News Continuous Bureau | Mumbai
Abu Dhabi: અબુ ધાબીમાં રસ્તાની બાજુમાં કાર પાર્ક કરી અને ત્યાં નમાઝ અદા (Prayer) કરવી ગેરકાયદેસર છે. અબુ ધાબીની પોલીસે ચેતવણી આપી છે કે જો કોઈ પોતાની કાર રોડ કિનારે પાર્ક કરીને નમાઝ પઢતા જોવા મળશે તો તેની સામે કાર્યવાહી કરવામાં આવશે અને તે વ્યક્તિ પાસેથી દંડ વસૂલવામાં આવશે. પોલીસનું કહેવું છે કે જે લોકો રોડની બાજુમાં બેસીને નમાઝ પઢે છે, તેઓ નમાઝ અદા કરતા લોકો અને આવતા-જતા લોકોના જીવ માટે જોખમ ઊભું કરી શકે છે. પોલીસે આ નવા નિયમ અંગે જાગૃતિ અભિયાન (Awareness campaign) પણ શરૂ કર્યું છે.
આ સમાચાર પણ વાંચો: જિયોની બેસ્ટ ઓફર , 50 રૂપિયામાં 28 દિવસની વેલિડીટી, અમર્યાદિત કૉલિંગ સાથે 10GB વધારાનો ડેટા.
અબુ ધાબીના પોલીસ મહાનિર્દેશક (Director General of Police) દ્વારા જારી કરાયેલા આદેશમાં નવા આદેશનો ઉદ્દેશ્ય માર્ગ સુરક્ષાને પ્રાથમિકતા આપવાનો છે. કેટલાક બસ ડ્રાઇવરો અને બાઇકર્સ તેમની કાર રસ્તાની બાજુમાં પાર્ક કરે છે અને ત્યાં નમાઝ અને અન્ય પ્રવૃત્તિઓ કરે છે. આવા બસ અને બાઇક પાર્કિંગના કારણે રસ્તા પરના વાહનોનું અકસ્માત થઈ શકે છે અને તેથી જ આ આદેશ જારી કરવામાં આવ્યો છે. પોલીસે કહ્યું છે કે આ ડ્રાઈવરોએ નમાઝ પઢવા માટે પેટ્રોલ સ્ટેશનના રેસ્ટ રૂમ, રહેણાંક વિસ્તાર, કામદારો માટે બનાવેલા વિભાગ અથવા મસ્જિદનો ઉપયોગ કરવો જોઈએ.
