Russia-Ukraine war: અમેરિકી રાષ્ટ્રપતિ જો બિડેનની મંજૂરી બાદ યુક્રેને પ્રથમ વખત રશિયા પર અમેરિકન મિસાઈલ છોડી છે. મીડિયા રિપોર્ટ અનુસાર, યુક્રેનિયન સૈન્યએ રશિયાની અંદર હુમલો કરવા માટે લાંબા અંતરની અમેરિકન ATACMS મિસાઇલોનો ઉપયોગ કર્યો છે. બિડેને રશિયાની અંદર હુમલા માટે અમેરિકન શસ્ત્રોનો ઉપયોગ કરવાની પરવાનગી આપ્યાના બે દિવસ બાદ આ હુમલો થયો છે. અહેવાલો અનુસાર આ હુમલો રશિયાના બ્રાયન્સ્ક ક્ષેત્રમાં કારાચેવમાં થયો છે.
Russia-Ukraine war: જુઓ વિડીયો
WATCH⚡️
Ukraine has conducted its first strike on Russia’s Bryansk border region using ATACMS missiles with U.S. approval. https://t.co/9mu42ZO8xX pic.twitter.com/vtBvZheIsh
— Open Source Intel (@Osint613) November 19, 2024
Russia-Ukraine war: બિડેને યુક્રેનને આવા હુમલા કરવાની મંજૂરી આપી
મહત્વનું છે કે તણાવ વધવાની આશંકા વચ્ચે મહિનાઓ સુધી બિડેને યુક્રેનને આવા હુમલા કરવાની મંજૂરી આપવાનો ઇનકાર કર્યો હતો. જો કે, રશિયામાં 10,000 થી વધુ ઉત્તર કોરિયાના સૈનિકોની તૈનાતીના સમાચાર પછી, અમેરિકાએ તેને મંજૂરી આપી. યુક્રેન-રશિયા યુદ્ધમાં ઉત્તર કોરિયાની દખલગીરી બાદ અમેરિકાએ તેને ગંભીરતાથી લીધો છે અને તણાવ વધવાની આશંકા પણ વ્યક્ત કરી છે. આ પછી, આ હથિયારોનો ઉપયોગ કરવાની પરવાનગી આપવામાં આવી હતી.
આ હુમલામાં રશિયન સેનાના મુખ્ય મિસાઈલ અને આર્ટિલરી ડિરેક્ટોરેટના રશિયન સૈન્ય મથકને નિશાન બનાવવામાં આવ્યું છે. યુક્રેનની રાષ્ટ્રીય સુરક્ષા પરિષદના અધિકારી એન્ડ્રી કોવાલેન્કોએ જણાવ્યું હતું કે ઉત્તર કોરિયાના લોકો આર્ટિલરી હથિયારો, માર્ગદર્શિત હવાઈ બોમ્બ, વિમાન વિરોધી મિસાઈલ અને મલ્ટિપલ લોન્ચ રોકેટ સિસ્ટમ્સ (MLRS) માટે દારૂગોળો સાથે સ્થળ પર હતા.
Russia-Ukraine war: યુદ્ધની આગ વધુ ભડકશે
અગાઉ રશિયાએ આ હથિયારોનો ઉપયોગ ન કરવાની ચેતવણી આપી હતી. રશિયાએ એક દિવસ પહેલા કહ્યું હતું કે જો આ હથિયારોનો ઉપયોગ કરવામાં આવશે તો તેનાથી યુદ્ધની આગ વધુ ભડકશે અને વિશ્વ ત્રીજા વિશ્વ યુદ્ધ તરફ આગળ વધશે. બિડેનની મંજૂરી બાદ નારાજ થયેલા રશિયન પ્રમુખ પુતિને મંગળવારે દેશની નવી પરમાણુ નીતિ પર હસ્તાક્ષર કર્યા હતા. આ હેઠળ, એવી જાહેરાત કરવામાં આવી છે કે પરંપરાગત મિસાઇલ ડ્રોન અને અન્ય વિમાનો દ્વારા રશિયા પરના હુમલા પણ પરમાણુ હથિયારોના ઉપયોગના માપદંડમાં આવશે.
