News Continuous Bureau | Mumbai
Trump Tariff war : અમેરિકાના રાષ્ટ્રપતિ ડોનાલ્ડ ટ્રમ્પે ટેરિફ (આયાત ડ્યુટી) લાદવાની જાહેરાત કરી, જેનાથી સમગ્ર વિશ્વમાં અફરાતફરી મચી ગઈ છે. તેમના નિર્ણયની અસર વૈશ્વિક અર્થતંત્ર પર પડી છે. ભારત સહિત વિશ્વના ઘણા દેશોના શેરબજારોમાં મોટો ઘટાડો જોવા મળ્યો છે. ટ્રમ્પના દબાણ હેઠળ ઝિમ્બાબ્વેએ અમેરિકન માલ પરના ટેરિફ દૂર કર્યા છે.
Trump Tariff war : ઝિમ્બાબ્વે ટ્રમ્પને ખુશ કરવાના પ્રયાસમાં વ્યસ્ત
મીડિયા રિપોર્ટ મુજબ ઝિમ્બાબ્વેના રાષ્ટ્રપતિ એમર્સન મનાંગાગ્વાએ અમેરિકાથી આવતા માલ પરના ટેરિફ હટાવી દીધા છે. તેમના નિર્ણયથી દુનિયાભરના લોકો ચોંકી ગયા છે. ખાસ કરીને ટ્રમ્પ દ્વારા ઝિમ્બાબ્વેના માલ પર 18% ટેરિફ લાદ્યા પછી, આને અમેરિકી રાષ્ટ્રપતિ ટ્રમ્પ સાથે સારા સંબંધો બનાવવાના પ્રયાસ તરીકે જોવામાં આવી રહ્યું છે.
ZIMBABWE 🇿🇼 President Emmerson Mnangagwa said he would suspend all tariffs on goods imported from the United States, days after President Trump levied 18% tariffs against the southern African nation.
The mineral-rich country’s main trading partners are the United Arab Emirates,… pic.twitter.com/LgzkD3Q1ZH
— Gabriela Iglesias🇺🇲 (@iglesias_gabby) April 7, 2025
મનાંગગ્વાએ સોશિયલ મીડિયા પ્લેટફોર્મ X પર લખ્યું આ પગલાથી અમેરિકાથી આયાત વધશે અને આપણા દેશની નિકાસ અમેરિકા સુધી પહોંચવામાં મદદ મળશે. પરંતુ કેટલાક નિષ્ણાતોનું કહેવું છે કે આ નિર્ણયથી ઝિમ્બાબ્વેને કોઈ મોટો આર્થિક લાભ થશે નહીં. સરકારી નીતિઓના ટીકાકાર અને પત્રકાર હોપવેલ ચિનોનોએ કહ્યું કે આ બધું ટ્રમ્પને ખુશ કરવાનો પ્રયાસ છે.
Trump Tariff war : કેનેડાના નવા વડા પ્રધાનએ ટ્રમ્પની ટેરિફ નીતિ અંગે કડક નિવેદન આપ્યું
તો બીજી તરફ કેનેડાના નવા વડા પ્રધાન માર્ક કાર્નેએ ટ્રમ્પની ટેરિફ નીતિ અંગે કડક નિવેદન આપ્યું છે.આ ટેરિફ કેનેડામાં નોકરીઓને અસર કરી શકે છે, પરંતુ વાસ્તવિક નુકસાન યુનાઇટેડ સ્ટેટ્સમાં થશે, કાર્નેએ જણાવ્યું હતું. તેમણે કહ્યું કે તેના સંકેતો નાણાકીય બજારોમાં દેખાવા લાગ્યા છે, જેમ કે અમેરિકામાં નોકરીઓનું નુકસાન, ફુગાવામાં વધારો અને મંદીનો ભય. બ્રેક્ઝિટનું ઉદાહરણ આપતા તેમણે કહ્યું, મેં આ પહેલા પણ થતું જોયું છે. ત્યારે પણ તેની અસર ધીમે ધીમે જોવા મળી હતી. હવે અમેરિકાની પણ હાલત એવી જ થવાની છે.
આ સમાચાર પણ વાંચો : Trump Tariffs: ટ્રમ્પના ટેરિફથી ડર્યા અમેરિકન નાગરિકો, લાગુ થવા પહેલા જ ખરીદી રહ્યા છે જરૂરી વસ્તુઓ
Trump Tariff war : ટ્રમ્પની આ “દવા” દુનિયા માટે ખૂબ કડવી સાબિત થઈ રહી
રવિવારે મોડી રાત્રે એરફોર્સ વન પર પત્રકારો સાથે વાત કરતા અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે ટેરિફ (આયાત ડ્યુટી) લાદવાથી અમેરિકામાં નોકરીઓ અને રોકાણ પાછું આવશે. ટ્રમ્પે ટીકાને ફગાવી દેતા કહ્યું કે, “ક્યારેક તમારે કંઈક ઠીક કરવા માટે દવા લેવી પડે છે.” ટ્રેઝરી સેક્રેટરી સ્કોટ બેસન્ટ અને વાણિજ્ય સેક્રેટરી હોવર્ડ લુટનિક જેવા તેમના વરિષ્ઠ અધિકારીઓએ પણ મંદીના ભયને ઓછો આંક્યો અને ટેરિફને વાજબી ઠેરવ્યા. પરંતુ વિશ્વના ઘણા મોટા નેતાઓ અને શેરબજારો આ નિર્ણયથી ચિંતિત છે. તેમની પ્રતિક્રિયાઓ પરથી એવું લાગે છે કે ટ્રમ્પની આ “દવા” દુનિયા માટે ખૂબ કડવી સાબિત થઈ રહી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
