News Continuous Bureau | Mumbai
મધ્ય-પૂર્વમાં વધી રહેલા તણાવ વચ્ચે અમેરિકી રાષ્ટ્રપતિ ડોનાલ્ડ ટ્રમ્પે ઈરાન અંગે અત્યંત કડક નિવેદન આપ્યું છે. ટ્રમ્પે ભારપૂર્વક જણાવ્યું છે કે ઈરાનના હાથમાં ક્યારેય પરમાણુ હથિયાર ન આવવા જોઈએ. તેમણે ચેતવણી આપી કે જો ઈરાન પાસે આવા હથિયારો આવશે, તો તે એક કલાક કે એક દિવસમાં તેનો ઉપયોગ કરી દેશે, જેનાથી માત્ર ઈઝરાયેલ જ નહીં પણ સમગ્ર મધ્ય-પૂર્વ તબાહ થઈ શકે છે.ટ્રમ્પે ઈરાનના નેતૃત્વને હિંસક અને ક્રૂર ગણાવતા કહ્યું કે, જે લોકોએ છેલ્લા 3 અઠવાડિયામાં હજારો પ્રદર્શનકારીઓને મારી નાખ્યા છે, તેમના પર વિશ્વાસ કરી શકાય નહીં.
ઈરાનની સૈન્ય તાકાત નષ્ટ થયાનો ટ્રમ્પનો દાવો
રાષ્ટ્રપતિ ટ્રમ્પે દાવો કર્યો હતો કે છેલ્લા બે અઠવાડિયામાં અમેરિકાએ કરેલા હુમલાઓએ ઈરાનની સૈન્ય શક્તિને જડમૂળથી ઉખેડી નાખી છે. તેમણે કહ્યું, “અમે તેમને બે અઠવાડિયામાં તબાહ કરી દીધા છે. તેમની પાસે હવે નેવી (નૌસેના), એરફોર્સ (વાયુસેના) કે એન્ટી-એરક્રાફ્ટ હથિયારો બચ્યા નથી. તેમનું નેતૃત્વ પણ ખતમ થઈ ગયું છે. આ કાર્યવાહી માત્ર અમેરિકા માટે નહીં પણ સમગ્ર વિશ્વની સુરક્ષા માટે કરવામાં આવી છે.”
આ સમાચાર પણ વાંચો : Ayushmann Khurrana Saddi Gali New Version : આયુષ્માન ખુરાનાએ જીતી લીધા ફેન્સના દિલ! ‘સાડ્ડી ગલી’નું અણસાંભળેલું વર્ઝન કર્યું રિલીઝ; જૂની યાદો તાજી કરી આપ્યું ખાસ વચન
હોર્મુઝની સામુદ્રધુની અને ઉર્જા સંકટ
હોર્મુઝની સામુદ્રધુની (Strait of Hormuz) ના મહત્વ પર વાત કરતા ટ્રમ્પે કહ્યું કે વિશ્વના અનેક દેશો પોતાની જરૂરિયાતના 90 થી 95 ટકા ઉર્જા (તેલ) આ માર્ગે મેળવે છે. ટ્રમ્પે જણાવ્યું કે ઈરાને વર્ષો સુધી આ માર્ગનો ‘ચોક પોઈન્ટ’ તરીકે ઉપયોગ કરીને વિશ્વને ડરાવ્યું છે, પરંતુ હવે તેમનો આ દબદબો ખતમ થઈ ગયો છે. તેમણે ફરી એકવાર સાથી દેશોને હોર્મુઝની સુરક્ષામાં સહયોગ આપવા આહવાન કર્યું છે.
‘વિશ્વનો મોટો હિસ્સો ઉડી જશે’
ટ્રમ્પે પુનરોચ્ચાર કર્યો કે ઈરાનને પરમાણુ હથિયાર મળવું એ સમગ્ર વિશ્વ માટે વિનાશક સાબિત થશે. જો ઈરાન હથિયાર મેળવવામાં સફળ રહેશે, તો તે તેનો ત્વરિત ઉપયોગ કરશે જેનાથી દુનિયાનો મોટો હિસ્સો જોખમમાં આવી જશે. ટ્રમ્પનું આ નિવેદન એવા સમયે આવ્યું છે જ્યારે જર્મની અને નાટોના અન્ય સાથી દેશો હોર્મુઝ મિશનમાં જોડાવા બાબતે અચકાઈ રહ્યા છે.
