News Continuous Bureau | Mumbai
Russian Bomber Crash રશિયન વાયુસેનાના શક્તિશાળી વ્યૂહાત્મક બોમ્બર વિમાન ‘Tu22M3’ ને એક અકસ્માતનો સામનો કરવો પડ્યો છે. સાઇબેરિયાના ઇરકુત્સ્ક ક્ષેત્રમાં એક નિયમિત તાલીમી ઉડાન દરમિયાન આ વિમાન દુર્ઘટનાગ્રસ્ત થઈને જંગલ વિસ્તારમાં ખાબક્યું હતું. સદનસીબે, આ ઘટનામાં કોઈ જાનહાનિ થઈ નથી અને પાયલોટ સહિત તમામ ૪ ક્રૂ મેમ્બર સુરક્ષિત રીતે બહાર નીકળવામાં સફળ રહ્યા હતા.
Embed https//twitter.com/i/status/2066536936483831856
Russian Bomber Crash – એન્જિનમાં ટેકનિકલ ખામી બન્યું અકસ્માતનું કારણ
રશિયન સંરક્ષણ મંત્રાલયના અહેવાલ મુજબ, ઇરકુત્સ્ક ગવર્નર ઇગોર કોબ્ઝેવે પ્રાથમિક માહિતી આપતા જણાવ્યું છે કે વિમાનના એન્જિનમાં ટેકનિકલ ખામી સર્જાવાને કારણે આ અકસ્માત થયો હોવાની શક્યતા છે. કામેન્કા ગામ નજીક થયેલા આ અકસ્માત બાદ સ્થાનિક તંત્ર અને ફાયર વિભાગ દ્વારા તાત્કાલિક રાહત કામગીરી હાથ ધરવામાં આવી હતી. વિમાન કોઈ પણ પ્રકારના શસ્ત્રો કે યુદ્ધ સામગ્રી વહન કરી રહ્યું ન હતું, જેના કારણે મોટી હોનારત ટળી હતી.
Russian Bomber Crash – સોવિયેત યુગનું શક્તિશાળી વિમાન
Tu-22M3 બોમ્બર એ સોવિયેત યુગનું સુપરસોનિક અને લાંબા અંતરનું બોમ્બર વિમાન છે. નાટો (NATO) દ્વારા તેને ‘બેકફાયર’ કોડનામ આપવામાં આવ્યું છે. આ વિમાન હાઇપરસોનિક ‘કિંઝલ’ મિસાઇલ લોન્ચ કરવામાં સક્ષમ હોવાને કારણે રશિયાની એર પાવરનું એક મહત્વનું પાસું છે. રશિયાએ તાજેતરના વર્ષોમાં સીરિયા અને યુક્રેન યુદ્ધમાં પણ આ વિમાનનો વ્યૂહાત્મક ઉપયોગ કર્યો છે.
Russian Bomber Crash – સોશિયલ મીડિયા પર વાયરલ થયા વીડિયો
આ દુર્ઘટનાના વીડિયો સોશિયલ મીડિયા પર ખૂબ ઝડપથી વાયરલ થઈ રહ્યા છે. વીડિયોમાં જોઈ શકાય છે કે એક વિમાન અગનગોળામાં ફેરવાઈને ગાઢ જંગલમાં તૂટી પડે છે અને ત્યારબાદ ધુમાડાના ગોટેગોટા નીકળે છે. ઘટના સ્થળે પહોંચેલી બચાવ ટીમોએ તમામ ચારેય ક્રૂ મેમ્બરોને બચાવી લીધા છે અને તેમને નજીકની હોસ્પિટલમાં સારવાર માટે ખસેડવામાં આવ્યા છે, જ્યાં તેમની સ્થિતિ ખતરા બહાર હોવાનું જાણવા મળ્યું છે.
👉 આ સમાચાર વાચો:
Trump Relief & US 250th Anniversary શું અમેરિકા ફરી વિશ્વશાંતિનો પક્ષધર બનશે? ટ્રમ્પે જાહેર કર્યો ૨૫૦મી વર્ષગાંઠ સુધી યુદ્ધથી દૂર રહેવાનો નિર્ધાર.
