News Continuous Bureau | Mumbai
Pakistan Khyber Pakhtunkhwa Peace Rally Blast પાકિસ્તાનના ઉત્તરપશ્ચિમ પ્રાંત ખૈબર પખ્તુનખ્વા (Khyber Pakhtunkhwa) ના સ્વાત (Swat) જિલ્લામાં રવિવારે યોજાયેલી એક શાંતિ રેલી (Peace Rally) દરમિયાન થયેલા એક શક્તિશાળી વિસ્ફોટમાં ઓછામાં ઓછા ૭ લોકોના કરૂણ મોત નીપજ્યા છે, જ્યારે ૧૮ થી વધુ લોકો ગંભીર રીતે ઈજાગ્રસ્ત થયા છે.
Pakistan Khyber Pakhtunkhwa Peace Rally Blast – ‘સ્વાત અમન જિરગા’ ની રેલી પૂર્ણ થતા જ ધમાકો
મળતી માહિતી મુજબ, સ્વાત જિલ્લાના કબાલ ટાઉનમાં સ્થાનિક આદિવાસી પરિષદ ‘સ્વાત અમન જિરગા’ દ્વારા આ શાંતિ રેલીનું આયોજન કરવામાં આવ્યું હતું. વિસ્તારમાં વણસતી સુરક્ષા પરિસ્થિતિ સામે હજારો લોકો શાંતિની માગ સાથે રસ્તા પર ઉતર્યા હતા. રેલી પૂરી થઈને લોકો વિખેરાઈ રહ્યા હતા ત્યારે જ એક પોલીસ સ્ટેશન નજીક જોરદાર વિસ્ફોટ થયો હતો, જેમાં આસપાસના લોકો અને સુરક્ષાકર્મીઓ ઝપેટમાં આવી ગયા હતા.
Pakistan Khyber Pakhtunkhwa Peace Rally Blast – પાકિસ્તાની પોલીસને મુખ્ય નિશાન બનાવવાનો દાવો
પ્રારંભિક તપાસ અને સ્થાનિક વહીવટીતંત્રના જણાવ્યા મુજબ, આ હુમલામાં વાહનો અને સુરક્ષા વ્યવસ્થામાં તૈનાત પોલીસ કર્મચારીઓને મુખ્ય નિશાન બનાવવામાં આવ્યા હતા. પ્રાથમિક દ્રષ્ટિએ આ એક આત્મઘાતી હુમલો (Suicide Attack) હોવાનું સામે આવી રહ્યું છે. બ્લાસ્ટ બાદ સમગ્ર વિસ્તારમાં અફરાતફરી મચી ગઈ હતી અને સુરક્ષા દળોએ સમગ્ર વિસ્તારને ઘેરીને (Cordoned Off) આગળની તપાસ હાથ ધરી છે.
Pakistan Khyber Pakhtunkhwa Peace Rally Blast – ઇજાગ્રસ્તોની હોસ્પિટલમાં સારવાર અને સુરક્ષા એજન્સીઓ એલર્ટ
ધમાકા બાદ તુરંત જ રેસ્ક્યૂ ટીમો અને એમ્બ્યુલન્સ ઘટનાસ્થળે પહોંચી ગઈ હતી અને તમામ ઘાયલોને નજીકની હોસ્પિટલમાં સારવાર માટે ખસેડવામાં આવ્યા છે. તેમાંથી કેટલાક લોકોની હાલત અત્યંત ગંભીર હોવાનું હોસ્પિટલ પ્રશાસને જણાવ્યું છે. ખૈબર પખ્તુનખ્વા ક્ષેત્રમાં છેલ્લા કેટલાક સમયથી ટીટીપી (TTP) અને અન્ય આતંકી સંગઠનોની સક્રિયતા વધવાને કારણે આ સૈન્ય તણાવ અને હિંસક ઘટનાઓ ચિંતાનો વિષય બની છે.
👉 આ સમાચાર વાચો:
Today’s Horoscope : આજનો દિવસ:૩ ઓગસ્ટ ૨૦૨૬, સોમવાર, જાણો આપનું રાશિફળ
