીસ’ અભિયાનમાં જોડાવા માટે સહી કરી દીધી, પરંતુ આ નિર્ણય હવે પાકિસ્તાન માટે આર્થિક અને રાજકીય આફત સાબિત થઈ રહ્યો છે. ભારત અને ચીન જેવા પ્રભાવશાળી દેશોએ આ બેઠકથી દૂરી બનાવી રાખી છે, જ્યારે પાકિસ્તાન તેમાં સામેલ થનારો ગણતરીના દેશોમાંનો એક છે.
શું છે ‘બોર્ડ ઓફ પીસ’ વિવાદ?
ડોનાલ્ડ ટ્રમ્પે આ પ્રસ્તાવ હેઠળ ભારત અને ચીન સહિત વિશ્વના ૬૦ દેશોને આમંત્રણ આપ્યું હતું. જોકે, ઉદ્ઘાટન સમારોહમાં ૨૦થી પણ ઓછા દેશો હાજર રહ્યા હતા. ભારત રશિયા પાસેથી તેલ ખરીદતું હોવાથી ટ્રમ્પે ટેરિફનો મુદ્દો ઉઠાવ્યો હતો, જેનાથી નારાજ થઈને ભારતે આ પહેલથી દૂર રહેવાનો નિર્ણય કર્યો. પાકિસ્તાને આશા રાખી હતી કે ટ્રમ્પને સાથ આપીને તે અમેરિકી રોકાણ મેળવશે, પરંતુ હવે પાકિસ્તાન આંતરરાષ્ટ્રીય સ્તરે એકલું પડી ગયું હોય તેમ લાગે છે.
પાકિસ્તાનમાં આંતરિક બળવો અને વિરોધ
ઈસ્લામાબાદમાં આ કરાર બાદ રાજકીય માહોલ ગરમાયો છે. પૂર્વ વડાપ્રધાન ઈમરાન ખાનની પાર્ટી પાકિસ્તાન તહરીક-એ-ઈન્સાફ (PTI) એ શહબાઝ શરીફ પર દેશના હિતોને વેચવાનો આરોપ લગાવી આંદોલન શરૂ કર્યું છે. વિપક્ષોનું કહેવું છે કે જે પ્રસ્તાવને ભારતે પણ ફગાવ્યો છે, તેમાં જોડાઈને પાકિસ્તાને પોતાની રહીસહી આબરૂ પણ ગુમાવી દીધી છે.
આ સમાચાર પણ વાંચો : Mumbai Mayor Race:મુંબઈના મેયરની ખુરશી પર કોણ? ભાજપની ‘ટોપ 10’ મહિલા લિસ્ટમાં આ 3 નામ સૌથી શક્તિશાળી; જાણો કોણ મારી જશે બાજી.
આર્થિક પાયમાલીનો ડર
પાકિસ્તાનની અર્થવ્યવસ્થા પહેલેથી જ વેન્ટિલેટર પર છે. ટ્રમ્પને ખુશ કરવા માટે પાકિસ્તાને અમેરિકાને ત્યાં મોટા પાયે રોકાણ કરવા માટે આગ્રહ કર્યો હતો, પરંતુ હવે ઘરઆંગણે થતા વિરોધ અને આંતરરાષ્ટ્રીય સ્તરે પ્રતિસાદ ન મળવાને કારણે પાકિસ્તાન ‘ભીખ’ માગવાની સ્થિતિમાં આવી જાય તેવી ભીતિ સેવાઈ રહી છે.
